Gujarat Airport: યુદ્ધ જેવી સ્થિતિ વચ્ચે ગુજરાતના આ 7 એરપોર્ટ પરથી નહિ ઉડે કોઈ પણ ફ્લાઈટ, સૂચના જાહેર

Gujarat 7 Airports Close : ભારત પાકિસ્તાન વચ્ચે તણાવની સ્થિતિમાં ગુજરાતના 7 એરપોર્ટ પર નોટમ જાહેર કરાયું છે... અહીંથી કોઈ ફ્લાઇટ ઉડશે નહીં, સુરક્ષા કારણોસર લેવાયો નિર્ણય

India Pakistan War Gujarat Airport Closed: પાકિસ્તાન દ્વારા સતત હવાઈ હુમલા કરવામાં આવી રહ્યા છે. ઈન્ડિયન આર્મી આ હુમલાને નિષ્ફળ બનાવી રહ્યું છે. પરંતું સુરક્ષાને ધ્યાનમાં રાખીને ગુજરાતના 7 એરપોર્ટ પર વાયુસેનાઓને નોટિસ જારી કરવામાં આવી છે.

ભારત અને પાકિસ્તાન વચ્ચે સરહદ પર વધતા તણાવને કારણે, ભારત સરકારે ગુજરાતના સાત એરપોર્ટને નોટિસ ટુ એરમેન (NOTAM) જારી કરી છે. હવે આ એરપોર્ટ પર કોઈપણ પ્રકારની પેસેન્જર ફ્લાઇટ્સ ચલાવવાની મંજૂરી નથી. પાકિસ્તાન દ્વારા સતત હવાઈ હુમલા કરવામાં આવી રહ્યા છે. આ કારણોસર, સુરક્ષાને ધ્યાનમાં રાખીને આ નિર્ણય લેવામાં આવ્યો છે. ભલે, ભારતે અત્યાર સુધી પાકિસ્તાન દ્વારા કરવામાં આવેલા તમામ હવાઈ હુમલાઓને નિષ્ફળ બનાવ્યા છે, પરંતુ સાવચેતીના પગલા તરીકે, ગુજરાતના સાત એરપોર્ટને નોટિસ ટુ એર જારી કરવામાં આવી છે.

ગુજરાતના એરપોર્ટ બંધ કરાયા
મુન્દ્રા, જામનગર, હીરાસર(રાજકોટ), પોરબંદર, કેસોદ કંડલા અને ભુજ એરપોર્ટ તાત્કાલિક અસરથી બંધ કરવામાં આવ્યા છે. 

ભારત સરકાર દ્વારા કુલ 24 એરપોર્ટ પર એરમેનને નોટિસ જારી કરવામાં આવી છે. જેમાં ગુજરાતમાં જામનગર, રાજકોટ (હિરાસર), પોરબંદર, કેશોદ, કંડલા, ભુજ અને મુન્દ્રા (અદાણી) એરપોર્ટનો સમાવેશ થાય છે. આ એરપોર્ટ સામાન્ય લોકો માટે બંધ કરી દેવામાં આવ્યા છે. એરમેનને નોટિસ આપવાથી ફ્લાઇટ કામગીરી પર અસ્થાયી રૂપે પ્રતિબંધ મૂકવામાં આવ્યો છે. તેનો ઉદ્દેશ્ય હવાઈ સુરક્ષા જાળવવાનો અને સશસ્ત્ર દળો માટે ઓપરેશનલ તૈયારી સુનિશ્ચિત કરવાનો છે.

એરપોર્ટ કેમ બંધ છે?
હવાઈ ​​હુમલા દરમિયાન, દુશ્મનના રોકેટ આપણી તરફ આવે છે અને આપણી સંરક્ષણ પ્રણાલીના રોકેટ તે રોકેટોને તોડી પાડવા જાય છે. આ સ્થિતિમાં, જ્યારે પેસેન્જર પ્લેન હવામાં હોય છે, ત્યારે કોઈપણ રોકેટ તેના પર અથડાવી શકે છે અને મુસાફરોના જીવ જોખમમાં મુકાય છે. આ કારણોસર, હવાઈ હુમલાની સ્થિતિમાં, આસપાસના રૂટ પરના તમામ એરપોર્ટ બંધ કરી દેવામાં આવે છે. જોકે, એરપોર્ટ્સને એરમેનને નોટિસ જારી કરવામાં આવી છે. ત્યાં કોઈ હુમલો થયો નથી, પરંતુ સાવચેતી રૂપે આ નિર્ણય લેવામાં આવ્યો છે.

અમદાવાદ એરપોર્ટ ચાલુ જ છે
ભારત પાકિસ્તાન તંગ માહોલ વચ્ચે અમદાવાદ એરપોર્ટ પર ઈન્ક્વાયરી વધી ગઈ છે. એરપોર્ટ ચાલુ છે કે બંધ તેમજ ફ્લાઇટના શિડ્યુલ શું છે તે બાબતે કોલ ઈન્કવાયરીમાં વધારો થયો છે. જોકે, અમદાવાદ એરપોર્ટ ચાલુ જ છે, તેને બંધ નથી કરાયું. એરપોર્ટ ઓથોરિટી દ્વારા મુસાફરોને ગેરમાર્ગે ન દોરાવા અપીલ કરાઈ છે. ચોક્કસ માહિતી ઉપર ધ્યાન આપવા એરપોર્ટની મુસાફરોની વિનંતી કરાઈ છે. હાલ અમદાવાદ એરપોર્ટ પર કોઈ અસર થઈ નથી. જોકે આજે ભુજ અને અમૃતસર મળીને આજે 22 જેટલી ફ્લાઈટો રદ રહી. ભુજ. કેશોડ. કિશનગઢ. ચંડીગઢ અને અમૃતસર ફ્લાઇટ આજે રદ રહી. 22 માંથી વધુ ચંડીગઢની 6 ફ્લાઇટ કેન્સલ કરાઈ. 

પાટણના 71 ગામોમાં બ્લેકઆઉટ
પાટણ જિલ્લાના સાંતલપુર તાલુકાના 71 ગામોમાં બ્લેકઆઉટ જાહેર કરાયું છે. જેના બાદ વહીવટી અને પોલીસના ઉચ્ચ અધિકારીઓ નિરીક્ષણ અર્થે પહોંચ્યા છે. જિલ્લા કલેક્ટર તુષાર ભટ્ટ અને જિલ્લા પોલીસ અધિક્ષક વીકે નાઈ વારાહી નિરીક્ષણ કામગીરી કરી રહ્યાં છે. એલસીબી એસઓજી સહિત વહીવટી તંત્રના અધિકારીઓ પણ વારાહી પહોંચ્યા છે.