Operation Sindoor Video : ભારતે એર સ્ટ્રાઈકના વીડિયો કર્યા જાહેર, જુઓ સેનાએ 25 મિનિટ સુધી પાકિસ્તાનમાં કેવી રીતે મચાવી તબાહી ?

Operation Sindoor Video : હવાઈ ​​હુમલાનો વીડિયો જાહેર કરતા વિદેશ સચિવે કહ્યું કે 22 એપ્રિલે પહેલગામમાં થયેલા આતંકવાદી હુમલાના જવાબમાં પાકિસ્તાનમાં આતંકવાદી ઠેકાણાઓ પર ભારતે એર સ્ટ્રાઈક કરી છે.

Operation Sindoor Video : ભારતે બુધવારે પાકિસ્તાન અને પાકિસ્તાન અધિકૃત કાશ્મીરમાં આતંકવાદી છાવણીઓ પર 'ઓપરેશન સિંદૂર' હેઠળ એર સ્ટ્રાઈક કરી હતી. વિદેશ સચિવ વિક્રમ મિસરીએ 'ઓપરેશન સિંદૂર' પર કહ્યું કે પહેલગામ હુમલો બર્બર હતો.

મિસરીએ કહ્યું કે પહેલગામ હુમલાનો ઉદ્દેશ્ય જમ્મુ અને કાશ્મીરમાં સામાજિક પરિસ્થિતિને ખલેલ પહોંચાડવાનો હતો જ્યાં પ્રગતિ અને વિકાસ થઈ રહ્યો છે. વિદેશ સચિવ વિક્રમ મિસરી, કર્નલ સોફિયા કુરેશી અને વિંગ કમાન્ડર વ્યોમિકા સિંહે ઓપરેશન સિંદૂર પર મીડિયાને સંબોધન કર્યું. આ દરમિયાન તેમણે હુમલાના વીડિયો પણ જાહેર કર્યા છે.

#WATCH | Video shows multiple hits on the Mundrike and other terrorist camps in Pakistan and PoJK

Col. Sofiya Qureshi says, "No military installation was targeted, and till now there are no reports of civilian casualties in Pakistan." pic.twitter.com/zoESwND7XD

— ANI (@ANI) May 7, 2025

હવાઈ ​​હુમલાના વીડિયો જાહેર

આ વીડિયોમાં પાકિસ્તાન અને PoJKમાં આતંકવાદી છાવણીઓ પર થયેલા અનેક હુમલાઓ દર્શાવવામાં આવ્યા છે. કર્નલ સોફિયા કુરેશીએ કહ્યું, "કોઈ પણ લશ્કરી સંસ્થાને નિશાન બનાવવામાં આવી ન હતી અને અત્યાર સુધી પાકિસ્તાનમાં કોઈ નાગરિક જાનહાનિના સમાચાર નથી."

આતંકવાદી કેમ્પોનો નાશ થયો

મીડિયાને સંબોધતા, કર્નલ સોફિયા કુરેશીએ નાશ પામેલા આતંકવાદી શિબિરોના વીડિયો રજૂ કર્યા, જેમાં મુરીડકેમાં આવેલ એક શિબિરનો પણ સમાવેશ થાય છે જ્યાં 2008ના મુંબઈ આતંકવાદી હુમલાના આતંકવાદીઓ અજમલ કસાબ અને ડેવિડ હેડલીએ તાલીમ લીધી હતી.

#WATCH | Delhi | #OperationSindoor| Col. Sofiya Qureshi, while addressing the media, presents videos showing destroyed terror camps, including Sarjal camp, Sialkot, which lies 6 km inside Pakistan.

It's the camp where those terrorists involved in the killing of 4 Jammu & Kashmir… pic.twitter.com/HYxsU2HUg4

— ANI (@ANI) May 7, 2025

વિદેશ સચિવે શું કહ્યું ?

વિદેશ સચિવ મિસરીએ કહ્યું કે પહેલગામ હુમલાનો ઉદ્દેશ્ય પણ સાંપ્રદાયિક સૌહાર્દ બગાડવાનો હતો. પહેલગામ હુમલાની તપાસમાં તેમાં પાકિસ્તાનની સંડોવણી બહાર આવી. અમારી ગુપ્તચર એજન્સીએ પહેલગામ હુમલામાં સંડોવાયેલા લોકો અને કાવતરાખોરોને ઓળખી કાઢ્યા. પહેલગામ હુમલા અંગે જમ્મુ-કાશ્મીર અને બાકીના ભારતમાં ગુસ્સો હોય તે સ્વાભાવિક છે.