સુરત: પૂરપાટ ઝડપે જતી સ્પોર્ટ્સ બાઇક ડમ્પરમાં ધડાકાભેર ઘુસી ગયું, બાઇક ચાલક ગંભીર

સુરત : શહેરના વેસુ રોડ પર પુરપાટ ઝડપે જતી સ્પોર્ટ્સ બાઇક પાર્લે પોઇન્ટ ખાતે ડમ્પરમાં ઘુસી જતા અકસ્માત સર્જાયો હતો. આ ઘટનામાં બાઇક ચાલકને ગંભીર ઇજા પહોંચતા ખાનગી હોસ્પિટલમાં ખસેડવામાં આવ્યો છે. વેસુ રોડ પર જતા બાઇકર્સ ગેંગના એક સભ્યનું પાર્લે પોઇન્ટ ખાતે ડમ્પર (GJ-05-BX-2525) વચ્ચે અકસ્માત સર્જાયો હતો. 

અકસ્માતમાં ગંભીર રીતે ઘાયલ થયેલા બાઇક (GJ-05-SL-0129) ચાલક યુવાનને સારવાર માટે ખાનગી હોસ્પિટલમાં દાખલ કરાયો છે. રવિવારે ડુમસ રોડ પર બાઇકનો ત્રાસ ઘણા સમયથી જોવા મળ્યો હતો. ડમ્પરમાં ફુલ સ્પીડથી અથડાતા બાઇકનો કડુસલો બોલી ગયો હતો. પોલીસ ઘટના સ્થળે પહોંચીને વધારે તપાસ હાથ ધરી છે.