Knuckle Cracking: શું તમે પણ દિવસ દરમિયાન વારંવાર ટચાકા ફોડે રાખો છો ? તો આ વાત તમારા માટે જાણવી જરૂરી

Knuckle Cracking: તમે એવા અનેક લોકો જોયા હશે જે ઘણીવાર આંગળીના ટચાકા ફોડતા હોય છે. આ આદત વિશે મેડિકલ સાયન્સ શું કહે છે આજે તમને જણાવીએ.

Knuckle Cracking: આંગળીઓના ટચાકા ફોડવાની આદત ખૂબ જ સામાન્ય છે. તમે પણ એવા અનેક લોકો જોયા હશે જેમને આ આદત હોય. ઘણા લોકો તો દિવસમાં વારંવાર આંગળીમાં ટચાકા ફોડતા હોય છે. ઘણા લોકોને તો હાથ અને પગની આંગળીઓના ટચાકા ફોડવામાં મજા આવે છે. તેથી તેઓ વારંવાર આ કામ કરે છે. પરંતુ હકીકતમાં આ રીતે ટચાકા ફોડવા યોગ્ય છે કે નહીં આજે તમને જણાવીએ. 

આ પણ વાંચો: શરીરના આ અંગોમાં થતો દુખાવો કિડની ડેમેજનું હોય શકે લક્ષણ, સમયસર ધ્યાન આપવું જરૂરી

ટચાકા ફોડવાની આદત સામાન્ય લાગે છે પરંતુ મેડિકલ સાયન્સમાં નિષ્ણાંતો આ અંગે અલગ અલગ મત જણાવે છે. જો તમને પણ વારંવાર ટચાકા ફોડવામાં મજા આવતી હોય તો આજે તમને જણાવીએ તો ટચાકા ફોડવાની આદતના ફાયદા અને નુકસાન છે. આ બંને વસ્તુ વિશે જાણીને તમે જ નક્કી કરજો કે ટચાકા ફોડવાનું ચાલુ રાખવું કે આદત છોડી દેવી. 

આ પણ વાંચો: શરીરને અંદરથી સાફ કરી નાખશે આ 5 ડ્રિંક્સ, યુરિન મારફતે નીકળી જશે બીમાર કરતાં ટોક્સિન

ટચાકા ફોડવાથી થતા નુકસાન 

- કેટલાક નિષ્ણાંતોનું માનવું છે કે વારંવાર આંગળીના ટચાકા ફોડવાથી સાંધામાં દુખાવો, સોજો અને ગઠિયા જેવી સમસ્યા થઈ શકે છે. 

- વારંવાર ટચાકા ફોડવામાં આવે તો સાંધાની આસપાસના ભાગમાં ધીરે ધીરે નુકસાન થવા લાગે છે. 

આ પણ વાંચો: Fenugreek: બસ 30 દિવસ પીવો મેથીનું પાણી, શરીરમાંથી આ બીમારીઓ નીકળી ન જાય તો કહજો..

- કેટલીક રિસર્ચમાં એવું પણ સામે આવ્યું છે કે નિયમિત રીતે જે લોકો ટચાતા ફોડે છે તેમને ગઠીયા જેવા રોગ થવાની સંભાવના સામાન્ય કરતાં વધારે હોય છે. 

ટચાકા ફોડવાથી થતા ફાયદા 

આ પણ વાંચો: 300 પાર થઈ જતું હોય બ્લડ શુગર તો અપનાવો આ 5 ઘરેલુ નુસખા, કંટ્રોલમાં આવી જશે શુગર

- કેટલાક એક્સપર્ટ એવું પણ માને છે કે આંગળીના ટચાકા ફોડવાથી કેટલાક ફાયદા પણ થઈ શકે છે. આમ કરવાથી સાંધા પરનું પ્રેશર ઓછું થઈ જાય છે અને ગતિશીલતા સુધરી શકે છે. 

- કેટલાક લોકો માને છે કે આંગળીના ટચાકા ફોડવાથી હાડકા વચ્ચેનું ટેન્શન ખતમ થઈ જાય છે અને સાંધાનો દુખાવો પણ ઓછો રહે છે. 

આ પણ વાંચો: Giloy Benefits: 2 ચમચી આ પાનનો રસ રોજ પી લો, તમારી આસપાસ પણ નહીં ફરકે ગંભીર બીમારીઓ

આ રીતે જોઈએ તો આંગળીના ટચાકા ફોડવાથી કોઈ ગંભીર નુકસાન થતું નથી. પરંતુ નિષ્ણાંતો એવું પણ કહે છે કે જો કોઈ વ્યક્તિને પહેલાથી જ સાંધામાં દુખાવો કે સોજો હોય તો તેમણે આદત તુરંત છોડી દેવી જોઈએ. નહીં તો આ આદતના કારણે સાંધાની સમસ્યા વધી શકે છે.

(Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.