IPL એલિમિનેટરમાં આ શ્રીલંકન ખેલાડી ગુજરાત ટાઈટન્સની બદલશે ગેમ, જાણો કેવી રહેશે GT-MIની પ્લેઇંગ 11

MI vs GT Elimintor IPL 2025: આ મેચ માટે બંને ટીમોના પ્લેઇંગ-11માં ફેરફાર થવાના છે. જોસ બટલર, કાગીસો રબાડા જેવા ખેલાડીઓ સ્વદેશ પરત ફર્યા છે અને ગુજરાત ટાઇટન્સને પ્લેઓફમાં તેમની ખોટ સાલશે. ગુજરાત ટાઇટન્સની જેમ મુંબઈ ઇન્ડિયન્સને પણ વિદેશી ખેલાડીઓના જવાથી નુકસાન થયું છે.

GT vs MI Playing XI, IPL 2025 Eliminator: ગુજરાત ટાઇટન્સ (GT) અને મુંબઈ ઇન્ડિયન્સ (MI) શુક્રવારે (30 મે) ઇન્ડિયન પ્રીમિયર લીગ (IPL) 2025 ના એલિમિનેટરમાં ટકરાશે. એલિમિનેટરમાં હારનારી ટીમ સ્પર્ધામાંથી બહાર થઈ જશે, જ્યારે વિજેતા ટીમને બીજા ક્વોલિફાયરમાં પંજાબ કિંગ્સ (PBKS) સામે રમવાની તક મળશે. આ મેચ મુલ્લાનપુરના મહારાજા યાદવિન્દ્ર સિંહ ઇન્ટરનેશનલ ક્રિકેટ સ્ટેડિયમ ખાતે સાંજે 7.30 વાગ્યે શરૂ થશે.

ખરાબ શરૂઆત હોવા છતાં મુંબઈ ઇન્ડિયન્સની ટીમ પ્લેઓફમાં જગ્યા બનાવવામાં સફળ રહી. જ્યારે, ગુજરાત ટાઇટન્સે છેલ્લા ચાર સીઝનમાં ત્રીજી વખત પ્લેઓફમાં જગ્યા બનાવી છે અને આ સમય દરમિયાન 2022 માં તેમની ડેબ્યૂ સીઝનમાં ટાઇટલ પણ જીત્યું છે. જો કે, શુભમન ગિલ અને હાર્દિક પંડ્યા બંને પાસે ઘણું સાબિત કરવાનું છે.

Kaptaan ready to unleash ⚡ in the playoffs! 💪 pic.twitter.com/zbMue0nkgx

— Gujarat Titans (@gujarat_titans) May 28, 2025

જો ગુજરાત ટાઇટન્સ ટાઇટલ જીતે છે, તો ભારતના નવનિયુક્ત ટેસ્ટ કેપ્ટન ગિલની કેપ્ટન તરીકે વિશ્વસનીયતા વધુ મજબૂત થશે. હાર્દિક પંડ્યાએ ગયા વર્ષે ટીમમાં વાપસી પર હૂટિંગનો સામનો કર્યા બાદ ચાહકોનો પ્રેમ પાછો મેળવ્યો છે અને IPL ટ્રોફી સાથે તે ફ્રેન્ચાઇઝીના મહાન ખેલાડીઓની યાદીમાં પોતાનું સ્થાન મજબૂત કરશે. જોકે, બંને કેપ્ટનોએ ટાઇટલની શોધમાં તેમની સામેના મુદ્દાઓનો ઉકેલ શોધવો પડશે.

પ્લેઇંગ-11માં મોટા ફેરફારો થશે
જો જોવામાં આવે તો આ મેચ માટે બંને ટીમોના પ્લેઇંગ-11માં ચોક્કસ ફેરફાર થશે. જોસ બટલર, કાગીસો રબાડા જેવા ખેલાડીઓ સ્વદેશ પરત ફર્યા છે અને ગુજરાત ટાઇટન્સ પ્લેઓફમાં તેમની ખોટ સાલશે. બટલરના વિકલ્પ તરીકે ટીમે શ્રીલંકાના વિકેટકીપર બેટ્સમેન કુસલ મેન્ડિસને ટીમમાં સામેલ કર્યો છે અને તે આ મેચમાં રમતા જોઈ શકાય છે.

