મેઘાલયમાં 30 કલાકથી કોલસાની ખાણમાં ફસાયા છે 13 મજૂર, હજુ સુથી તેમનો કોઈ પતો નથી

મેઘાલયના ઈસ્ટ જયંતિયા હિલ્સની કોલસાની ખાણમાં ગેરકાયદે ખાણકામ દરમિયાન આ મજૂરો ફસાઈ ગયા હતા, હવે તેમનો કોઈ સંપર્ક થઈ શક્તો નથી

અંજનીલ કશ્યપ/શિલોંગઃ મેઘાલયના પૂર્વ જયંતિયાના પર્વતિય જિલ્લાની કોલસાભની ખાણમાં કોલસા માફિયા દ્વારા ગેરકાયદે ખાણકામ દરમિયાન ભેખડ ધસી પડવાને કારણે 13 મજૂર ફસાઈ ગયા છે. પૂર્વ જયંતિયા જિલ્લાની લેટિન નદીના કિનારે કસાન ગામમાં કોલસાની ખાણમાં કોલસા માફિયાઓના દબાણથી ગેરકાયદે રીતે ખાણકામ ચાલી રહ્યું હતું. 13 મજૂર પાણીથી ભરેલી કોલસાની ખાણના અંદર ખાણકામ કરતા હતા. હવે તેમનો કોઈ પતો નથી. 

Meghalaya CM Conrad Sangma: The incident where 13 miners have been trapped in some mines in East Jaintia Hills is really unfortunate. We're very concerned about the individuals & their lives. NDRF, dist admn & the police are doing all they can to save the lives of these miners. pic.twitter.com/g6Bdr5ztKV

— ANI (@ANI) December 14, 2018

કસના ગામના નિવાસીઓના અનુસાર, ગુરુવારે અચાનક કોલસાની ખાણના સુરંગનું મોઢું માટી ધસી જવાને કારણે બંધ થઈ ગયું હતું. જયંતિયા હિલ્સ જિલ્લા પોલીસ અધિક્ષક સિલ્વેસ્ટર નોન્ગતિનજેરના અનુસાર, પોલીસે તાત્કાલિક બચાવ અભિયાન શરૂ કર્યું છે. જોકે અત્યાર સુધી 13 મજૂરોને બહાર કાઢી શકાયા નથી. 

પોલીસે પમ્પિંગની મદદથી ખાણમાં ભરાયેલું પાણી તો બહાર કાઢી લીધું છે, પરંતુ હજુ સુધી ખાણમાં ફસાયેલા મજૂરો સહી સલામત છે કે નહીં તે જાણી શકાયું નથી. પોલીસે અત્યારે તો અજાણ્યા ખાણ માલિક સામે ગુનો દાખલ કર્યો છે. 

Meghalaya: Operation is underway to rescue the 13 miners who have been trapped in a mine at Ksan near Lyteiñ River under Saipung police station in East Jaintia Hills. pic.twitter.com/6txkcU4w9v

— ANI (@ANI) December 14, 2018

નેશનલ ગ્રીન ટ્રિબ્યુનલે 2014માં જ મેઘાલયમાં અસલામત અને બિનવૈજ્ઞાનિક પદ્ધતિથી કરવામાં આવતા કોલસાના ખાણકામ પર પ્રતિબંધ લગાવ્યો હતો. તેમ છતાં કોલસા માફિયા ગેરકાયદે રીતે જયંતિયા હિલ્સની નાની અને ખતરનાક ખાણોમાં ખાણ કાર્ય કરી રહ્યા હતા. 

મેઘાલયના મુખ્યમંત્રી કોનાર્ડ સંગમાએ આ ઘટના અંગે દુખ વ્યક્ત કરતા જણાવ્યું કે, ખાણમાં ફસાયેલા મજૂરોની ઓળખ કરી લેવામાં આવી છે અને સરકાર આ ઘટનાની કડક હાથ તપાસ હાથ ધરશે.