Gujarat Corona Update: ફરી ગુજરાતમાં ડરાવા લાગ્યો કોરોના! કેસમાં જબરદસ્ત વધારો, જાણો કયા કેટલા છે એક્ટિવ કેસ?

Gujarat Corona Virus: કોરોના વાયરસ ફરી એકવાર દેશભરમાં ફેલાઈ રહ્યો છે. દરરોજ નવા લોકો વાયરસના નવા વેરિઅન્ટનો ભોગ બની રહ્યા છે. ગુજરાતમાં કોરોનાની ફરી એક વાર ઘરવાપસી થઈ રહી છે. રાજ્યમાં 190 એક્ટિવ કેસ હતા, જે હવે વધીને 223ને પાર થયા છે. 223 એક્ટિવ કેસમાંથી સૌથી વધુ અમદાવાદમાં 145 કેસ છે જ્યારે રાજકોટ શહેરમાં 23 દર્દી છે.

COVID-19 Updates: દેશના વિવિધ ભાગોમાં કોરોનાના નવા દર્દીઓની સંખ્યા 1200 ને વટાવી ગઈ છે. કોવિડ-19 પોઝિટિવ દર્દીઓમાંથી 12 લોકોના મોત થયા છે. પરિસ્થિતિને ધ્યાનમાં રાખીને તમામ હોસ્પિટલોને સતર્ક રહેવાની સૂચના આપવામાં આવી છે. ઓક્સિજન સિલિન્ડર જેવી આવશ્યક ચીજવસ્તુઓનો પૂરતો સ્ટોક રાખવાની પણ સલાહ આપવામાં આવી છે, જેથી પ્રતિકૂળ પરિસ્થિતિઓમાં પણ પરિસ્થિતિને નિયંત્રણમાં રાખી શકાય.

અમદાવાદ સિવિલ હોસ્પિટલમાં 8 માસની બાળકીનો કોવિડ પોઝિટિવ રિપોર્ટ આવ્યો છે, આ બાળકીની અત્યારે ઓક્સિજન સહારે સારવાર ચાલી રહી છે, આ સિવાય સિવિલમાં અન્ય બે દર્દી દાખલ છે જ્યારે સોલા સિવિલ હોસ્પિટલમાં એક સગર્ભા સહિત ત્રણ પોઝિટિવ દર્દી સારવાર હેઠળ છે. આમ બે સિવિલમાં છ દર્દી છે. 

કેરળ, મુંબઈ સહિત ગુજરાતમાં પણ ધીમેથી દેખા દીધા પછી કોરોના સંક્રમણ વધવા લાગ્યું છે. ગુજરાતમાં એક જ દિવસમાં 33 એક્ટિવ કેસ વધ્યા છે, એ જ રીતે અમદાવાદ શહેરમાં 14 એક્ટિવ કેસનો વધારો જોવા મળ્યો છે. અત્યારે અમદાવાદ શહેરમાં 145, રાજકોટ શહેરમાં 23, જામનગર શહેર 11, સુરત શહેર 9, ભાવનગર શહેર 7, કચ્છ 6, મહેસાણા 6, ગાંધીનગર શહેર 5, બનાસકાંઠા, ભાવનગર અને ખેડામાં 2-2 કેસ તદુપરાંત જૂનાગઢ શહેર, પાટણ, રાજકોટ, સાબરકાંઠા અને વલસાડમાં એક એક કોવિડ એક્ટિવ કેસ છે. 223 એક્ટિવ કેસમાંથી 210થી વધુ દર્દી હોમ આઈસોલેશનમાં છે જ્યારે 11 જેટલા દર્દીઓ હોસ્પિટલ બિછાને સારવાર લઈ રહ્યા છે. 

પરિસ્થિતિને ધ્યાનમાં રાખીને તમામ હોસ્પિટલોને સતર્ક રહેવાની સૂચના આપવામાં આવી છે. ઓક્સિજન સિલિન્ડર જેવી આવશ્યક ચીજવસ્તુઓનો પૂરતો સ્ટોક રાખવાની પણ સલાહ આપવામાં આવી છે, જેથી પ્રતિકૂળ પરિસ્થિતિઓમાં પણ પરિસ્થિતિને નિયંત્રણમાં રાખી શકાય. અમદાવાદ સિવિલ સુપરિન્ટેન્ડેન્ટ ડો. રાકેશ જોશીએ જણાવ્યું કે, મલ્ટીપલ કો-મોડિબિટી ધરાવતી 8 માસની બાળકી ઉપરાંત 44 વર્ષીય પુરુષ અને 67 વર્ષીય મહિલા દર્દી એમ ત્રણ કોવિડ પોઝિટિવ દર્દીની સારવાર ચાલી રહી છે. 

સોલા સિવિલના સૂત્રો કહે છે કે, સોલામાં ત્રણ દર્દી દાખલ છે. આરોગ્ય વિભાગના સૂત્રો કહે છે કે, અત્યારે જે કેસો સામે આવી રહ્યા છે તે ઓમિક્રોનના સબ વેરિએન્ટ એલએફ.7.9 અને એક્સએફજી હોવાનું સામે આવ્યું છે. પોઝિટિવ કેસ આવે એટલે જીનોમ સિકવન્સિંગ ટેસ્ટ કરવામાં આવી રહ્યા છે.