ગુજરાત ટાઇટન્સની જેમ મુંબઈ ઇન્ડિયન્સને પણ વિદેશી ખેલાડીઓના જવાથી નુકસાન થયું છે. રાયન રિકેલ્ટને રોહિત શર્મા સાથે ટોપ ઓર્ડરમાં સારું પ્રદર્શન કર્યું છે, પરંતુ દક્ષિણ આફ્રિકાનો બેટ્સમેન હવે રાષ્ટ્રીય ટીમમાં જોડાઈ ગયો છે. ઇંગ્લેન્ડના બેટ્સમેન વિલ જેક્સ અને દક્ષિણ આફ્રિકાના ઓલરાઉન્ડર કોર્બિન બોશ સાથે પણ આવું જ થયું છે.

એવામાં, મુંબઈ ઇન્ડિયન્સે ઇંગ્લેન્ડની ટીમમાંથી બહાર રહેલા બેટ્સમેન જોની બેયરસ્ટો, તેના સાથી દેશી ફાસ્ટ બોલર રિચાર્ડ ગ્લીસન અને શ્રીલંકાના બેટ્સમેન ચરિત અસલંકાનો સમાવેશ કર્યો છે. જોની બેયરસ્ટો એલિમિનેટરમાં રોહિત શર્મા સાથે ઇનિંગની શરૂઆત કરી શકે છે. જ્યારે, ચરિથ અસલંકા મધ્યમ ક્રમમાં રમતા જોઈ શકાય છે.

આ મેચ પહેલા ગુજરાત ટાઇટન્સ વધુ ચિંતિત રહેશે કારણ કે તેણે પ્લેઓફ પહેલા લય ગુમાવી દીધી છે. ટીમે પોતાની છેલ્લી બે મેચ દરમિયાન વિરોધી ટીમોને 465 રન બનાવવા દીધા હતા અને પ્લેઓફમાં તેમણે બોલ સાથે વધુ સારું પ્રદર્શન કરવું પડશે. ટીમના ફાસ્ટ બોલિંગ આક્રમણના લીડર મોહમ્મદ સિરાજે પાવરપ્લેમાં ટીમને સફળતા અપાવવી પડશે.

ડાબા હાથના ફાસ્ટ બોલર અરશદ ખાનને નવા બોલ સાથે સંઘર્ષ કરવો પડ્યો છે, જેના કારણે ગુજરાત ટાઇટન્સની સમસ્યાઓ વધી છે અને પ્રસિદ્ધ કૃષ્ણ જેવા બોલરો પર દબાણ વધ્યું છે, જે વર્તમાન સિઝનમાં 23 વિકેટ સાથે ટીમ માટે ટ્રમ્પ કાર્ડ સાબિત થયા છે. ફાસ્ટ બોલિંગ વિભાગમાં નબળાઈઓ ઉપરાંત સ્પિન ઓલરાઉન્ડર રાશિદ ખાનની બિનઅસરકારકતાએ બોલિંગમાં ટીમની મુશ્કેલીઓમાં વધારો કર્યો છે.

⚠️ Storm alert: Siraj’s steaming in ⚡ pic.twitter.com/XYeE9nXjQ3

— Gujarat Titans (@gujarat_titans) May 28, 2025

બેટિંગ વિભાગમાં ટોચના ત્રણ બેટ્સમેન સાઈ સુદર્શન, ગિલ અને જોસ બટલરે ટીમને પ્લેઓફમાં પહોંચાડવામાં મહત્વપૂર્ણ ભૂમિકા ભજવી હતી. ગુજરાત ટાઇટન્સના મિડલ ઓર્ડરમાં શાહરૂખ ખાન અને શેરફેન રધરફોર્ડ સૌથી વિશ્વસનીય ખેલાડીઓમાં સામેલ નથી, જેના કારણે મુંબઈ ઇન્ડિયન્સ સામે ગુજરાત ટાઇટનનો રસ્તો સરળ રહેશે નહીં.

