Vijay Rupani Biography: બર્માથી ગુજરાતની સત્તા સુધી! કઈ રીતે એક વેપારીના પુત્રએ સંભાળી ગુજરાતની કમાન

Vijay Rupani Political Journey: વિજય રૂપાણી એક એવું નામ જેને ભારતીય જનતા પાર્ટી માત્ર એક નેતા તરીકે નહીં, પરંતુ વિચારધારાના મુખ્ય સિપાહીના રૂપમાં જોતી હતી. પાર્ટી પ્રત્યે નિષ્ઠા, સાગદી અને સંગઠન માટે સમર્પણ- વિજય રૂપાણીની ઓળખ અહીંથી શરૂ થાય છે.

Vijay Rupani: અમદાવાદમાં 12 જૂને એર ઈન્ડિયાનું વિમાન ક્રેશ થયું હતું. આ દુર્ઘટનામાં 241 લોકોના દુખદ નિધન થયા હતા, જેમાં ગુજરાતના પૂર્વ મુખ્યમંત્રી વિજય રૂપાણી પણ સામેલ હતા. વિજય રૂપાણી અમદાવાદથી લંડન જઈ રહ્યાં હતા, ત્યારે આ વિમાન ક્રેશ થયું અને વિજય રૂપાણીનું નિધન થયું હતું. આજે રાજકોટમાં વિજય રૂપાણીના અંતિમ સંસ્કાર કરવામાં આવશે, ત્યારે આજે અમે તમને વિજય રૂપાણીના રાજકીય અને અંગત જીવન વિશે જણાવીશું.

રંગૂનની ગલીઓથી ગુજરાતની રાજનીતિ સુધી
2 ઓગસ્ટ 1956ના મ્યાનમાર (ત્યારે બર્મા) ની રાજધાની રંગૂનમાં જન્મેલા વિજય રૂપાણીનો પરિવાર વેપાર માટે વિદેશમાં વસેલો હતો. તેમના પિતા રમણિકલાલ રૂપાણીનો કારોબાર ત્યાં હતો. પરંતુ બર્મામાં ખરાબ થતી રાજકીય પરિસ્થિતિને કારણે રૂપાણીનો પરિવાર 1960મા રાજકોટ આવી ગયો હતો.

વિજય કુમાર રમણીકલાલ રૂપાણી અંગત જીવન
પૂરું નામ: વિજયકુમાર રમણીકલાલ રૂપાણી
જન્મ તારીખ: 2  ઓગસ્ટ 1956
જન્મ સ્થળ: રંગૂન, બર્મા
પાર્ટીનું નામ: ભારતીય જનતા પાર્ટી
શિક્ષણ: સ્નાતક વ્યાવસાયિક
વ્યવસાય: રાજકારણી અને ઉદ્યોગપતિ
પિતાનું નામ: રમણીકલાલ રૂપાણી
માતાનું નામ: માયાબેન રૂપાણી
જીવનસાથીનું નામ: અંજલી રૂપાણી
જીવનસાથીનો વ્યવસાય: ઉદ્યોગપતિ
સંતાન: 2 પુત્રો અને 1 પુત્રી
ધર્મ: જૈન ધર્મ
ચોખ્ખી સંપત્તિ: ₹8.26 કરોડ
સંપત્તિ: ₹9.09 કરોડ
દેવું: ₹83.01 લાખ

આ પણ વાંચોઃ આટલા કરોડના માલિક હતા ગુજરાતના પૂર્વ મુખ્યમંત્રી વિજય રૂપાણી, જાણો વિગત

સંઘ સાથે જોડાણ
રાજકોટમાં અભ્યાસ કરતી વખતે વિજય રૂપાણી રાજકારણ તરફ વળ્યા. તેઓ અખિલ ભારતીય વિદ્યાર્થી પરિષદ (ABVP) માં જોડાયા અને પછી રાષ્ટ્રીય સ્વયંસેવક સંઘ (RSS) ના સક્રિય કાર્યકર બન્યા. આ તે તબક્કો હતો જ્યાંથી તેમનું જીવન સંપૂર્ણપણે વિચારધારા આધારિત રાજકારણ તરફ વળ્યું.

કટોકટી દરમિયાન 11 મહિનાની જેલની સજાએ તેમને રાજકીય પરિપક્વતા તો આપી જ પણ સાથે સાથે સંઘ અને જન સંઘની વિચારધારા સાથે વધુ ઊંડાણપૂર્વક જોડ્યા. આ પછી, ભાજપની સ્થાપના થઈ અને વિજય રૂપાણી શરૂઆતથી જ તેની સાથે જોડાયેલા રહ્યા. તેમણે ન તો પક્ષ બદલ્યો કે ન તો વિચારધારા.

