Farmers Protest: લાલ કિલ્લાની અંદરના આ PHOTOS જોઈને ચોક્કસપણે તમે હચમચી જશો, જુઓ કેવી મચી હતી તબાહી

નવી દિલ્હી: ગણતંત્ર દિવસ (Republic Day 2021) ના અવસરે ખેડૂત આંદોલન (Farmers Protest) ના નામ પર દેશની રાજધાની દિલ્હી (Delhi) ના રસ્તાઓ પર ખુબ ધમાલ અને અરાજકતા આચરવામાં આવી. લાલ કિલ્લા (Red Fort)  પર જ્યાં પ્રધાનમંત્રી તિરંગો ફરકાવે છે ત્યાં પણ ઉપદ્રવીઓએ તમામ મર્યાદા પાર કરીને ધમાલ મચાવી. આજે લાલ કિલ્લાની અંદરની તસવીરો ગંભીર સવાલ ઊભા કરી રહી છે. 

CPWD ઓફિસમાં તોડફોડ
લાલ કિલ્લા (Red Fort) ની અંદર ઉપદ્રવીઓએ ખુબ ધમાલ મચાવી. પ્રદર્શનકારીઓએ CPWD ની ઓફિસમાં ખુબ તોડફોડ કરી. ખેડૂત આંદોલન (Farmers Protest) ના આ પહેલુંથી દરેક જણ સ્તબ્ધ છે. 

પ્રદર્શનના નામે અરાજકતા ફેલાવવામાં આવી
દિલ્હી ( Delhi ) ના લાલ કિલ્લાની અંદરની તસવીરો પ્રદર્શનના નામે અરાજકતા ફેલાઈ તેની સાક્ષી પૂરી રહી છે. 

સીસીટીવી કેમેરા પણ તોડ્યા
ઉપદ્રવીઓએ લાલ કિલ્લાની અંદર લાગેલા સીસીટીવી કેમેરા પણ ન છોડ્યા. સુરક્ષા માટે લાગેલા તમામ સીસીટીવી કેમેરા તોડી નાખ્યા. 

જમીન પર વિખરાયેલો સામાન
લાલ કિલ્લાની અંદર સામાન જમીન પર વિખરાયેલો પડ્યો છે અને કાચના ટુકડા પણ જમીન પર પડેલા જોવા મળે છે. પ્રદર્શનકારીઓના એક સમૂહે ગઈ કાલે લાલ કિલ્લાના પોલ પર પોતાનો ઝંડો ફરકાવ્યો હતો. 

પર્યટન મંત્રીએ લીધી મુલાકાત
હિંસા બાદ કેન્દ્રીય પર્યટનમંત્રી પ્રહ્લાદ પટેલે લાલ કિલ્લાની મુલાકાત લીધી હતી. બીજી બાજુ દિલ્હી પોલીસ કમિશનર ખેડૂતોની ટ્રેક્ટર રેલી દરમિયાન થયેલી હિંસા અંગે વરિષ્ઠ અધિકારીઓ સાથે બેઠક યોજી રહ્યા છે. 

CISF ની ગાડી પલટી નાખી
ઉપદ્રવીઓએ સીઆઈએસએફની ગાડી પણ ન છોડી. કારને નુકસાન પહોંચાડીને પલટી નાખી. 

બસના કાચ તોડી નાખ્યા
લાલ કિલ્લા પર પહોંચેલા પ્રદર્શનકારીઓ સંપૂર્ણ રીતે બેકાબૂ હતા. બહાર  ઊભેલી બસના કાચ તોડી નાખ્યા હતા. આ અગાઉ પણ દિલ્હીમાં તેમણે DTCની બસ પલટવાની કોશિશ કરી હતી. 

રમણભમણ કરી નાખ્યું
પર્યટકોની એન્ટ્રી માટે લાગેલા સ્કેનર તોડી નાખ્યા. તસવીરમાં તમે જોઈ શકો છો કે બધુ કેવું વેરવિખેર કરી નાખ્યું હતું. 

અશાંતિની આગમાં ધકેલવાનું મોટું ષડયંત્ર?
પ્રદર્શનકારીઓના રૂપમાં પહોંચેલા ઉપદ્રવીઓની શું દાનત હતી? આ મોટો સવાલ છે. શાંતિપૂર્ણ પ્રદર્શનના નામ પર જે કઈ કરાયું તે દેશની સુરક્ષા સાથે ખેલવાડ જ નહીં પરંતુ ગણતંત્ર દિવસ જેવા દિવસે દેશને અશાંતિની આગમાં ધકેલવાનું મોટું ષડયંત્ર જણાય છે.