મહારાષ્ટ્ર વિધાનસભા ચૂંટણી માટે આજે મતદાનનો દિવસ છે. સવાર સવારમાં જ મતદાન મથકો પર વીઆઈપી લોકોનો ધસારો જોવા મળી રહ્યો છે. આ બધા વચ્ચે મહાન ક્રિકેટર સચિન તેંડુલકર પણ પરિવાર સાથે મતદાન કરવા પહોંચ્યા. તેમની સાથે પુત્રી સારા તેંડુલકર અને પત્ની અંજલી તેંડુલકર પણ જોવા મળ્યા. મતદાન કર્યા બાદ સચિન તેંડુલકરે મતદારોને વધુમાં વધુ પ્રમાણમાં મતદાન કરવાની અપીલ પણ કરી.
સચિન, સારા અને અંજલીએ કર્યું મતદાન
સચિન તેંડુલકર મુંબઈના બાંદ્રા વેસ્ટ સેન્ટર પર મતદાન કરવા માટે પહોંચ્યા. તેમની સાથે પત્ની અંજલી તેંડુલકર અને પુત્રી સારા તેંડુલકર પણ જોવા મળ્યા. સચિન તેંડુલકરને જોઈને આસપાસ હાજર ફેન્સ પણ તેમને મળવા માટે ઉત્સુક જોવા મળ્યા. અત્રે જણાવવાનું કે સચિન તેંડુલકર ચૂંટણી પંચ (ઈલેક્શન કમિશન)ના નેશનલ આઈકન છે.
#WATCH | Mumbai: Former Indian Cricketer Sachin Tendulkar, his wife Anjali Tendulkar and their daughter Sara Tendulkar, show their inked fingers after casting vote for #MaharashtraAssemblyElections2024 pic.twitter.com/ZjHix46qmb
— ANI (@ANI) November 20, 2024
મતદારોને અપીલ
મતદાન કર્યા બાદ સચિન તેંડુલકરે મતદારોને વધુમાં વધુ પ્રમાણમાં મતદાન કરવાની અપીલ કરી. તેમણે કહ્યું કે હું એમ કહીશ કે આવો અને મતદાન કરો. આ આપણી જવાબદારી છે. કારણ કે હું ECI નો આઈકન છું તો એ અપીલ કરું છું કે આવો અને મત આપો. અહીં સુવિધાઓ પણ સારી છે. ઓર્ગેનાઈઝર્સે અહીં સારી સુવિધાઓ કરી છે. હું આશા રાખુ છું કે ફક્ત અહીં જ નહીં પરંતુ દરેક સેન્ટર પર મતદાન દરમિયાન સારી સુવિધાઓ રહે અને કોઈને કોઈ તકલીફ ન પડે. આવો અને મતદાન અવશ્ય ક રો.
VIDEO | Maharashtra elections: Indian cricket legend and also the Election Commission of India icon Sachin Tendulkar (@sachin_rt), his wife Anjali Tendulkar, and daughter Sara Tendulkar cast vote in Bandra West, Mumbai. Here's what he said.
"I would like to appeal people to… pic.twitter.com/AuKwqk4jLv
— Press Trust of India (@PTI_News) November 20, 2024
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
Newsletter
