Dehli: લો બોલો, સીએમ અરવિંદ કેજરીવાલની પુત્રી બની ઓનલાઇન ફ્રોડનો શિકાર, ખાતામાંથી ગાયબ થઈ ગયા આટલા રૂપિયા

આજકાલ ઓનલાઇન ફ્રોડનું પ્રમાણે વધી રહ્યું છે. હવે દિલ્હીના મુખ્યમંત્રી અરવિંદ કેજરીવાલની પુત્રી પણ તેનો શિકાર બની છે.

નવી દિલ્હીઃ દિલ્હીના મુખ્યમંત્રી અરવિંદ કેજરીવાલ (Arvind kejriwal) ની પુત્રી ઓનલાઇન ફ્રોડનો શિકાર થી છે. સીએમ કેજરીવાલની પુત્રી એક જૂના સોફાને ઓનલાઇન વેચી રહી હતી. આ ક્રમમાં ઠગોએ તેની સાથે 34000 રૂપિયાની છેતરપિંડી કરી લીધી. 

હકીકતમાં છેતરપિંડી કરનારે પોતાને સોફાના ગ્રાહકના રૂપમાં રજૂ કર્યો હતો. તેણે સૌથી પહેલા સીએમની પુત્રીનો વિશ્વાસ જીતવા માટે તેના એકાઉન્ટમાં કેટલાક રૂપિયા મોકલ્યા. ત્યારબાદ તેણે સીએમની પુત્રીને એક વાર કોડ સ્કેન કરવા માટે કહ્યું. આ વખતે સ્કેન કરવાની સાથે તેના એકાઉન્ટમાં એકવાર 20 હજાર અને ત્યારબાદ 14 હજાર રૂપિયા કપાય ગયા. 

પહેલા સીએમની પુત્રીના ખાતામાંથી 20 હજાર રૂપિયા ઉપડી ગયા. ત્યારબાદ ફરી 14 હજાર રૂપિયા ઉપડ્યા. આ સંબંધમાં હવે સિવિલ લાયન્સ પોલીસ સ્ટેશનમાં ફરિયાદ નોંધાવવામાં આવી છે. ત્યારબાદ પોલીસે કેસ નોંધી આરોપીની શોધખોળ શરૂ કરી છે.