Visavadar Bypolls: મોટા કોટડાથી જીગ્નેશ મેવાણીએ સરકારને ફેંક્યો મોટો પડકાર, જાણો શું આપી ચેલેન્જ?

Visavadar Bypolls: વિસાવદર વિધાનસભા પેટા ચૂંટણીમાં આજે મોટા કોટડા ખાતે વડગામના ધારાસભ્ય અને પ્રદેશ કોંગ્રેસના કાર્યકારી પ્રમુખ જીગ્નેશ મેવાણીએ જાહેર સભાને સંબોધી હતી. જેમાં પ્રદેશ પ્રમુખ શક્તિસિંહ ગોહિલ પણ ઉપસ્થિત રહ્યા હતા. વિધાનસભાની પેટા ચૂંટણીને લઈને કોંગ્રેસના નેતાઓએ ભાજપ અને આમ આદમી પાર્ટી પર આકરા પ્રહારો કર્યા હતા

અશોક બારોટ/જુનાગઢ: જૂનાગઢ જિલ્લાના વિસાવદર નજીક મોટા કોટડા ખાતે અનુસૂચિત જાતિનું મહા સંમલેન યોજાયું હતું.. જેમાં પ્રદેશ કોંગ્રેસ અધ્યક્ષ શક્તિ સિંહ ગોહિલ અને પ્રદેશ કોંગ્રેસ કાર્યકારી અધ્યક્ષ જીજ્ઞેશ મેવાણી ખાસ હાજર રહ્યા હતા..

વિસાવદર વિધાનસભા પેટા ચૂંટણી કોંગ્રેસ ઉમેદવાર નીતિન રાણપરીયાના સમર્થનમાં આયોજિત અનુસૂચિત જાતિ મહાસંમેલનમાં જીગ્નેશ મેવાણીએ પોતાના સંબોધનમાં જણાવેલ કે ભાજપ સરકાર આતંકવાદીઓને પકડવાને બદલે સિંદૂરની ડબલીઓ વેચવા નીકળી છે..પહેલગામ હુમલાના 4 આતંકીઓને સરકાર પકડીને બતાવે તેવી ચેલેન્જ કરી હતી. દિલ્હીમાં 100 માંથી 93 પીવાના પાણીના સેમ્પલ ફેલ આવે છે તેવું પણ જણાવ્યું હતું.

દિલ્હીમાં કેજરીવાલની સરકારમાં મોહલ્લા ક્લિનિકમાં વેક્સીનેસન પણ થતુ નહોતું. ઉપરાંત ઉના ઘટના સમયે રાહુલ ગાંધી સાથે હતા. હાથરસ ઘટનામાં રાહુલ ગાંધી સાથે હતા તેવું પણ પોતાના સંબોધનમાં જણાવેલ..મેવાણીએ જણાવેલ કે કોંગ્રેસ દરેક મુદ્દા માટે લડશે..વોટ બેન્કની પરવા રાજીવ ગાંધીએ ક્યારેય નહોતી કરી. અનામત અને બાબા સાહેબ આંબેડકરના બંધારણના કારણે દલિત સમાજનો એક વર્ગ મધ્યમ તૈયાર કોંગ્રેસના કારણે થયો હોવાનું જણાવ્યં હતું.

કોરોનાકાળમાં નીતિન રાણપરીયા એ ખુબ સેવા કરી હોવાની વાત પણ જણાવી હતી. જીગ્નેશ મેવાણીએ નરેન્દ્ર મોદી એટલે ઘમંડનો પર્યાય હોવાનું કહ્યું અને જાતિ જનગણના મુદ્દે મોદીએ રાહુલ ગાંધી સામે ઝૂકવું પડ્યું હોવાનું જણાવ્યું. બાદમાં મીડિયા સમક્ષ વાતચીતમાં જણાવેલ કે તેમની લડાઈ બડા રિચાર્જ એટલે ભાજપ અને છોટા રિચાર્જ આપ પાર્ટી બંને હારે છે.