સૂર્યકુમાર પર રહેશે સૌની નજર 
સૂર્યકુમાર યાદવે મુંબઈ ઈન્ડિયન્સ માટે બેટિંગમાં સતત સારું પ્રદર્શન કર્યું છે અને તેણે ચાલુ સિઝનમાં 640 રન બનાવ્યા છે. જો તે નિષ્ફળ જાશે તો મુંબઈનો રસ્તો ખૂબ જ મુશ્કેલ બની જશે. મુંબઈના બેટ્સમેન પહેલા બેટિંગ કરતી વખતે જે રન રેટથી રન બનાવી રહ્યા છે તે પણ ચિંતાનું કારણ છે અને હાર્દિકે આના પર ધ્યાન આપવાની જરૂર છે. મિડલ ઓર્ડરમાં તિલક વર્માનું નબળું પ્રદર્શન પણ મુંબઈ માટે ચિંતાનું કારણ છે. જોકે, બોલિંગ મુંબઈની મજબૂત કડી રહી છે. જસપ્રીત બુમરાહ અને ટ્રેન્ટ બોલ્ટ જેવા બોલરોના નેતૃત્વમાં મુંબઈના બોલરો વિરોધી ટીમને ખૂબ જ પરેશાન કરી રહ્યા છે.

ગુજરાત ટાઇટન્સના સંભવિત પ્લેઇંગ 11: 
સાઈ સુદર્શન, શુભમન ગિલ, કુસલ મેન્ડિસ (વિકેટકીપર), શેરફેન રધરફોર્ડ, રાહુલ તેવતિયા, શાહરુખ ખાન, રાશિદ ખાન, આર. સાઈ કિશોર, ગેરાલ્ડ કોટઝી, મોહમ્મદ સિરાજ, પ્રસિદ્ધ કૃષ્ણા.

મુંબઈ ઈન્ડિયન્સના સંભવિત પ્લેઈંગ 11: 
જોની બેયરસ્ટો (વિકેટકીપર), રોહિત શર્મા, ચરિથ અસલંકા, સૂર્યકુમાર યાદવ, તિલક વર્મા, હાર્દિક પંડ્યા, નમન ધીર, મિશેલ સેન્ટનર, દીપક ચહર, ટ્રેન્ટ બોલ્ટ, જસપ્રીત બુમરાહ.

ફેન્ટસી ઈલેવનમાં આ શ્રેષ્ઠ ખેલાડીઓ હશે: 
જોની બેયરસ્ટો, સાઈ સુદર્શન, શુભમન ગિલ, સૂર્યકુમાર યાદવ, શેરફેન રધરફોર્ડ, ચરિથ અસલંકા, હાર્દિક પંડ્યા, ટ્રેન્ટ બોલ્ટ, જસપ્રીત બુમરાહ, મોહમ્મદ સિરાજ, પ્રસિદ્ધ કૃષ્ણ.

ઈન્ડિયન પ્રીમિયર લીગમાં ગુજરાત ટાઇટન્સ અને મુંબઈ ઈન્ડિયન્સ વચ્ચે અત્યાર સુધીમાં ૭ મેચ રમાઈ છે. આ દરમિયાન ગુજરાત ટાઇટન્સે 5 મેચ જીતી છે. જ્યારે મુંબઈ ઈન્ડિયન્સ બે મેચમાં વિજેતા બન્યું છે. વર્તમાન સિઝનમાં બંને ટીમો ત્રીજી વખત એકબીજા સામે ટકરાઈ રહી છે. આ સિઝનમાં અગાઉ બંને ટીમો વચ્ચે બે મેચ રમાઈ હતી, જેમાં ગુજરાત ટાઇટન્સે જીત મેળવી હતી.