રાજકીય કદ રાજકોટના રસ્તાઓથી શરૂ થયું
1987માં, તેઓ રાજકોટ મ્યુનિસિપલ કોર્પોરેશનના કાઉન્સિલર બન્યા, પછી ડ્રેનેજ કમિટીના ચેરમેન અને બાદમાં સ્ટેન્ડિંગ કમિટીના ચેરમેન બન્યા. 1996માં, તેઓ રાજકોટના મેયર બન્યા. પક્ષ પ્રત્યેની તેમની વફાદારી અને કાર્યક્ષમ સંચાલને તેમને રાજ્યના રાજકારણમાં મોટું સ્થાન આપ્યું.

રાજ્યસભાથી મુખ્યમંત્રી સુધીની સફર
તેઓ 2006માં રાજ્યસભા પહોંચ્યા અને છ વર્ષ સુધી ગુજરાતનું પ્રતિનિધિત્વ કર્યું. પરંતુ ખરી ઓળખ ત્યારે મળી જ્યારે 2014માં વજુભાઈ વાળાના રાજીનામા બાદ તેમને રાજકોટ પશ્ચિમથી ધારાસભ્ય બનાવવામાં આવ્યા. ત્યારબાદ 2016માં, તેમને આનંદીબેન પટેલ પછી મુખ્યમંત્રીની ખુરશી સોંપવામાં આવી.

બે કાર્યકાળ, કોઈ વિવાદ નહીં?
તેઓ 7 ઓગસ્ટ 2016 થી 11 સપ્ટેમ્બર 2021 સુધી ગુજરાતના 16મા મુખ્યમંત્રી હતા. આ સમય દરમિયાન, તેમણે ઘણી યોજનાઓ શરૂ કરી, પરંતુ તેમનો કાર્યકાળ વિવાદોથી અસ્પૃશ્ય રહ્યો નહીં. સેબી દ્વારા લાદવામાં આવેલા ₹ ૧.૫ લાખના દંડથી પણ એક વખત તેમની ટીકા થઈ હતી. જો કે, આ સમગ્ર પ્રકરણમાં તેમની વ્યક્તિગત ભૂમિકા મર્યાદિત હતી અને તેઓ નિર્દોષ બહાર આવ્યા.

આ પણ વાંચોઃ આ રીતે પ્રથમવાર મળ્યા હતા વિજય રૂપાણી અને અંજલી રૂપાણી, પહેલા મિત્રતા પછી થયો પ્રેમ

સંગઠનમાં પાછા ફર્યા
2021 માં, તેમણે સ્વેચ્છાએ મુખ્યમંત્રી પદ પરથી રાજીનામું આપ્યું, અને ફરી એકવાર સંગઠનને પ્રાથમિકતા આપી. આ નિર્ણય માત્ર રાજકીય પરિપક્વતા જ નહીં, પણ પક્ષ પ્રત્યેની તેમની સાચી વફાદારી પણ છતી કરે છે.

અંગત જીવન
વિજય રૂપાણીના પત્ની અંજલીબેન રૂપાણી ભાજપ મહિલા વિંગમાં જોડાયેલા છે. તેમને એક પુત્ર રૂષભ અને પુત્રી રાધીકા છે. વિજય રૂપાણીના એક નાના પુત્ર પુજિતું એક અકસ્માતમાં નિધન થઈ ગયું હતું. ત્યારબાદ તેમણે પુજિત રૂપાણી મેમોરિયલ ટ્રસ્ટની સ્થાપના કરી, જેના દ્વારા અનેક સામાજિક કાર્યો કરવામાં આવે છે.

વિજય રૂપાણી વિચારધારાના યોદ્ધા
વિજય રૂપાણીની કહાની કોઈ રાજકીય સ્ટંટ કે અવસરવાદી ચઢાઈ નહોતી. આ તે સંઘર્ષશીલ કાર્યકર્તાની કહાની છે, જે વિચારધારાથી ચાલ્યા અને તેના સહારે મુખ્યમંત્રીની ખુરશી સુધી પહોંચ્યા. તેમના જીવનથી તે સાબિત થાય છે કે રાજનીતિ માત્ર ખુરશી જ નહીં, વિચાર અને સેવા માટે હોય છે.