Weather Report : આ તો ખાલી ટ્રેલર હતું...જૂનમાં ખરી તબાહી મચાવશે વરસાદ, હવામાન વિભાગે આપી ચેતવણી

Weather Report : હવામાન વિભાગે તેની તાજેતરની આગાહીમાં કહ્યું છે કે આ વર્ષે દેશમાં સરેરાશ 106 ટકા વરસાદ પડી શકે છે. જેમાં 4 ટકા ઉપર કે નીચે થઈ શકે છે. અગાઉ 105 ટકા વરસાદની આગાહી કરવામાં આવી હતી, ત્યારે આ વખતે 1 ટકા વધુ વરસાદની આગાહી કરાઈ છે.

Weather Report : દેશભરમાં ગરમીથી પરેશાન લોકો માટે રાહતના સમાચાર છે. ભારતીય હવામાન વિભાગ (IMD) એ જણાવ્યું છે કે આ વખતે ચોમાસુ 24 મેના રોજ કેરળમાં તેના નિર્ધારિત સમય કરતા 8 દિવસ પહેલા આવી ગયું છે. આ સાથે, આ વખતે ચોમાસાએ છેલ્લા 16 વર્ષનો રેકોર્ડ પણ તોડી નાખ્યો છે. અગાઉ 2009માં, ચોમાસુ તેના નિર્ધારિત સમય પહેલા 23 મેના રોજ આવી ગયું હતું. હવામાન વિભાગના ચોમાસાના અપડેટ મુજબ, દેશના મોટાભાગના ભાગોમાં ચોમાસુ પણ ઝડપથી આગળ વધી રહ્યું છે.

હવામાન વિભાગની આગાહી

IMDની અપડેટેડ આગાહી મુજબ આ વખતે ભારતમાં સામાન્ય કરતાં વધુ વરસાદ પડી શકે છે, જે ખાસ કરીને ખેડૂતો માટે રાહતની વાત છે. હકીકતમાં, ભારતીય હવામાન વિભાગ (IMD) એ જૂનથી સપ્ટેમ્બરના સમયગાળા માટે ચોમાસાની આગાહીમાં સુધારો કર્યો છે. આ આગાહીમાં ઘણા ફેરફારો જોવા મળી રહ્યા છે.

દેશમાં સરેરાશ 106% વરસાદ પડી શકે છે

હવામાન વિભાગે તેની તાજેતરની આગાહીમાં કહ્યું છે કે આ વર્ષે દેશમાં સરેરાશ 106 ટકા વરસાદ પડી શકે છે. જેમાં 4 ટકાનો વધારો ઘટાડો હોઈ શકે છે. અગાઉ 105 ટકા વરસાદની આગાહી કરવામાં આવી હતી, જેનો અર્થ એ થયો કે આ વખતે 1 ટકા વધુ વરસાદની અપેક્ષા છે. આનો અર્થ એ થયો કે આ વર્ષે ચોમાસુ 'સામાન્ય કરતાં વધુ' શ્રેણીમાં આવે છે કારણ કે જ્યારે વરસાદ 104 ટકાથી વધુ હોય છે, ત્યારે તેને સામાન્ય કરતાં વધુ ગણવામાં આવે છે. તો દેશભરમાં 87 CM વરસાદની શક્યતા છે.

હવામાન વિભાગે શું કહ્યું ?

હવામાન વિભાગ અનુસાર, દર વર્ષે ચોમાસું સૌપ્રથમ દક્ષિણ રાજ્ય કેરળમાં આવે છે અને ધીમે ધીમે સમગ્ર દેશમાં ફેલાય છે. સામાન્ય રીતે 8 જુલાઈ સુધીમાં, તે ભારતના મોટાભાગના ભાગોને આવરી લે છે. આ પછી ચોમાસુ 17 સપ્ટેમ્બરની આસપાસ ઉત્તર-પશ્ચિમ ભારતમાંથી પીછેહઠ કરવાનું શરૂ કરે છે અને 15 ઓક્ટોબર સુધીમાં સંપૂર્ણપણે દૂર થઈ જાય છે. જો આપણે છેલ્લા કેટલાક વર્ષોના ડેટા પર નજર કરીએ તો, 2024માં 30 મે, 2023માં 8 જૂન, 2022માં 29 મે અને 2021માં 3 જૂને ચોમાસું કેરળ પહોંચ્યું હતું. એટલે કે દર વર્ષે શરૂઆતની તારીખમાં થોડો ફેરફાર થાય છે.