Abdulkarim Al-Issa India Visit: મુસ્લિમ વર્લ્ડ લીગ (MWL) ના મહાસચિવ ડૉ. મોહમ્મદ બિન અબ્દુલ કરીમ અલ-ઈસ્સા ભારતની મુલાકાતે છે. તેમણે બુધવારે (12 જુલાઈ) દિલ્હીમાં વિવેકાનંદ ઈન્ટરનેશનલ ફાઉન્ડેશનના કાર્યક્રમમાં હાજરી આપી હતી. આ દરમિયાન તેમણે કહ્યું કે હું તમારા બધાની રાજકીય એકતાથી ખૂબ પ્રભાવિત છું. જ્યારે આપણી વચ્ચે વાતચીતનો અભાવ હોય છે, ત્યારે ગેરસમજ ઊભી થાય છે. એટલા માટે જરૂરી છે કે આપણે સમગ્ર વિશ્વમાં સંવાદનું વાતાવરણ બનાવીએ.
મુસ્લિમ વર્લ્ડ લીગના મહામંત્રી શેખ ડો. મોહમ્મદ બિન અબ્દુલકરીમ અલ-ઇસાએ રાષ્ટ્રીય સુરક્ષા સલાહકાર અજીત ડોભાલ સાથે મુલાકાત કર્યા બાદ કહ્યું કે ભારતીય સમાજના મુસ્લિમ ઘટકોને તેમની રાષ્ટ્રીયતા પર ગર્વ છે કે તેઓ ભારતીય નાગરિક છે અને તેમને પોતાના બંધારણ પર ગર્વ છે. વિવિધતામાં એકતા માટે ભારતની પ્રશંસા કરતા તેમણે વધુમાં કહ્યું કે ભારત હિંદુ બહુમતી રાષ્ટ્ર હોવા છતાં પણ ધર્મનિરપેક્ષ દેશ છે.
અલ-ઇસાએ વધુમાં જણાવ્યું હતું કે, વાતચીત માત્ર મૌખિક ના હોવી જોઈએ. કોઈપણ સંવાદનો ફાયદો ત્યારે જ થાય છે જ્યારે તે સાચો હોય. અલ-ઇસાએ વધુમાં જણાવ્યું હતું કે, હિન્દુસ્તાનમાંથી ઘણું શીખી શકાય એમ છે. આખી દુનિયામાં જો કોઈ પાસેથી શીખી શકાય તો તે ભારત છે. દુનિયામાં ઘણી બધી બાબતોમાં એકબીજા સાથે તકરાર થાય છે અને જુદા જુદા મંતવ્યો હોય છે, તેમ છતાં આપણે બધા સાથે રહીએ છીએ. આપણો વિશ્વાસ એક જ છે, આપણો મૂળ એક જ છે, આપણો પાયો પણ એક જ છે.
"હું ભારતના બંધારણને સલામ કરું છું"
ભારતની પ્રશંસા કરતા તેમણે જણાવ્યું હતું કે, જ્યારે મેં ભારતમાં અલગ-અલગ ધર્મગુરુઓ સાથે વાત કરી અને હિન્દુ ધર્મગુરુઓ સાથે વાત કરી ત્યારે અહીંના લોકો પરસ્પર ભાઈચારો અને સાથે રહેવાનો આગ્રહ રાખતા હતા. આવું ઉદાહરણ મેં દુનિયામાં ક્યાંય જોયું નથી. આપણે ધાર્મિક સંઘર્ષો સામે ઊભા રહેવું જોઈએ જેથી કરીને કટ્ટરવાદ ફરી ઉભરી ન આવે. હું ભારતીય લોકશાહી અને ભારતના બંધારણને હૃદયપૂર્વક વંદન કરું છું. હું એ વિચારને સલામ કરું છું જેણે સમગ્ર વિશ્વને શાંતિ અને સૌહાર્દનો સંદેશ આપ્યો છે.
NSA અજીત ડોભાલે કહ્યું કે મુસ્લિમ વર્લ્ડ લીગના મહાસચિવનો સંદેશ સ્પષ્ટ છે કે જો આપણે સૌહાર્દ અને શાંતિથી રહીએ. ડોભાલે ઈસાની પણ પ્રશંસા કરી હતી. તેમણે કહ્યું કે ઈસ્સાની ઈસ્લામ, વિશ્વના ધર્મો વિશેની ઊંડી સમજણ અને આંતર-ધાર્મિક સૌહાર્દ તરફના સતત પ્રયત્નો, સુધારાના માર્ગ પર આગળ વધવાની હિંમતએ ઈસ્લામને વધુ સારી રીતે સમજવામાં પ્રશંસનીય યોગદાન આપ્યું છે.
આ પ્રસંગે અજિત ડોભાલે કહ્યું કે ભારત ઘણાં દાયકાથી આતંકવાદનો ભોગ બનતું રહ્યું છે. દેશે 2008 (મુંબઈ હુમલો) સહિત ઘણાં આતંકવાદી હુમલાઓનો સામનો કર્યો છે. ભારત તેના સુરક્ષા તંત્રને મજબૂત બનાવવા અને આતંકવાદી પ્રવૃત્તિઓને રોકવા માટે અન્ય દેશો સાથે સહયોગ કરવા સહિત વિવિધ માધ્યમો દ્વારા આતંકવાદ સામે લડવા માટે સક્રિયપણે કામ કરી રહ્યું છે.
આ ઉપરાંત, રાષ્ટ્રીય સુરક્ષા સલાહકાર ડોભાલે કહ્યું કે ભારત વિશ્વમાં બીજી અને સૌથી મોટી મુસ્લિમ વસ્તીનું ઘર છે. ભારતમાં મુસ્લિમોની વસતિ ‘ઓર્ગેનાઈઝેશન ઓફ ઈસ્લામિક કો-ઓપરેશન’ ના 33 થી વધુ સભ્ય દેશોની સંયુક્ત વસતિ જેટલી છે. હિંદુ ધર્મ અને ઇસ્લામની ઊંડી આધ્યાત્મિક સામગ્રી લોકોને એકસાથે લાવી છે અને એકબીજાની સામાજિક અને બૌદ્ધિક સમજ લાવવામાં મદદ કરી છે.
અલ-ઇસાએ બીજું શું કહ્યું?
અલ-ઇસાએ જણાવ્યું હતું કે આપણે બે મોરચે કામ કરવાની જરૂર છે - શિક્ષણ અને યુવાનોને ખોટી માહિતીથી બચાવવા. આ બાબતો બાળકોને શરૂઆતમાં જ સમજાવવી પડે છે. અલગ-અલગ ધર્મો વચ્ચે વિવાદ થઈ રહ્યો છે, તેને બાળપણમાંથી જ બાળકોમાં અટકાવવી પડશે. પરંતુ આપણી સમસ્યા એ છે કે, નફરત ફેલાવતા પુસ્તકો સકારાત્મક, બહુલવાદી સંદેશાઓને પ્રોત્સાહન આપતા પુસ્તકો કરતાં વધુ વ્યાપક બન્યા છે.
આતંકવાદ વિશે શું?
મહાસચિવે જણાવ્યું હતું કે, ખોટી વિચારધારાઓના કારણે અતિવાદ અને પછી આતંકવાદ ફેલાય છે. સંઘર્ષને રોકવા માટે આપણે બાળપણથી જ આવનારી પેઢીનું રક્ષણ અને માર્ગદર્શન કરવાની જરૂર છે. સત્તા મેળવવા માટે ઘણા રાજકારણીઓએ નફરત ભરી કહાનીઓનો ઉપયોગ કર્યો છે. ધાર્મિક નેતાઓ આજે મૌન છે અને પરસ્પર સમજણને પ્રોત્સાહન આપવા માટે કામ કરી રહ્યા નથી.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
Newsletter
