'બ્રેકઅપ પછી પણ...', ઓવલમાં જીત બાદ સિરાજને યાદ આવ્યો પોતાનો પહેલો પ્રેમ, ગિલ સામે છલકાયું દર્દ

Mohammed Siraj Shubman Gill : સિરાજે અંતિમ ઇનિંગ્સમાં 104 રન આપીને 5 વિકેટ લીધી અને 23 વિકેટ સાથે સિરીઝમાં સૌથી વધુ વિકેટ લેનાર બોલર બન્યો. ઓવલમાં જીત બાદ સિરાજને પોતાનો પહેલો પ્રેમ યાદ આવ્યો હતો.

Mohammed Siraj Shubman Gill : મોહમ્મદ સિરાજે ભારતીય ટીમને ઓવલ ખાતે ઐતિહાસિક જીત અપાવી. જ્યારે સૌથી વધુ જરૂર હતી ત્યારે તેણે સારું પ્રદર્શન કર્યું. ઇંગ્લેન્ડને જીતવા માટે સાત રનની જરૂર હતી અને ગુસ એટકિન્સન એક છેડે ઉભો હતો. 31 વર્ષીય ફાસ્ટ બોલરે શાનદાર યોર્કર બોલ ફેંક્યો, જે એટકિન્સનના ઓફ સ્ટમ્પ પર વાગ્યો. ભારતે મેચ છ રનથી જીતી. આ ઉપરાંત સિરીઝ પણ 2-2થી બરાબર થઈ.

સિરાજનું શાનદાર પ્રદર્શન અને તેનો જુસ્સો

સિરાજે છેલ્લી ઇનિંગમાં 5 વિકેટ લીધી અને 104 રન આપ્યા અને 23 વિકેટ સાથે સિરીઝમાં સૌથી વધુ વિકેટ લેનાર બોલર બન્યો. ભારતીય ખેલાડીઓના સેલિબ્રેશન વચ્ચે સિરાજે કહ્યું, "હું આ ટેસ્ટને ખૂબ જ રેટ કરીશ. તે એક અદ્ભુત લડાઈ હતી. ડ્રેસિંગ રૂમમાં ઘણો વિશ્વાસ હતો કે આપણે જીતીશું." 

'આ ફક્ત મારી સાથે જ કેમ થાય છે?' મારી સાથે જ કેમ થાય છે? 

આ સિરીઝમાં સિરાજ માટે બધું સારું નહોતું. લોર્ડ્સમાં 22 રનથી હારમાં તે આઉટ થનારો છેલ્લો હતો. આ ટેસ્ટના ચોથા દિવસે તેણે હેરી બ્રુકનો કેચ પકડ્યો પરંતુ ભૂલથી બાઉન્ડ્રીને પગ અડી ગયો, જેના કારણે 6 રન આવ્યા. ત્યાર બાદ બ્રુકે 111 રન બનાવ્યા. મેચના અંતે પત્રકારો સાથે વાત કરતા, સિરાજે કહ્યું, "લોર્ડ્સ, હેરી બ્રુકનો કેચ...આવું ફક્ત મારી સાથે જ કેમ થાય છે ? ભગવાને મારા માટે કંઈક સારું વિચાર્યું હશે."

રોનાલ્ડોથી મળી પ્રેરણા

પાંચમા દિવસે પ્રસિદ્ધ કૃષ્ણાની પહેલી ઓવરમાં બે ચોગ્ગા આવ્યા બાદ ઈંગ્લેન્ડ ફેવરિટ દેખાતું હતું. આ પછી સિરાજે ટીમને મેચમાં વાપસી કરાવી અને જેમી સ્મિથને આઉટ કરાવ્યો. તેણે જેમી ઓવરટનને LBW આઉટ કર્યો અને અંતે એટકિન્સનને બોલ્ડ કર્યો. પાંચમી ટેસ્ટના અંતિમ દિવસની તૈયારી કરતા સિરાજે ખુલાસો કર્યો કે તેને શું પ્રેરણા મળી. સિરાજે કહ્યું, "હું સવારે 6 વાગ્યે ઉઠ્યો, ગૂગલ પરથી ફોટો ડાઉનલોડ કર્યો અને તેને મારા ફોનના વોલપેપરમાં રાખ્યો." ફાસ્ટ બોલરે ક્રિસ્ટિયાનો રોનાલ્ડોની એક તસવીરનો ખુલાસો કર્યો જેમાં શબ્દો હતા - બિલીવ.

સિરાજને સાંભળીને બધા હસી પડ્યા

સિરાજે કહ્યું, "ગઈકાલે અમને ગતિ મળી હતી અને આજે જ મેચ સમાપ્ત કરવાનું વિચારી રહ્યા હતા." મેચના ચોથા દિવસે, અમ્પાયરોએ ખરાબ લાઈટના કારણે વહેલા સ્ટમ્પ જાહેર કરી દીધા. સિરાજે મજાકમાં કહ્યું, "છેલ્લી વિકેટ લીધા પછી તે ભાવનાત્મક ક્ષણ હતી, પરંતુ ડીકે ભાઈ (દિનેશ કાર્તિક) આવ્યા અને અંગ્રેજીમાં પ્રશ્નો પૂછવા લાગ્યા." સિરાજે આટલું કહ્યા પછી બધા હસવા લાગ્યા.

સિરાજનું દર્દ છલકાયું!

સિરાજે આખી સિરીઝ વિશે એક જ વાક્યમાં કહ્યું, "હાર દુઃખદાયક છે...બ્રેકઅપ પછી પણ દુઃખ થાય છે." આ બોલતાની સાથે જ લોકોને લાગ્યું કે સિરાજનું પહેલા પણ બ્રેકઅપ થઈ ચૂક્યું છે અને તે તે દુઃખ જાણે છે. તેણે કેપ્ટન શુભમન ગિલની સામે આ કહીને પોતાનું દર્દ વ્યક્ત કર્યું. જો કે, તેણે આ ટેસ્ટ સિરીઝમાં મળેલી બે હાર વિશે કહ્યું હતું.