શું રાજકોટમાં મોટી આફત આવવાની છે? સિવિલ હોસ્પિટલમાં તાત્કાલિક તૈયાર કરાયો સ્પેશિયલ વોર્ડ

Gujarat Weather: રાજકોટમાં તાપમાન 44 ડિગ્રીએ પહોંચી ગયું છે. આવા સંજોગોમાં અતિશય ગરમી અને હીટવેવથી થતી બિમારીઓને પહોંચી વળવા રાજકોટ સિવિલ હોસ્પિટલે હીટવેવ ઈમરજન્સી માટે ખાસ વોર્ડ બનાવ્યો છે.

Rajkot News: તાજેતરમાં ગુજરાતમાં કાળઝાળ ગરમી અને હીટવેવને કારણે સ્થિતિ ખૂબ જ ગંભીર છે. હવામાન વિભાગે રાજ્યના અનેક જિલ્લાઓમાં હીટ વેવને લઈને એલર્ટ પણ જાહેર કર્યું છે. રાજ્યના અનેક શહેરોમાં તાપમાન 44 ડિગ્રીએ પહોંચી ગયું છે. આ શહેરોની યાદીમાં રાજકોટનું નામ સૌથી ઉપર છે. શહેરમાં તીવ્ર ગરમી અને હીટવેવને લઈને સરકાર પણ સતર્ક બની છે. અતિશય ગરમી અને હીટવેવના કારણે થતા રોગોનો સામનો કરવા માટે સિવિલ હોસ્પિટલ હીટવેવ ઈમરજન્સી માટે ખાસ વોર્ડ બનાવી રહી છે. જેની શરૂઆત રાજકોટની સિવિલ હોસ્પિટલથી થઈ છે.

હીટવેવ ઈમરજન્સી માટે સ્પશિયલ વોર્ડ
રાજકોટ સિવિલ હોસ્પિટલમાં ગરમીને લગતી બિમારીઓથી પીડાતા લોકોની સારવાર માટે 20 પથારી સાથેનો ખાસ વોર્ડ બનાવવામાં આવ્યો છે. ઈમરજન્સી વિભાગમાં આવેલા આ વોર્ડમાં 3 મેડિકલ ઓફિસર અને 2 રેસિડેન્ટ ડોક્ટર્સ તૈનાત કરવામાં આવ્યા છે. હોસ્પિટલના પીઆર અધિકારી એમસી ચાવડાએ જણાવ્યું હતું કે હોસ્પિટલે હીટવેવ સંબંધિત કેસોને સંભાળવા માટે સમર્પિત ડોકટરોની નિમણૂક કરી છે. PMSS બિલ્ડીંગમાં 20 બેડનો વોર્ડ બનાવવામાં આવ્યો છે, જે જરૂરી સ્ટાફ અને જરૂરી દવાઓથી સજ્જ છે.

તેમણે કહ્યું કે આ હીટવેવ ઈમરજન્સી સ્પેશિયલ વોર્ડમાં હીટસ્ટ્રોકના દર્દીઓને 24X7 સારવાર મળશે. વોર્ડમાં રેસિડેન્ટ ડોકટરો અને મેડીકલ ઓફિસરો દરેક સમયે હાજર રહેશે. જો દર્દીની સ્થિતિમાં સુધારો થશે તો તેને સ્પેશિયલ વોર્ડમાંથી ટ્રાન્સફર કરવામાં આવશે.

લોકો માટે ખાસ સલાહ
મેડિકલ ઓફિસરે લોકોને બપોરે 12 થી સાંજના 5 વાગ્યા સુધી બહાર જવાનું ટાળવાની સલાહ આપી છે. જો બહાર જવુ જરૂરી હોય તો લોકોને શરીરને સંપૂર્ણપણે ઢાંકી શકે તેવા સુતરાઉ કપડા પહેરવાનું કહેવામાં આવ્યું છે. આ ઉપરાંત દર 15 મિનિટે પ્રવાહી પીવાથી હાઇડ્રેટેડ રહેવાની સલાહ આપવામાં આવે છે.