IPL 2025 : ધોનીની સેના હજુ પણ પ્લેઓફની રેસમાં...'કટ્ટર દુશ્મન' પાસેથી લેવી પડશે શીખ, તો જ થશે ચમત્કાર

Chennai Super Kings : IPL 2025માં ચેન્નાઈ સુપર કિંગ્સનો વધુ એક પરાજય થયો છે. આ વખતે તે તેના હોમ ગ્રાઉન્ડ ચેપોક સ્ટેડિયમમાં સનરાઈઝર્સ હૈદરાબાદ સામે હારી ગઈ છે. નવ મેચોમાં ટીમની આ સાતમી હાર છે.

Chennai Super Kings : 25 એપ્રિલે CSK અને SRH વચ્ચે રમાયેલી મેચમાં ચેન્નાઈ સુપર કિંગ્સનો વધુ એક હારનો સામનો કરવો પડ્યો છે. CSKએ IPL 2025માં અત્યાર સુધી રમેલી 9 મેચોમાંથી 7 મેચોમાં હાર મળી છે. તેને મુંબઈ ઈન્ડિયન્સ અને લખનૌ સુપર જાયન્ટ્સ સામે માત્ર બે જ જીત મળી છે. 7 હાર છતાં ટીમ પ્લેઓફ રાઉન્ડમાંથી બહાર નથી. તેની આશા હજુ પણ જીવંત છે.

ચેન્નાઈએ આ કમાલ કરવો પડશે

ચેપોક ખાતે સનરાઈઝર્સ સામેની હાર પછી તે સ્પષ્ટ થઈ ગયું હતું કે સુપર કિંગ્સ સીધા પ્લેઓફ માટે ક્વોલિફાય કરી શકશે નહીં. મહેન્દ્રસિંહ ધોનીની ટીમે ટોપ-4માં સ્થાન મેળવવાની આશા રાખવા માટે લીગ તબક્કામાં તેની બાકીની તમામ પાંચ મેચો જીતવી પડશે. પરંતુ તેમ છતાં પ્લેઓફમાં તેમનું સ્થાન નિશ્ચિત થશે નહીં. તેણે અન્ય ટીમોના પરિણામો પર પણ નિર્ભર રહેવું પડશે અને આશા રાખવી પડશે કે 3 થી વધુ ટીમો 14 થી વધુ પોઈન્ટ ન મેળવે.

શું RCB જેવો ચમત્કાર શક્ય છે ?

જો CSK તેની છેલ્લી પાંચ મેચ જીતી જાય તો ટીમના 14 પોઈન્ટ થઈ જશે. 2024 માં રોયલ ચેલેન્જર્સ બેંગ્લોર (RCB) 14 પોઈન્ટ સાથે પ્લેઓફ માટે ક્વોલિફાય થયું. RCB 14 પોઈન્ટ પર CSK, દિલ્હી કેપિટલ્સ અને લખનૌ સુપર જાયન્ટ્સ સાથે ટાઈ હતી પરંતુ સારા નેટ રન રેટના આધારે તેનો ટોપ-4માં સમાવેશ થયો હતો. 

નેટ રન રેટમાં સુધારો કરવાની જરૂર 

આવું પ્રથમ વખત બન્યું હતું કે IPLમાં 10 ટીમો હોય જેમાં 14 પોઈન્ટ અને સાત જીત સાથેની ટીમ પ્લેઓફ માટે ક્વોલિફાય થઈ હોય. તેથી CSK હજુ પણ પાછલા દરવાજેથી પ્લેઓફમાં પ્રવેશી શકે છે. પરંતુ તેને તેનો નેટ રન રેટ સુધારવાની જરૂર છે, જે -1.302 છે. તમામ ટીમોમાં આ સૌથી ખરાબ છે.

CSKનો સંઘર્ષ

સુપર કિંગ્સ અત્યાર સુધી ટુર્નામેન્ટમાં પોતાની લય શોધી શકી નથી. ચેપોક ખાતે મુંબઈ ઈન્ડિયન્સ સામેની જીત સાથે શરૂઆત કર્યા પછી CSK સંપૂર્ણપણે પાટા પરથી ઉતરી ગઈ. લખનૌમાં સુપર જાયન્ટ્સ સામે પાંચ વિકેટની જીત સાથે બાઉન્સ બેક કરતા પહેલા ટીમને સતત ચાર હારનો સામનો કરવો પડ્યો હતો. એ જીત બાદ હવે સતત બે પરાજયનો સામનો કરવો પડ્યો છે. સનરાઇઝર્સ સામેની હાર બાદ CSK ચાર પોઈન્ટ સાથે ટેબલમાં તળિયે છે. ટીમની આગામી મેચ 30 એપ્રિલે ચેપોકમાં પંજાબ કિંગ્સ સામે થશે.