તેજપ્રતાપ યાદવના બાઉન્સર્સની ગુંડાગીરીઃ રિપોર્ટર પર ગાડી ચડાવી, પછી ઢોર માર માર્યો

RJDના નેતા તેજ પ્રતાપ યાદવની વોટ આપ્યા પછી મીડિયા કર્મચારીઓ પ્રતિક્રિયા લેવા માટે તેની પાસે પહોંચ્યા હતા, પરંતુ તેના પહેલા જ તેજ પ્રતાપના બાઉન્સર્સ રિપોર્ટર અને કેમેરા જોઈને ભડકી ગયા હતા

પટનાઃ લોકસભા ચૂંટણીમાં અંતિમ તબક્કામાં પટનામાં મત આપવા તેજપ્રતાપ યાદવ પહોંચ્યા હતા. તેજપ્રતાપ વોટ આપીને જેવા બહાર નિકળ્યા કે મીડિયા કર્મચારીઓએ તેમની પ્રતિક્રિયા લેવાનો પ્રયાસ કર્યો હતો. આ દરમિયાન તેની મીડિયા કર્મચારીઓ સાથે કોઈ મુદ્દે ચર્ચા થઈ જતાં તેના બાઉન્સર્સ મીડિયા કર્મીઓ પર તુટી પડ્યા હતા. 

તેજપ્રતાપની ગાડીની આજુ બાજુમાં મોટી સંખ્યામાં સમર્થકો એક્ઠા થયા હતા. તેજ પ્રતાપ ગાડીમાં બેસીને મીડિયા કર્મચારીઓ સાથે વાત કરતા હતા એ દરમિયાન ડ્રાઈવરે અચાનક કાર ચલાવી દીધી. જેમાં એક રિપોર્ટર ઘાયલ થઈ ગયો. આથી મીડિયા કર્મચારીઓ ગુસ્સે થઈ ગયા. જેના કારણે તેજપ્રતાપના બાઉન્સર્સ અને મીડિયા કર્મચારીઓ વચ્ચે છુટાહાથની મારામારી શરૂ થઈ ગઈ.

#WATCH Tej Pratap Yadav's personal security guards in Patna beat a camera person after he allegedly broke the windscreen of Yadav's car. Tej Pratap Yadav was leaving after casting his vote. Yadav has filed an FIR in the incident. #Bihar pic.twitter.com/u1KzKDCGBG

— ANI (@ANI) May 19, 2019

તેજપ્રતાપના બાઉન્સર્સે કેમેરામેન પાસેથી તેનો કેમેરો ઝુંટવી લીધો અને તેની સાથે મારામારી કરવા લાગ્યા. આ માથાકૂટમાં તેજપ્રતાપની ગાડીનો આગળનો કાચ પણ તુટી ગયો. તેજ પ્રતાપના ગાર્ડના હુમલામાં એક રિપોર્ટર ઘાયલ થયો છે. 

જૂઓ LIVE TV...