વિદ્યાર્થી સાથે ભાગેલી શિક્ષિકાના કેસમાં નવો ટ્વિસ્ટ આવ્યો, શિક્ષિકાના પેટમાં કોનું બાળક?

Student Teacher Love : 13 વર્ષના વિદ્યાર્થી સાથે ભાગેલી શિક્ષિકાનો મોટો ધડાકો... આરોપી શિક્ષિકાને સાડા ત્રણ મહિનાનો ગર્ભ હોવાનો કર્યો દાવો... જે વિદ્યાર્થી સાથે ભાગી તેનાથી ગર્ભવતી થઈ હોવાનો દાવો... વિદ્યાર્થીની પ્રેમિકા બનેલી શિક્ષિકાના દાવાથી ખળભળાટ...

Surat Love Story ચેતન પટેલ/સુરત : સુરતના પુણા વિસ્તારમાં મહિલા શિક્ષિકા દ્વારા ધોરણ આઠમાં અભ્યાસ કરતા 13 વર્ષીય વિધાર્થીનું અપહરણ કરી ફરાર થઈ ગઈ હતી. રાજસ્થાન ખાતેથી પોલીસે બંનેને ઝડપી પાડી મહિલા શિક્ષિકાની ધરપકડ કરી હતી. મહિલા શિક્ષિકાની પૂછપરછમાં ચોંકાવનારો ખુલાસો સામે આવ્યો હતો. જ્યાં શિક્ષિકાને પાંચ માસનો ગર્ભ હોવાનું ખુલતા પોલીસ પણ ચોંકી ઊઠી હતી. જે ગર્ભ અન્ય કોઈ નહીં પરંતુ સગીરનો જ હોવાનો દાવો શિક્ષિકાએ કરતા પોલીસે DNA સેમ્પલ લેવાની તજવીજ હાથ ધરી છે. જો કે સુરતના પુણા વિસ્તારમાંથી સામે આવેલા ગુરુ શિષ્ય વચ્ચેના અનૈતિક સંબંધોના આ કિસ્સાએ ભારે ચર્ચા જગાવી છે. જ્યાં શિક્ષિકા સામે ચારે તરફથી લોક ફીટકાર પણ વરસી રહી છે. મહિલા શિક્ષિકાના પેટમાં રહેલો ગર્ભનો પિતા કૌન તે સવાલ સામે આવેલી ઘટના પરથી ઊભા થઈ રહ્યા છે.

સુરતના પુણા વિસ્તારમાં આવેલ સોસાયટીમાં રહેતા પરિવારના 13 વર્ષીય સગીરને ભગાડી ટ્યુશનની જ મહિલા શિક્ષિકા ભગાડી લઈ ગઈ હતી. 25 મી એપ્રિલના રોજ બનેલી આ ઘટનામાં સગીરાના પિતાએ પુણા પોલીસ મથકમાં આ ફરિયાદ નોંધાવી હતી. જે ફરિયાદના આધારે પોલીસે ગુન્હો નોધી તપાસ હાથ ધરી હતી.

પોલીસ તપાસમાં જાણવા મળ્યું હતું કે,સગીર અને મહિલા શિક્ષકના ત્યાં ટ્યુશન અર્થે જતો હતો. જ્યાં મહિલા શિક્ષિકા અને સગીર 25 મી એપ્રિલના રોજ ઘરેથી સર-સામાન લઈ નીકળી સુરતના અલગ સ્થળોએ ફર્યા હતા. જે બાદ અમદાવાદ અને ત્યાર બાદ દિલ્હી થઈ રાજસ્થાન નીકળી ગયા હતા. પુણા પોલીસની ટીમ તાત્કાલિક બંનેની શોધખોળ માટે કામે લાગી હતી. દરમ્યાન રાજસ્થાન નજીક આવેલ શામળાજી ખાતેથી પોલીસની ટીમે મહિલા શિક્ષિકા સહિત સગીરને શોધી કાઢી સુરત લઈ આવી હતી.

ઘરનાથી કંટાળી ભાગી જવાનો પ્લાન બનાવ્યો હતો 
સુરત લાવી બંને ની પૂછપરછ કરવામાં આવી હતી. પૂછપરછમાં મહિલા શિક્ષિકાએ જણાવ્યું હતું કે,પોતે પુણા વિસ્તારમાં આવેલી હિન્દી વિધાલયમાં શિક્ષિકા તરીકે ફરજ બજાવે છે અને ઘરે પણ ટ્યુશન ક્લાસિસ ચલાવે છે. ટ્યુશન ક્લાસિસમાં ધોરણ-8 માં અભ્યાસ કરતો 13 વર્ષીય સગીર પણ ટ્યુશન લેવા આવતો હતો. આ વચ્ચે મહિલા શિક્ષિકાને તેના ઘરના લોકો કામ બાબતે અને લગ્નને લઈ વારંવાર મહેણા ટોણા મારતા હતા. વારંવાર ઠપકના કારણે શિક્ષિકા કંટાળી ગઈ હતી. બીજી તરફ સગીરને પણ તેના ઘરના સભ્યો ભણવા બાબતે ઠપકો આપતા હતા. જેથી બંનેના ઘર તરફથી અવારનવાર ઠપકો મળતા કંટાળી ભાગી જવાનો પ્લાન બનાવ્યો હતો. 

