ગુજરાત સરકારમાં મહિલા કર્મચારીઓ માટે મહત્વપૂર્ણ નિર્ણય; સરકારી નોકરીમાં જોડાતા પહેલા મળશે આ લાભ!

આથી નાણાં વિભાગે પરિપત્ર કરીને જે મહિલા કર્મચારી નોકરીમાં જોડાતા પહેલા માતૃત્વ ધારણ કર્યું હોય તો બાળકના જન્મની તારીખ માંથી 180 દિવસ બાદ કરવાના અને એ પછીના બાકી રહેલા દિવસોની રજા ગણાશે

ઝી બ્યૂરો/ગાંધીનગર: રાજ્ય સરકારમાં મહિલા કર્મચારીઓ માટે મહત્વપૂર્ણ નિર્ણય લેવામાં આવ્યો છે. સરકારી નોકરીમાં જોડાતા પહેલા મહિલા કર્મચારી માતા બની હોય તો પણ માતૃત્વની રજા આપવામાં આવશે. જી હા...સામાન્ય રીતે રાજ્ય સરકારમાં મહિલા કર્મચારીઓને 180 દિવસની માતૃત્વની રજા આપવામાં આવે છે.  

ગુજરાત મુલ્કી સેવા રજાના નિયમો પ્રમાણે સરકારી મહિલા કર્મચારીને આ લાભ આપવામાં આવે છે. જોકે ઘણા કેસોમાં મહિલા કર્મચારીઓ નોકરીમાં જોડાતા પહેલા માતૃત્વ ધારણ કર્યું હોય તો શું કરવું તે અંગે કોઈ ઉલ્લેખ ન હતો.

આ નિર્ણય કાયમી અને હંગામી મહિલા કર્મચારીઓને લાગુ થશે. આ ઠરાવનો અમલ 22-9-2022થી લાગુ કરવાનો નિર્ણય લેવાયો છે.