ગુજરાતમાં વરસાદે છેલ્લા 10 વર્ષનો રેકોર્ડ તોડ્યો! સીઝનનો આટલા ટકા તો વરસી ગયો, જાણો કયા કેટલો પડ્યો?

Gujarat Monsoon 2024: ગુજરાતમાં સરેરાશ 257 મીમી વરસાદ સાથે મોસમી વરસાદનો 30% હિસ્‍સો વટાવી ગયો. સ્‍ટેટ ઇમરજન્‍સી ઓપરેશન્‍સ સેન્‍ટર (SEOC) ના ડેટા અનુસાર 7 જૂને સરેરાશ સંચિત વરસાદ 7 મીમી હતો જે દર્શાવે છે કે ૨૦ દિવસમાં રાજ્‍યમાં 250 મીમી વરસાદ પડ્‍યો છે, જે સીઝનના કુલ વરસાદના 28૮% છે.

Gujarat Rains: રાજ્યમાં જૂન મહિનામાં જ નોંધપાત્ર વરસાદ વરસી ગયો છે. હવામાન વિભાગે આપેલા આંકડા પ્રમાણે જૂન મહિનો પૂર્ણ થાય તે પહેલા જ 32 ટકાથી વધુ વરસાદ વરસ્યો છે. રાજ્યમાં અત્યાર સુધીમાં સરેરાશ 32.73 ટકા વરસાદ વરસ્યો છે. સૌથી વધુ દક્ષિણ ગુજરાતમાં 35.73 ટકા વરસાદ પડ્યો છે. સૌરાષ્ટ્ર, મધ્ય ગુજરાતમાં પણ 32થી 35 ટકા વરસાદ વરસ્યો છે. જ્યારે કચ્છ અને ઉત્તર ગુજરાતમાં 30 ટકા કરતા ઓછો વરસાદ પડ્યો છે.

હવામાન વિભાગના શું કહે છે આંકડા?
ભારતીય હવામાન વિભાગના આંકડા અનુસાર, આ વર્ષે ૨૭ જૂન સુધી રાજ્‍યમાં સામાન્‍ય કરતાં વધુ વરસાદ ૧૩૫ ટકા અથવા બમણાથી વધુ હતો. રાજ્યભરમાં, સુરત, જામનગર અને ભાવનગર જેવા અનેક જિલ્લાઓમાં છેલ્લા ૧૦ દિવસમાં ભારે વરસાદ નોંધાયો છે. રાજ્‍યના તમામ પ્રદેશોમાં નોંધપાત્ર વરસાદ નોંધાયો છે, પરંતુ એસઈઓસીના આંકડા દર્શાવે છે કે ૩૪માંથી ૨૨ જિલ્લાઓમાં અત્યાર સુધીમાં મોસમી વરસાદના ૨૫ ટકાથી વધુ વરસાદ પડ્‍યો છે. એસઈઓસી આંકડા મુજબ જૂન મહિનામાં રાજ્યમાં ઓછામાં ઓછા છેલ્લા 10 વર્ષમાં સૌથી વધુ જોરદાર ચોમાસુ હતું. આંકડાનાં પરિપ્રેક્ષ્યમાં જોઈએ તો, છેલ્લા પાંચ વર્ષમાં 27જૂન સુધી સરેરાશ વરસાદ 10.6 ટકા હતો. સૌથી વધુ, 14 ટકા, 2020માં 118 મીમી વરસાદ સાથે નોંધાયેલો હતો.

રાજ્યના વિવિધ ભાગોમાં છેલ્લા કેટલાક દિવસોથી અવિરત મેઘમહેરથી રહી છે. 27 જૂનના શુક્રવારે ગુજરાતમાં સરેરાશ 257 મીમી વરસાદ સાથે આ ચોમાસાની સીઝનનો 30 ટકા પડી ગયો છે. સ્‍ટેટ ઇમરજન્‍સી ઓપરેશન્‍સ સેન્‍ટરના આંકડા અનુસાર 7 જૂને સરેરાશ વરસાદ 7 મીમી હતો, જે દર્શાવે છે કે 20 દિવસમાં રાજ્‍યમાં 250 મીમી વરસાદ પડ્‍યો છે, જે સીઝનના કુલ વરસાદના 28 ટકા જેટલો થાય છે.

ગુજરાતમાં વરસાદે કેમ તોડ્યો રેકોર્ડ
ગુજરાત હવામાન વિભાગના ડિરેક્‍ટર અશોક કુમાર દાસે જણાવ્‍યું કે ભારત માટે હવામાન વિભાગની લાંબા અંતરની આગાહી (એલઆરએફ) ભારતમાં સામાન્‍યથી સામાન્‍યથી વધુ વરસાદનો સંકેત આપે છે, જે ગુજરાત માટે પણ સાચું હતું. આ વર્ષે આપણે અરબી સમુદ્રથી બંગાળની ખાડી સુધી સારી ચોમાસાની પટ્ટી જોઈ છે.