ધોરણ 12 ની પરીક્ષાનું સમય પત્રક જાહેર, જાણો કઈ તારીખથી શરૂ થઈ રહી છે પરીક્ષાઓ

ધોરણ 12 સામાન્ય પ્રવાહ અને વિજ્ઞાન પ્રવાહની પરીક્ષાનું સમય પત્રક જાહેર કરવામાં આવ્યું છે. આગામી મહિનાની પહેલી જુલાઈથી પરીક્ષાઓ શરૂ થવા જઈ રહી છે. પહેલી જુલાઈના રોજ પ્રથમ પેપર લેવામાં આવશે.

હિતલ પારેખ/ ગાંધીનગર: ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSEB) દ્વારા ધોરણ 10 (Std 10th) અને ધોરણ 12 (Std 12th) ની પરીક્ષાની તારીખ (Exam Date) જાહેર કરવામાં આવી છે. આ પરીક્ષાઓ આગામી મહિને 1 જુલાઈ 2021 થી 16 જુલાઈ 2021 દરમિાયન લેવામાં આવશે.

ધોરણ 10 અને ધોરણ 12 સામાન્ય પ્રવાહ (General Stream) અને વિજ્ઞાન પ્રવાહની પરીક્ષાનું સમય (Exam Schedule) પત્રક જાહેર કરવામાં આવ્યું છે. 1 જુલાઈના શરૂ થતી પરીક્ષામાં વિજ્ઞાન પ્રવાહની (Science Stream) પરીક્ષાનો સમય બપોર 2.30 થી સાંજે 6 વાગ્યાનો રહેશે અને પ્રથમ પેપર ભૌતિક વિજ્ઞાનનું (Physics) રહશે.

જ્યારે સામાન્ય પ્રવાહનું પ્રથમ પેપર નામાના મૂળ તત્વોનું (accountancy) રહેશે. સામાન્ય પ્રવાહમાં આર્ટસની પરીક્ષા સવારે 10 થી બપોરના 1.15 વાગે લેવામાં આવશે. જ્યારે કોમર્સની પરીક્ષા બપોરે 2.30 થી સાંજે 5.45 વાગ્યાનો રહેશે.

.