પતિ એક લાખ કમાય છે અને હું 60 હજાર..., પત્નીને જોઈએ છે ભરણપોષણ; સુપ્રીમ કોર્ટે સંભળાવ્યો મહત્વનો ચુકાદો

Court Maintenance Case: મહિલાએ પોતાની અરજીમાં દાવો કર્યો હતો કે તે પોતાની આવક હોવા છતાં તે ભરણપોષણ મેળવવાની હકદાર છે. તેણે કહ્યું કે પતિની માસિક આવક લગભગ 1 લાખ રૂપિયા છે.

Supreme Court Maintenance Case: સુપ્રીમ કોર્ટે મધ્યપ્રદેશની એક મહિલાની અરજી ફગાવી દીધી છે. મહિલાએ કોર્ટ દ્વારા તેના પતિ પાસેથી ભરણપોષણ ભથ્થાની માંગણી કરી હતી. કોર્ટે કહ્યું કે બંને એક જ પદ પર કામ કરે છે અને મહિલા આર્થિક રીતે સ્વતંત્ર છે, તેથી પતિ ભરણપોષણ ચૂકવશે નહીં.

જસ્ટિસ અભય એસ ઓકા અને જસ્ટિસ ઉજ્જવલ ભુઈયાની બેન્ચે મહિલાને રાહત આપવાનો ઈન્કાર કર્યો હતો. કોર્ટે કહ્યું કે પ્રથમ અરજદાર અને પ્રતિવાદી (પતિ અને પત્ની) બંને આસિસ્ટન્ટ પ્રોફેસરનું પદ ધરાવે છે. ભારતના બંધારણના અનુચ્છેદ 136 હેઠળ અમારા અધિકારક્ષેત્રનો ઉપયોગ કરવા માટે કોઈ કેસ કરવામાં આવ્યો નથી. સ્પેશિયલ અનુમતિ પિટિશન ફગાવી દેવામાં આવે છે.

આર્થિક રીતે સ્વતંત્ર છે મહિલા
તમને જણાવી દઈએ કે મહિલાએ સુપ્રીમ કોર્ટમાં અપીલ કરી હતી જ્યારે મધ્ય પ્રદેશ હાઈકોર્ટ અને ટ્રાયલ કોર્ટે તેની ભરણપોષણની અરજી ફગાવી દીધી હતી. મહિલાના પતિ વતી એડવોકેટ શશાંક સિંહે તેની અરજીનો વિરોધ કર્યો હતો. તેમણે કહ્યું કે તે દર મહિને લગભગ ₹60,000 કમાય છે અને તેની સ્થિતિ તેના પતિ જેવી જ છે. પતિએ દલીલ કરી હતી કે પત્ની આર્થિક રીતે સ્વતંત્ર છે.

પગાર સ્લીપ સબમિટ કર્યા બાદ આપવામાં આવ્યો નિર્ણય
જોકે, મહિલાએ દલીલ કરી હતી કે તેની કમાણી ક્ષમતાએ તેના પતિને ભરણપોષણ ચૂકવવાની જવાબદારીમાંથી મુક્તિ આપવી જોઈએ નહીં. તેણે એવો પણ દાવો કર્યો હતો કે તેના પતિની આવક દર મહિને આશરે ₹1 લાખ રૂપિયા છે. તેના પગાર અંગેના વિવાદને ધ્યાનમાં રાખીને, કોર્ટે અગાઉ બંને પક્ષોને છેલ્લા એક વર્ષની પગાર સ્લિપ સબમિટ કરવાનો નિર્દેશ આપ્યો હતો. બંને પતિ-પત્ની સમાન ભૂમિકામાં કાર્યરત હોવાનું જાણવા મળ્યા પછી સુપ્રીમ કોર્ટે અગાઉના નિર્ણયોને સમર્થન આપ્યું હતું અને અરજીને ફગાવી દીધી હતી.