BJP મહિલા ઉમેદવારનો બફાટ, કહ્યું- "જો કોઈએ ગુંડાગીરી કરી, તો હું તેનાથી પણ...."

નવી દિલ્હી: લોકસભા ચૂંટણી 2019ની મતદાનની તારીખો જેમ જેમ નજીક આવતી જાય છે તેમ તેમ નેતાઓના ભાષણમાં પણ નવા નવા રંગ જોવા મળી રહ્યાં છે. યુપીની બદાયુ બેઠકના ભાજપના ઉમેદવાર સંઘમિત્રા મૌર્યએ એક ચૂંટણી સભાને કરેલા સંબોધનમાં જે કહ્યું તેને સાંભળીને બધા છક થઈ ગયાં. યુપીની યોગી સરકારમાં મંત્રી સ્વામી પ્રસાદ મૌર્યના પુત્રી સંઘમિત્રા મૌર્યએ બુધવારે એક ચૂંટણી સભાને સંબોધિત કરી હતી. 

આ દરમિયાન સંઘમિત્રા મૌર્યએ કહ્યું કે "તમે મને આશીર્વાદ આપો. અન્ય લોકોના આશીર્વાદ પણ તમારી આ પુત્રીને અપાવો. આ દરમિયાન જો તમારી વચ્ચે કોઈ દાદાગીરી કરવા આવે, ગુંડાગીરી કરવા આવે તો તમે તેમનાથી ડરતા નહીં. જો કોઈએ તમારા સન્માન, સ્વાભિમાન સાથે રમત રમી તો સંઘમિત્રા મૌર્ય તેનાથી પણ મોટી ગુંડી બની જશે." 

#WATCH Sanghamitra Maurya,BJP(UP Min SP Maurya's daughter):Apna aashirwaad mujhe dain,agar aapke beech koi gundagardi karane aata hai toh un gundon se bhi badi gundi Sanghamitra ban jaayegi agar kisi ne yahan par aapke samman,swabhimaan ke saath khilwad karne ki koshish ki (27.3) pic.twitter.com/2U7P0mvCHT

— ANI UP (@ANINewsUP) March 28, 2019

અત્રે જણાવવાનું કે બદાયુ લોકસભા બેઠકથી સમાજવાદી પાર્ટી-બહુજન સમાજ પાર્ટી અને રાષ્ટ્રીય લોક દળના ગઠબંધને ધર્મેન્દ્ર યાદવને મેદાનમાં ઉતાર્યા છે. ધર્મેન્દ્ર યાદવ આ બેઠકથી સતત 10 વર્ષથી સાંસદ છે. વર્ષ 1996માં આ બેઠક સમાજવાદી પાર્ટીએ જીતી હતી. વર્ષ 1991માં છેલ્લા બદાયુ બેઠક ભાજપને ફાળે ગઈ હતી. 

જુઓ LIVE