36 નહીં પણ 39 રન...T20 ઇન્ટરનેશનલની સૌથી મોંઘી ઓવર, 29 વર્ષીય બેટ્સમેને રચ્યો ઇતિહાસ

Most Expensive Over : T20 આંતરરાષ્ટ્રીય ક્રિકેટમાં સૌથી મોંઘી ઓવર 36 નહીં, પરંતુ 39 રનની છે. 2024માં એક યુવા ફાસ્ટ બોલરે 6 છગ્ગા સાથે કુલ 39 રન આપ્યા હતા, જેના કારણે તેણે આ ફોર્મેટના ઇતિહાસમાં સૌથી મોંઘી ઓવર નાખવાનો શરમજનક રેકોર્ડ બનાવ્યો હતો.

Most Expensive Over : T20 આંતરરાષ્ટ્રીય ક્રિકેટમાં દરેક બોલ પર રોમાંચ જોવા મળે છે. આ ફોર્મેટમાં બોલરો કરતાં બેટ્સમેન વધુ પ્રભુત્વ ધરાવે છે. બેટ્સમેન પહેલા જ બોલથી ચોગ્ગા અને છગ્ગા ફટકારવા માટે તૈયાર હોય છે. તેથી જ આધુનિક ક્રિકેટમાં આ ટૂંકા ફોર્મેટ માટે ઘણો ક્રેઝ છે. બેટ્સમેનોની તોફાની બેટિંગને કારણે T20 આંતરરાષ્ટ્રીયમાં ઘણા એવા રેકોર્ડ બન્યા છે, જેના પર પહેલા વિશ્વાસ કરવો મુશ્કેલ છે. આમાંથી એક T20 આંતરરાષ્ટ્રીય ઇતિહાસની સૌથી મોંઘી ઓવર છે. વિશ્વનો કોઈ બોલર આ રેકોર્ડ પોતાના નામે કરવા માંગશે નહીં, પરંતુ 2024માં નલિન નિપિકો નામના એક ઝડપી બોલરે ઓવરમાં 39 રન આપીને આ શરમજનક રેકોર્ડ બનાવ્યો. 29 વર્ષીય બેટ્સમેને આ ઓવરમાં 6 છગ્ગા ફટકાર્યા.

T20 આંતરરાષ્ટ્રીય ઇતિહાસમાં સૌથી મોંઘી ઓવર

આ અવિશ્વસનીય ઘટના 20 ઓગસ્ટ 2024ના રોજ સમોઆ અને વનુઆતુ વચ્ચે રમાયેલી T20 વર્લ્ડ કપ ક્વોલિફાયર મેચમાં બની હતી. આ મેચ વનુઆતુના યુવા બોલર નલિન નિપિકો માટે એક દુઃસ્વપ્ન સાબિત થઈ, જ્યારે સમોઆના બેટ્સમેન ડેરિયસ વિસરે તેની એક જ ઓવરમાં છગ્ગા ફટકારીને 39 રન ફટકાર્યા. નલિન નિપિકોએ આ ઓવરમાં કુલ 9 બોલ ફેંક્યા, જેમાં 3 નો બોલ પણ સામેલ હતો. ડેરિયસ વિસરે 6 છગ્ગા ફટકાર્યા. આ રીતે ઓવરમાં કુલ 39 રન બન્યા. જોકે, વિસરેના ખાતામાં ફક્ત 36 રન આવ્યા. આ ઇનિંગની 15મી ઓવરમાં બન્યું.

• 14.1: ડેરિયસ વિસરે છગ્ગો ફટકાર્યો.
• 14.2: વિસરે બીજો છગ્ગો ફટકાર્યો.
• 14.3: સતત ત્રીજી છગ્ગો ફટકાર્યો.
• 14.4: નો બોલથી એક રન આવ્યો.
• 14.4: વિસરે છગ્ગો ફટકાર્યો
• 14.5: આ બોલ ડોટ રહ્યો.
• 14.6: નો-બોલથી ફરી એક રન આવ્યો.
• 14.6: ફરીથી નો-બોલ આવ્યો, જેના પર વિસરે છગ્ગો ફટકાર્યો એટલે કુલ 7 રન આવ્યા.
• 14.6: વિસરે છેલ્લા બોલ પર પણ છગ્ગો ફટકાર્યો.

આ રીતે, નલિન નિપિકોએ ટી20 આંતરરાષ્ટ્રીયમાં સૌથી મોંઘી ઓવર ફેંકવાનો શરમજનક રેકોર્ડ બનાવ્યો.

વિસરે મેચમાં 14 છગ્ગા ફટકાર્યા

વિસરે મેચમાં વિસ્ફોટક બેટિંગ કરતા 14 છગ્ગા ફટકાર્યા. તેણે બોલરોને ધોઈ નાખ્યા અને માત્ર 62 બોલમાં 132 રનની સદી ફટકારી. આ ઇનિંગમાં તેણે 14 છગ્ગા ઉપરાંત 5 ચોગ્ગા ફટકાર્યા. વિસરે સમોઆની લથડતી બેટિંગને પોતાની ઇનિંગ્સથી કુલ 174 રન સુધી પહોંચાડવામાં મદદ કરી, ત્યારબાદ બોલરોએ વનુઆતુને 164 રન જ બનાવા દીધા અને મેચ 10 રનથી જીતી લીધી.