ફરવા જતા પહેલા ખરીદી કરી હતી 
જે પ્લાન મુજબ શિક્ષિકા સૌ પ્રથમ ઘરેથી સામાન લઈ દુકાનેથી ખરીદી કરી હતી. જે ઘટના ના સીસીટીવી ફૂટેજ પણ સામે આવ્યા હતા. સીસીટીવી ફુટેજમાં સગીર અને શિક્ષિકા બંને જોડે જતા નજરે પડ્યા હતા. દરમ્યાન મહિલા શિક્ષિકા સગીર સાથે ઘરેથી ભાગ્યા બાદ સુરતમાં અલગ અલગ સ્થળો પર ફરી હતી. જે બાદ અમદાવાદ અને દિલ્હીથી રાજસ્થાન ભાગી છૂટ્યા હોવાની કબૂલાત કરી હતી.

શિક્ષિકાએ સગીર સાથે પ્રેમ હોવાનું કબૂલ્યુ 
પુણા પોલીસ દ્વારા મહિલા શિક્ષિકા વિરુદ્ધ અપહરણ નો ગુન્હો નોધી તેણીની ધરપકડ કરી હતી. ધરપકડ દરમ્યાન કરવામાં આવેલી પૂછપરછ માં તેણીએ પોલીસ સમક્ષ ચોંકાવનારી હકીકત જણાવી હતી. તેણીએ જણાવ્યું હતું કે પોતે સગીર જોડે પ્રેમ સંબંધ ધરાવે છે અને ભાગી બંને વચ્ચે શારીરિક સંબંધો પણ બંધાયા છે. જેનાથી તેણીને પાંચ માસનો ગર્ભ પણ રહી ગયો છે. જે હકીકત સાંભળી પુણા પોલીસ પણ ચોકી ઉઠી હતી. પોલીસે મહિલા શિક્ષકા અને સગીરનું સુરત સ્મીમેર હોસ્પિટલ ખાતે મેડિકલ પ્રશિક્ષણ કરાવ્યું હતું. જે મેડિકલ તપાસમાં મહિલાને પાંચ માસનું ગર્ભ રહી ગયું હોવાની ચોંકાવનારી બાબત સામે આવી હતી. 

પોલીસ પૂછપરછમાં આ ગર્ભ સગીરનો હોવાનું મહિલા શિક્ષિકાએ પોલીસને જણાવ્યું છે. જોકે આ વાતમાં કેટલું તથ્ય છે તે અંગે પોલીસે અલગ અલગ મેડિકલ અને સંયોગીકરણ પુરાવા એકત્ર કરી વધુ તપાસ હાથ ધરી છે. આ ખૂબ જ ગંભીર બાબત હોવાના કારણે પોલીસ આ કેસની તપાસ ખૂબ જ સંવેદનશીલતાથી કરી રહી છે. એક તરફ 23 વર્ષની મહિલા શિક્ષિકા અને બીજી તરફ 13 વર્ષનો સગીર વયના કિશોર વચ્ચેના અનૈતિક સંબંધો અંગેનો આ કિસ્સો શહેરભરમાં ચર્ચાનો વિષય બન્યો છે. જોકે મહિલા શિક્ષિકાના પેટમાં રહેલ ગર્ભનો પિતા કૌન તેવા સવાલ ચોક્કસથી ઊઠી રહ્યા છે

મહત્વનું છે કે મહિલા શિક્ષિકા ના ત્યાં સગી ટ્યુશન માટે જતો હતો. જે દરમિયાન બંને વચ્ચે પ્રેમ સંબંધ બંધાયો હોવાની પણ આશંકા છે. મહિલા શિક્ષિકા ભલે દાવો કરી રહી હોય કે તેના પેટમાં રહેલો ગર્ભ સગીરનો છે. પરંતુ પોલીસને આ વાત ગળે ઉતરે તેમ નથી. જેથી પુણા પોલીસ દ્વારા હાલ ડીએનએ સેમ્પલ લઈ તપાસ શરૂ કરી છે.ત્યારે પોલીસ તપાસમાં હવે ક્યાં ચોંકાવનારા ખુલાસા આ કેસમાં આવે છે તે જોવું રહ્યું.