Corona Update: કોરોનાની ત્રીજી લહેરનું તોળાઈ રહ્યું છે જોખમ, 24 કલાકમાં આટલા નવા કેસ નોંધાયા

નવી દિલ્હી: દેશમાં ત્રીજી લહેરની આશંકા વચ્ચે કોરોના (Coronavirus) ના નવા કેસ હજુ પણ 35 હજારથી ઉપર નોંધાઈ રહ્યા છે. આજે જાહેર થયેલા આંકડા મુજબ છેલ્લા 24 કલાકમાં કોરોના વાયરસના નવા 38 હજારથી વધુ દર્દીઓ નોંધાયા છે. જ્યારે 560 લોકોના મૃત્યુ થયા છે. 

એક દિવસમાં 38 હજારથી વધુ કેસ
આજે જાહેર થયેલા આંકડા મુજબ છેલ્લા 24 કલાકમાં કોરોના વાયરસના નવા 38,079 દર્દીઓ નોંધાયા છે. હાલ દેશમાં 4,24,025 દર્દીઓ સારવાર હેઠળ છે. દેશમાં હાલ કોરોનાથી રિકવરી રેટ 97.31% થયો છે. 

શુક્રવારે 38,949 કેસ નોંધાયા હતા
ગઈ કાલે એટલે કે શુક્રવારે દેશભરમાં કોરોનાના નવા 38,949 કેસ નોંધાયા હતા. જ્યારે 40,026 દર્દીઓ રિકવર થયા હતા. એક દિવસમાં 542 લોકોના મૃત્યુ થયા છે. 

The total number of samples tested up to 16th July is 44,20,21,954 including 19,98,715 samples tested yesterday, says the Indian Council of Medical Research (ICMR)

— ANI (@ANI) July 17, 2021

એક દિવસમાં 19 લાખથી વધુ કોરોના ટેસ્ટ
ઈન્ડિયન કાઉન્સિલ ઓફ મેડિકલ રિસર્ચના જણાવ્યાં મુજબ દેશમાં છેલ્લા 24 કલાકમાં કોરોના વાયરસના 19,98,715 ટેસ્ટ થયા છે. આ સાથે અત્યાર સુધીમાં થયેલા કોરોના ટેસ્ટિંગનો આંકડો 44,20,21,954 પર પહોંચી ગયો છે.