કેપ્ટન ગિલે અચાનક એવું તે શું કર્યું કે ગુસ્સે થયા ફેન્સ, સોશિયલ મીડિયા પર કર્યો ટ્રોલ

Shubman Gill : ઈંગ્લેન્ડ સામેની ટેસ્ટ શ્રેણી શરૂ થાય તે પહેલાં ટીમ ઈન્ડિયાના ખેલાડીