પ્રેમ સંબંધની શંકામાં પરિણીતાના ગુપ્તાંગમાં મરચું ભર્યું! રેતીમાં માસુમ દિકરાને ઘા કર્યો, 4 શખ્સોએ દુષ્કર્મ ગુજાર્યુ!

ભાવનગર શહેરના મહિલા કોલેજ વિસ્તારમાંથી પરિણીતાને તેના ઘરેથી માતા-પિતાના બહાને બોલાવી ચાર શખસ કારમાં અપહરણ કરી એક ખંડેર મકાનમાં લઈ ગયા હતા. જ્યા નરાધમોએ પરિણીતાના હાથમાં રહેલા બાળકને છીંનવી તેને રેતીના ઢગલામાં ઘા કરી દઈ પરિણીતા ઉપર છરીની અણીએ પાશવી દુષ્કર્મ ગુજાર્યુ હતું.

Bhavnagar News: ભાવનગર શહેરમાં વધુ એક દુષ્કર્મની ઘટના સામે આવી છે. પ્રેમ સંબંધની શંકા રાખી મહિલાનું અપહરણ કરી દુષ્કર્મ આચરતા ખળભળાટ મચી જવા પામ્યો છે. આરોપીઓએ માનવતાની હદ વટાવી નાંખી હતી, દુષ્કર્મના આ ચર્ચિત કેસમાં મહિલાના ગુપ્તાંગમાં મરચું ભરવામાં આવ્યું હતું. ચાર શખ્સોએ મહિલાનું અપહરણ કરી એક રૂમમાં ગોંધી રાખી હતી. નરાધમોએ પરિણીતાના હાથમાં રહેલા બાળકને છીંનવી રેતીના ઢગલામાં ઘા કરી દીધો હતો. ત્યારબાદ ત્રણ શખ્સોએ છરીની અણીએ મહિલાને પકડી રાખતા ચોથા વ્યક્તિએ દુષ્કર્મ આચર્યું હતું. આ ઘટનામાં મનસુખ મકવાણા, મુકેશ મકવાણા, પિન્ટુ મકવાણા અને એક અજાણ્યા શખ્સ વિરુદ્ધ ફરિયાદ નોંધવામાં આવી છે. આ ઘટના બાદ ઘોઘારોડ પોલીસે ફરિયાદના પગલે આરોપીઓને ઝડપી લેવા તપાસ હાથ ધરી છે.

ઘોઘારોડ પોલીસ મથકમાં ચાર શખસ વિરુદ્ધ ફરિયાદ
આ ઘટનાની મળતી માહિતી પ્રમાણે, ભાવનગર શહેરના મહિલા કોલેજ પાસે કૃષ્ણનગરમાં રહેતી એક 25 વર્ષિય મહિલા સાથે દુષ્કર્મની ઘટના બની છે. ઘોઘારોડ પોલીસ મથકમાં મનસુખ મકવાણા, મુકેશ મકવાણા, પીન્ટુ મકવાણા અને એક અજાણ્યા શખસ સામે ફરિયાદ નોંધાવવામાં આવી છે. ફરિયાદ મુજબ 25 વર્ષીય મહિલાને અગાઉ દિપક લાઠીયા નામના શખસ સાથે પ્રેમ સબંધ હતો, પરંતુ સમય જતાં વકિલ હસ્તક સમજુતી કરી છુટા પડી ગયા હતા. 

દિકરાને ખેંચીને રેતીના ઢગલામાં ઘા કરી દીધો 
પરંતુ પરિણીતાના દિપક વચ્ચે સબંધ હોવાનો ખોટી શંકા દિપકના સાળા મનસુખ, મુકેશ અને પિન્ટુ મકવાણાએ ગત રાત્રીના 8 વાગ્યાની આસપાસ પરિણીતાના ઘરે એક અજાણ્યા માણસને મોકલી તેના મમ્મી પપ્પા તેને મળવા માટે બોલાવે છે. તેમ કહી ખોટા બહાને ઘરની બહાર બોલાવી ચાર શખસોએ કારમાં અપહરણ કર્યું હતું. ત્યારબાદ પરિણીતાને એરપોર્ટ રોડ ઉપર અવાવરુ જગ્યામાં આવેલા એક મકાનમાં લઈ જઈ રૂમમાં તેને પુરી રાખી હતી. ત્યારબાદ મનસુખ મકવાણા અને મુકેશ મકવાણાએ સાવરણી વડે માર મારી મનસુખે તેની પાસે રહેલા દિકરાને ખેંચીને રેતીના ઢગલામાં ઘા કરી દીધો હતો, જેથી બાળકને ઈજા પહોંચી હતી. 

પરિણીતાના પ્રાઈવેટ પાર્ટમાં મરચુ ભરી શારિરીક નુકસાન પહોંચાડ્યું
અસલી ખેલ તો હવે શરૂ થયો હતો. મનસુખે પરિણીતાના ગળાના ભાગે છરી રાખી અને દિકરાને મારી નાખવાની ધમકી આપી તેની સાથે બળજબરી કરી જાતીય દુષ્કર્મ આચર્યુ હતું. તે વેળાએ મુકેશ અને પિન્ટુએ પરિણીતાને પકડી રાખી મદદગારી કરી હતી, મનસુખ આટલેથી અટક્યો નહોતો, તેણે પરિણીતાના પ્રાઈવેટ પાર્ટમાં મરચુ ભરી શારિરીક નુકસાન પણ પહોંચાડ્યું હતું. 

બે વાગ્યાના અરસામાં પરિણિતાને છોડી મૂકી!
મોડી રાત્રીના બે વાગ્યાના અરસામાં પરિણિતાને તેમના ચુંગાલમાંથી મુક્ત કરી હતી. ત્યારબાદ મહિલા બાળકને લઈને ઘોઘારોડ પોલીસ સ્ટેશનમાં જઈને મનસુખ મકવાણા, મુકેશ મકવાણા, પિન્ટુ મકવાણા અને એક અજાણ્યા શખસ સામે ફરિયાદ નોંધાવી હતી. પોલીસે બીએનએસ એક્ટ ૬૪(૧), ૬૪(૨), (એલ), ૧૩૭(૨), ૧૨૭(૨), ૧૧૫(૨), ૩૫૨, ૩૫૧(૩), તેમજ જીપી એક્ટ ૧૩૫ મુજબ ગુનો દાખલ કરી ધોરણસર કાર્યવાહી હાથ ધરી શખસોને ઝડપી પાડવા ચક્રગતિમાન કર્યા હતા.