Shanishchari Amavasya 2025: શનિશ્ચરી અમાસના દિવસે આ 5 કામ કરવા નહીં, કરવાથી લાંબા સમય સુધી ભોગવવા પડશે કષ્ટ

Shanishchari Amavasya 2025: આ મહિનાની અમાસ જ્યોતિષશાસ્ત્રની દ્રષ્ટિએ ખૂબ જ ખાસ છે. 29 માર્ચ 2025 ના રોજ અમાસની તિથિ છે એટલે કે શનિશ્ચરી અમાસ છે. આ દિવસે શનિ રાશિ પરિવર્તન કરશે અને સૂર્ય ગ્રહણ પણ થવાનું છે.

Shanishchari Amavasya 2025: શનિ ગ્રહ 30 વર્ષ પછી મીન રાશિમાં પ્રવેશ કરવા જઈ રહ્યો છે. 29 તારીખના રોજ શનિ રાશિ પરિવર્તન કરશે અને આ દિવસે અમાસ પણ છે. સાથે જ આ દિવસે સૂર્યગ્રહણ પણ થવાનું છે. 29 તારીખે એક સાથે ત્રણ મહત્વની ઘટના બનશે તેથી આ દિવસે કેટલીક ભૂલ કરવાથી બચવું જોઈએ. 29 માર્ચ એટલે કે શનિ અમાસના દિવસે કરેલી આ ભૂલથી લાંબા સમય સુધી શનિનો પ્રકોપ સહન કરવો પડી શકે છે. જેના કારણે જીવનમાં સમસ્યાઓ આવી શકે છે. 29 તારીખ અને અમાસની તિથિ પર આ ભૂલ કરવાથી કરિયરથી લઈને પારિવારિક જીવન પણ અસ્તવ્યસ્ત થઈ શકે છે. તો ચાલો તમને જણાવીએ 29 માર્ચે કઈ ભૂલ કરવી નહીં. 

આ પણ વાંચો: Shani Uday: 9 એપ્રિલથી ચાલશે આ 4 રાશિવાળાઓનું રાજ, શનિ ઉદય થઈને વધારી દેશે ધન, પદ

વાદવિવાદ ટાળો 

29 માર્ચ જ્યોતિષશાસ્ત્રની દ્રષ્ટિએ ખૂબ જ ખાસ દિવસ. આ દિવસે સૂર્યગ્રહણ થાશે, શનિ રાશિ પરિવર્તન કરશે અને અમાસની તિથિ પણ છે. સૂર્યગ્રહણ દરમિયાન વાતાવરણમાં નકારાત્મકતા વધે છે આ સમય દરમિયાન કોઈપણ પ્રકારનો વાદવિવાદ કરવાથી બચવું જોઈએ આ સમયે વાદવિવાદ કરવાથી માનસિક ચિંતા અને પરેશાની વધી શકે છે. 

આ પણ વાંચો: ધન-વૈભવ આપનાર શુક્ર આ તારીખથી મીન રાશિમાં થશે માર્ગી, પલટી નાખશે 3 રાશિઓનું ભાગ્ય

બહારનું ભોજન ખાવાનું ટાળો 

શનીનું રાશિ પરિવર્તન અને સૂર્યગ્રહણ એક સાથે થવાનું છે આ દિવસે બહારનું ભોજન કરવાનું ટાળવું જોઈએ. બહારના ભોજનને પણ નકારાત્મક ઉર્જા પ્રભાવિત કરે છે. ધાર્મિક માન્યતા અનુસાર સૂર્યગ્રહણ દરમિયાન કોઈપણ વસ્તુ ખાવી પીવી નહીં. પરંતુ જો ખાવું જરૂરી જ હોય તો ઘરે બનાવેલું ભોજન જ ગ્રહણ કરવું બહારની કે અન્યના ઘરની વસ્તુ ગ્રહણ કરવી નહીં.

આ પણ વાંચો: મીન રાશિમાં શનિ ચાલશે ચાંદીના પાયે, 3 રાશિઓની આવક થશે ચારગણી, નોકરીમાં થશે પદોન્નતિ

યાત્રા કરવાનું ટાળો 

29 માર્ચના દિવસે યાત્રા કરવાથી પણ બચવું જોઈએ. આ દિવસે કરેલી યાત્રાનું શુભ ફળ મળતું નથી. આ દિવસે ઘરે રહીને જ ઈશ્વરનું ધ્યાન અને મંત્રોનો જાપ કરવો જોઈએ. 

આ પણ વાંચો: પુષ્ય નક્ષત્રમાં મંગળનો પ્રવેશ 4 રાશિઓને કરાવશે લાભ, સંપત્તિ વધશે અને કાર્યો થશે સફળ

કાળા રંગના કપડા 

અમાસના દિવસે કાળા કે કોઈપણ ડાર્ક કલરના કપડાં પહેરવાથી પણ બચો. આ દિવસે કાળા કપડા પહેરવાથી શનિની ક્રૂર દૃષ્ટિ તમારા પર પડી શકે છે. જેના કારણે લાંબા સમય સુધી જીવનમાં સમસ્યાઓનો સામનો કરવો પડી શકે છે. આ દિવસે પીળા રંગના કપડા પહેરો તો વધારે સારું. 

આ પણ વાંચો: Chaitra Navratri 2025: ચૈત્ર નવરાત્રી ફળશે આ 3 રાશિને, ધન લાભ થવાની સાથે વધશે સન્માન

દેવી-દેવતાઓની મૂર્તિને સ્પર્શ ન કરો 

ગ્રહણના દિવસે દેવી-દેવતાઓની મૂર્તિને સ્પર્શ કરવો અશુભ ગણાય છે. આ દિવસે ઘરમાં મંદિરને પણ લાલ કે પીળા કપડાથી ઢાંકી દેવું જોઈએ. સૂર્યગ્રહણ પૂર્ણ થયા પછી પૂજા ઘરને ગંગાજળથી શુદ્ધ કરીને પછી જ પૂજા કરવી જોઈએ.

(Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.)