Gujarat weather: આવી રહ્યું છે ગુજરાતમાં મોટું સંક્ટ! આ વિસ્તારોમાં વાવાઝોડાની અસર: વહેલી સવારથી દક્ષિણ ગુજરાતમાં વરસાદી માહોલ

Gujarat storm forecast: દ્વારકાના અરબી સમુદ્રમાં ભારે કરંટ જોવા મળ્યો છે, ગોમતી નદીમાં 15 થી 20 ફૂટ ઊંચા મોજા ઉછળ્યા છે, ઊંચા મોજા સાથે દરિયામાં ભારે કરંટ જોવા મળ્યો છે અને ગોમતી ઘાટ પર સહેલાણીઓનો જમાવડો જોવા મળ્યો છે, દ્વારકા નપાના ફાયર જવાન અને સિક્યુરિટી ગાર્ડ તૈનાત કરવામાં આવ્યા છે અને સુરક્ષાને લઈ ચાંપતી નજર રાખવામાં આવી રહી છે.

Gujarat HeavyRains: દ્વારકા જિલ્લામાં વાવાઝોડાની તીવ્ર અસર જોવા મળી રહી છે. વહેલી સવારે દક્ષિણ ગુજરાતમાં વરસાદી માહોલ જોવા મળી રહ્યો છે. નવસારી જિલ્લામાં સાર્વત્રિક વરસાદ જોવા મળી રહ્યો છે, તો વલસાડના પારડી, ધરમપુર, કપરાડામાં વરસાદી માહોલ જામ્યો છે. બીજી બાજુ ડાંગરના ખેડૂતો મુશ્કેલીમાં મુકાયા છે.

ખાસ કરીને યાત્રાધામ દ્વારકાની ગોમતી નદીમાં દરિયાઈ કરંટ જોવા મળ્યો છે. વાવાઝોડાના કારણે ગોમતી નદીમાં 15 થી 20 ફૂટ ઊંચા મોજા ઉછળતા જોવા મળ્યા હતા. આ પરિસ્થિતિને ધ્યાનમાં રાખીને નગરપાલિકાની ફાયર વિભાગની રેસ્ક્યુ ટીમ અને પોલીસનો બંદોબસ્ત ગોઠવવામાં આવ્યો છે. આટલી ગંભીર સ્થિતિ હોવા છતાં, કેટલાક સહેલાણીઓ આ દ્રશ્યોની મજા માણતા જોવા મળ્યા હતા. જોકે, કોસ્ટ ગાર્ડ દ્વારા માછીમારોને દરિયો ન ખેડવા સ્પષ્ટ સૂચના આપવામાં આવી છે, જેથી કોઈ અનિચ્છનીય બનાવ ન બને,

દ્વારકામાં અરબી સમુદ્ર ગાંડોતુર, ગોમતી ઘાટ પર ઊંચા મોજા વચ્ચે સહેલાણીઓનો જમાવડો 
દ્વારકાના અરબી સમુદ્રમાં હાલ ભારે કરંટ જોવા મળી રહ્યો છે, જેના કારણે ગોમતી ઘાટ પર 15 થી 20 ફૂટ ઊંચા મોજા ઉછળી રહ્યા છે. દરિયાનું આ રૌદ્ર સ્વરૂપ જોવા માટે લોકપ્રિય ઘાટ પર મોટી સંખ્યામાં પ્રવાસીઓ અને સ્થાનિક લોકો ઉમટી પડ્યા છે."ગાંડોતુર" અને "રોદ્ર સ્વરૂપ" ધારણ કરેલો દરિયો શક્તિશાળી પવનોને કારણે ઉછળી રહ્યો છે, જે એક ભવ્ય છતાં સંભવિત જોખમી દ્રશ્ય રજૂ કરે છે. 

આ વધેલી ગતિવિધિના પ્રતિભાવ રૂપે, દ્વારકા નગરપાલિકા દ્વારા સલામતી સુનિશ્ચિત કરવા માટે ફાયર બ્રિગેડના જવાનો અને સિક્યુરિટી ગાર્ડ ને ગોમતી ઘાટ પર તૈનાત કરવામાં આવ્યા છે.હવામાન વિભાગ અને સ્થાનિક સત્તાવાળાઓ દ્વારા માછીમારોને પ્રવર્તમાન વિકટ પરિસ્થિતિઓ અને તીવ્ર કરંટને કારણે દરિયામાં ન જવાની સખત સૂચનાઓ આપવામાં આવી છે. દ્વારકાના દરિયાકિનારે અરબી સમુદ્રની શક્તિશાળી ઉછાળ ચાલુ રહેતાં પરિસ્થિતિ પર નજીકથી નજર રાખવામાં આવી રહી છે.