સીટ ખાલી હતી છતાં બસમાં નીચે બેસી મહિલા, પૂછવા પર આપ્યો વિચારવા મજબૂર કરી દે તેવો જવાબ

Woman sitting on Bus Floor Emotional Video: બસમાં સીટ ખાલી હતી, છતાં આદિવાસી મહિલા બસમાં નીચે બેઠી હતી, કંડક્ટરે પૂછ્યું ત્યારે તેણે વિચારવા મજબૂર કરી દે તેવું કારણ આપ્યું

Poor Mother sitting on Bus Floor : વાયરલ થયેલા એક વીડિયોમાં, એક મહિલા બસમાં નીચે તેના બાળક સાથે બેઠેલી જોવા મળે છે, ભલે બસમાં અનેક ખાલી સીટ હોય. જ્યારે તેને પૂછવામાં આવ્યું ત્યારે તે કહે છે કે, ‘તેને સીટ પર બેસવાની આદત નથી.’ આ વીડિયો દેશમાં જાતિ ભેદભાવ અને અસમાન વિકાસ પર ગંભીર ચર્ચા જગાવી રહ્યો છે.

એક તરફ ભારતને 'વિશ્વગુરુ' કહેવામાં આવે છે અને ઘણા મહાનગરોની ચમક અને ગ્લેમર જોઈને એવું લાગે છે કે ભારત વિકાસની ઊંચાઈઓને સ્પર્શી રહ્યું છે, ત્યારે આપણા સમાજમાં હજુ પણ ઘણા ખૂણા છે જ્યાં લોકોને મૂળભૂત સુવિધાઓ પણ મળતી નથી, ઉચ્ચ ટેકનોલોજી તો દૂરની વાત.

આ કડવી સત્યતા દર્શાવતો, સોશિયલ મીડિયા પર એક વીડિયો ઝડપથી વાયરલ થઈ રહ્યો છે, જેને જોઈને કોઈ પણ વ્યક્તિ વિચારવા મજબૂર થઈ જાય છે કે શું આજના ડિજિટલ યુગમાં પણ ખરેખર આ આપણા દેશની વાસ્તવિકતા છે?

વાયરલ વીડિયો જુઓ
આ જવાબ સૂચવે છે કે કદાચ તેને ઘણીવાર બસમાં ફ્લોર પર બેસવાની ફરજ પાડવામાં આવી છે, જેના કારણે તેણે સીટ હોવા છતાં જમીન પર બેસવાનું યોગ્ય માન્યું. જોકે, આ વીડિયો ક્યારે અને ક્યાં ફિલ્માવવામાં આવ્યો તેની સત્તાવાર પુષ્ટિ થઈ નથી, પરંતુ તેણે ફરી એકવાર સોશિયલ મીડિયા પર વિકાસ પર ચર્ચા જગાવી છે.

She is saying that she is not habituated to sit in the seat so that she is traveling by sitting on the floor of the Bus.

All our development projects worthless if they are not reaching the last people. pic.twitter.com/4tqsFf5B4S

— Dr.B.Karthik Navayan (@Navayan) June 19, 2025

વીડિયોએ ચર્ચા જગાવી
વીડિયો વાયરલ થયા પછી, લોકોએ તેને વિવિધ સોશિયલ મીડિયા પ્લેટફોર્મ પર શેર કરવાનું શરૂ કર્યું. એક યુઝરે વીડિયો શેર કર્યો અને લખ્યું, 'આ ફક્ત ગરીબી નથી, તે સદીઓથી જાતિના નામે કરવામાં આવતો બહિષ્કાર છે. જો વિકાસ છેલ્લા વ્યક્તિ સુધી પહોંચ્યો નથી, તો તે ફક્ત ઇમારતોની રચના છે, માનવતા નથી.'

બસમાં નીચે બાળક સાથે બેઠેલી મહિલા
વીડિઓમાં, એક મહિલા બસનમાં નીચે તેના નાના બાળકને ખોળામાં લઈને બેઠેલી જોઈ શકાય છે. બસમાં ભીડ નથી અને મહિલાની બાજુની સીટ પણ ખાલી છે. છતાં, તે સીટ છોડીને ફ્લોર પર કેમ બેઠી છે તે સમજાતું નથી.

આ પ્રશ્ન બસ કંડક્ટરને પરેશાન કરે છે અને તે મહિલાને પૂછે છે, 'જો તમારી પાસે ટિકિટ છે, તો પછી તમે સીટ પર કેમ નથી બેઠેલા?' જે પછી મહિલાએ આપેલો જવાબ ખરેખર આપણને ચોંકાવી દે છે અને વિચારવા મજબૂર કરે છે. સ્ત્રી જવાબ આપે છે, 'મને સીટ પર બેસવાની આદત નથી, તેથી હું જમીન પર બેઠી છું.'