દૂધ સાગર ડેરીના ચેરમેન અશોક ચૌધરી હવે અમૂલ ફેડરેશનના નવા ‘બિગબોસ’

GCMMF New Chairman Ashok Chaudhary : મહેસાણા ડેરીના ચેરમેન અશોક ચૌધરી બન્યા GCMMFના ચેરમેન... તો રાજકોટના ગોરધન ધામેલિયાને મળી વાઈસ ચેરમેન તરીકે જવાબદારી..

Amul Federation Election : ગુજરાત કો-ઓપરેટિવ મિલ્ક માર્કેટિંગ ફેડરેશનમાં રાજ્યના 18 દૂધસંઘો આવે છે. હાલમાં GCMMFનું વાર્ષિક ટર્નઓવર 80 હજાર કરોડ જેટલું છે. ત્યારે કરોડોનો વહીવટ સંભાળવાની બાગડોર હવે ઉત્તર ગુજરાતના અશોક ચૌધરીના હાથમાં આવી છે. GCMMF નવા ચેરમેન તરીકે મહેસાણા ડેરીના અશોક ચૌધરીની નિમણૂંક કરવામાં આવી છે. 

રાજ્યમાં દૂધ સંઘોમાં ઉત્તર ગુજરાતના દૂધસાગર, સાબર, બનાસ અને આણંદની અમૂલ ડેરીનો દબદબો છે. આ સંઘોના ચેરમેન જ અમૂલના ચેરમેન બનતા આવ્યા છે. આ ડેરીઓનું અમૂલના જીસીએમએમએફ પર પ્રભુત્વ છે. ત્યારે આખરે દૂધસાગર ડેરીના અશોક ચૌધરી પર જ પસંદગીનો કળશ ધોળાયો છે. 

દૂધસાગર ડેરીના સુકાની અશોક ચૌધરી કોણ છે?
અશોક ચૌધરી વિસનગર તાલુકાના ચિત્રોડીપુરા ગામના મૂળ વતની છે. 12 ગોળ ચૌધરી સમાજમાંથી આવે છે. મહેસાણા નગરપાલિકાના પ્રમુખ રહી ચૂક્યા છે. મહેસાણા જિલ્લાના મહામંત્રી રહી ચૂક્યા છે. ગુજરાત રાજ્ય હાઉસિંગ બોર્ડમાં ડિરેક્ટરની જવાબદારી સંભાળી હતી. મહિલા સ્વાવલંબન યોજના સમિતિના હાલ સભ્ય છે. દૂધ સાગર ડેરીમાં આ પહેલા ડિરેક્ટર હતા. મહેસાણા જિલ્લામાં ભાજપનો યુવા ચહેરો છે. શાંત અને નિખાલસ સ્વભાવના અશોક ચૌધરીનું સમાજમાં સારુ વર્ચસ્વ છે.

નામ : ચૌધરી અશોકભાઈ ભાવસંગભાઈ
સરનામું : વતન- ચિત્રોડીપુરા, તા. વિસનગર, જિ.- મહેસાણા. હાલ રહેઠાણ- મહેસાણા
વ્યવસાય : વેપાર
અભ્યાસ : મિકેનીકલ એન્જીનીયર
રાજકીય ક્ષેત્ર : 

સને- ૧૯૯૫ થી પ્રાથમિક સભ્ય

• સને- ૨૦૦૧ થી ૨૦૦૩ કારોબારી સભ્ય મહેસાણા શહેર ભાજપ
• સને-૨૦૦૩ થી ૨૦૦૬ કોષાધ્યક્ષ મહેસાણા જિલ્લા બક્ષીપંચ મોરચો
• સને-૨૦૦૫ થી ૨૦૦૭ પ્રમુખ મહેસાણા નગરપાલિકા
• સને-૨૦૦૭ થી ૨૦૦૯ મંત્રી મહેસાણા જિલ્લા ભાજપ
• સને-૨૦૦૯ રાજસ્થાન વિધાનસભા ચૂંટણી કામગીરીમાં મહેસાણા જિલ્લા તરફથી ઇન્ચાર્જ
• સને ૨૦૦૯ થી ૨૦૧૨ મહામંત્રી મહેસાણા જિલ્લા ભાજપ
• સને ૨૦૧૨ ડીરેકટર- ગુજરાત હાઉસીંગ બોર્ડ
• સને ૨૦૧૨ થી ૨૦૧૫ મહામંત્રી મહેસાણા જિલ્લા ભાજપ
• સને-૨૦૧૩ રાજસ્થાન વિધાનસભા ચૂંટણી કામગીરીમાં મહેસાણા જિલ્લા તરફથી ઇન્ચાર્જ
• સને ૨૦૧૫ થી ડિરેક્ટર - દૂધસાગર ડેરી મહેસાણા
• સને ૨૦૧૭ ગુજરાત ગૌરવ યાત્રા (વ્યવસ્થા ઇન્ચાર્જ)
• સને-૨૦૧૮ રાજસ્થાન વિધાનસભા ચૂંટણી કામગીરીમાં મહેસાણા જિલ્લા તરફથી ઇન્ચાર્જ
• સને-૨૦૧૯- ઇન્ચાર્જ સંગઠન પર્વ (ઉત્તર ઝોન)
• સને- ૨૦૨૧ થી ચેરમેન- દૂધસાગર ડેરી- મહેસાણા
• સને-૨૦૨૪ અમેરિકા દ્વારા ઇન્ટરનેશનલ કો. ઓપરેટીવ ચેમ્પિયનશીપ એવોર્ડ-૨૦૨૪ મળેલ.
• તા. ૨૨.૦૭.૨૦૨૫ ના રોજથી ચેરમેન- જી.સી.એમ.એમ.એફ-આણંદ

દૂધ સાગર ડેરી વિશે
દૂધ સાગર ડેરીનું નામ ગુજરાત જ નહીં પણ વિશ્વભરમાં જાણીતું છે. એક સમયે એશિયા ખંડની સૌથી મોટી ડેરી હોવાનું બિરુદ મળ્યું હતું. વિપુલ ચૌધરીના પિતા માનસિંહ પટેલે ડેરીની સ્થાપના કરી હતી. માનસિંહ ચૌધરી ડેરીના પહેલા ચેરમેન હતા. માનસિંહ ચૌધરી બાદ મોતીભાઈ ચૌધરી ચેરમેન બન્યા. મોતીભાઈના શાસનમાં દૂધ સાગર ડેરીએ ખુબ પ્રગતિ કરી હતી. દૂધ સાગર ડેરીથી મહેસાણા જિલ્લામાં શ્ચેતક્રાંતિ આવી હતી. દૂધ સાગર ડેરીની અનેક પ્રોડક્ટો જેની વિશ્વ લેવલે મોટી માંગ છે. સાગર ઘી, સાગર દાણની વિશ્વ લેવલેસાગર ઘી, સાગર દાણની વિશ્વ લેવલે મોટી માંગ છે. દૂધ સાગરના કર્મચારીઓ સહયોગ નામથી મોટી મંડળી ચલાવે છે. સહયોગ મીઠાઈ અને ફરસાણની વસ્તુઓ જાણીતું નામ છે.