IPLમા રોહિત શર્મા બનાવશે મોટો રેકોર્ડ, આજે પૂરા કરી શકે છે 5 હજાર રન

IPL Latest News: મુંબઈ ઈન્ડિયન્સનો કેપ્ટન રોહિત શર્મા આજે આરસીબી વિરુદ્ધ મેચમાં એક મોટો કીર્તિમાન બનાવી શકે છે. રોહિત આ મુકાબલામાં 5 હજાર રન પૂરા કરી શકે છે. જબરદસ્ત લયમાં રહેલા રોહિતને આ મુકામ હાસિલ કરવા માટે 10 રનની જરૂર છે.

નવી દિલ્હીઃ મુંબઈ ઈન્ડિયન્સના કેપ્ટન રોહિત શર્મા સોમવારે ઈન્ડિયન પ્રીમિયર લીગ (IPL)મા એક નવો કીર્તિમાન બનાવી શકે છે. રોહિત આઈપીએલમાં 5000 રન પૂરા કરનાર ત્રીજો બેટ્સમેન બનવાથી માત્ર 10 રન દૂર છે. સોમવારે રોયલ ચેલેન્જર્સ બેંગલોર વિરુદ્ધ મુકાબલામાં રોહિતની પાસે આ આંકડાને પાર કરવાની તક હશે.

બુધવારે કોલકત્તા નાઇટ રાઇડર્સ (Kolkata Knight Riders) વિરુદ્ધ અબુધાવી (Abu Dhabi)મા 80 રન બનાવી રોહિત આ કીર્તિમાનની નજીક પહોંચી ગયો હતો. આઈપીએલમાં સૌથી વધુ રન બનાવનાર બેટ્સમેનોની વાત કરીએ તો વિરાટ કોહલીએ 179 મેચમાં 5427 રન બનાવ્યા છે. ત્યારબાદ ચેન્નઈ સુપર કિંગ્સના સુરેશ રૈનાનો નંબર આવે છે. જેણે 193 મેચોમાં 5368 રન બનાવ્યા છે. આ સીઝનમાં તે રમી રહ્યો નથી તેવામાં રોહિતની પાસે કોહલી બાદ બીજા સ્થાને આવવાની તક હશે. 

રોહિતે આઈપીએલમાં પોતાના કરિયરની શરૂઆત 2008મા ડેક્કન ચાર્જર્સની સાથે કરી હતી. તે પહેલા મિડલ ઓર્ડરમાં બેટિંગ કરતો હતો પરંતુ ઓપનિંગ કર્યા બાદ તેનો રેકોર્ડ શાનદાર થઈ ગયો. બુધવારે કોલકત્તા નાઇટ રાઇડર્સ વિરુદ્ધ ઈનિંગ દરમિયાન રોહિતે આઈપીએલમાં 200 સિક્સ પૂરી કરી હતી. રોહિત આઈપીએલમાં 200 સિક્સ ફટકારનાર બીજો ભારતીય બેટ્સમેન છે. તેની પહેલા એમએસ ધોનીએ આ લીગમાં 200 છગ્ગા પૂરા કર્યાં હતા. ધોનીએ 193 મેચમાં 212 સિક્સ ફટકારી છે. 

ક્રિસ ગેલ આઈપીએલમાં સિક્સ લગાવનાર બેટ્સમેનોના લિસ્ટમાં સૌથી આગળ છે, જેણે 125 મેચોમાં 326 સિક્સ ફટકારી છે. ત્યારબાદ એબી ડિવિલિયર્સે 156 મેચોમાં 215 સિક્સ ફટકારી છે. રોહિત આઈપીએલમાં 200 સિક્સ ફટકાનાર ચોથો બેટ્સમેન છે.