Farmers Protest: ગાઝીપુર બોર્ડર પહોંચ્યા સુખબીર સિંહ બાદલ, રાકેશ ટિકૈતનું કર્યુ સમર્થન

નવી દિલ્હીઃ શિરોમણિ અકાલી દળ (SAD) ના અધ્યક્ષ સુખબીર સિંહ બાદલ (Sukhbir Singh Badal) એ રવિવારે દિલ્હી-ઉત્તર પ્રદેશની સરહદની પાસે ગાઝીપુર પહોંચીને કિસાનોને પોતાનું સમર્થન આપ્યુ હતું. અકાલી દળે વિવાદાસ્પદ કૃષિ કાયદાના વિરોધમાં ભાજપની આગેવાની વાળા એનડીએ (NDA) સાથે સંબંધ તોડી દીધો હતો. 

બાદલના આગમન પહેલા ભારતીય કિસાન સંઘના નેતા રાકેશ ટિકૈત (Rakesh Tikait) એ જાહેરાત કરી હતી કે કોઈપણ રાજનેતાઓને મુખ્યમંચ પર બોલવા માટે માઇક્રોફોન આપવામાં આવશે નહીં. તેમણે દાવો કર્યો કે, તેમને રાજકીય નેતાઓને મંચનો ઉપયોગ કરવા અને પ્રદર્શનકારીઓને સંબોધિત કરવાની મંજૂરી આપવા પર નોટિસ પ્રાપ્ત થઈ છે. 

I congratulate Rakesh Tikait ji for his fight against the farm laws. All farmers are grateful to him, our party stands with him: Shiromani Akali Dal (SAD) President Sukhbir Singh Badal at Ghazipur border https://t.co/9uG93xwe4I pic.twitter.com/k7g78PpmKJ

— ANI (@ANI) January 31, 2021

બાદલે પ્રદર્શન સ્થળની પાસે દસ મિનિટ માટે ટિકૈત સાથે મુલાકાત કરી અને પ્રદર્શનકારી કિસાનોને સમર્થનનું આશ્વાસન આપ્યુ હતું. આ સિવાય પંજાબી ગાયક હર્ષ ચીમા અને કરવિંદર ગઢવાલ પણ તેમના સમર્થનમા ચામે આવ્યા હતા. 

આ પણ વાંચોઃ સર્વેમાં ખુલાસા! 72% લોકોએ સ્વીકાર્યુ, નરેન્દ્ર મોદી PM બન્યા બાદ વધી છે મોંઘવારી  

બીજા સૌથી મોટા વિરોધ સ્થળ પર આ આંદોલન 67માં દિવસમાં પ્રવેશ કરી ગયું છે. દિલ્હી સાથે જોડાયેલા વિસ્તારમાં કિસાન રાષ્ટ્રીય ધ્વજ ફરકાવતા જય જવાન જય કિસાનના નારા લગાવી રહ્યા છે. સાથે કિસાનોની ભીડ પણ વધી ગઈ છે.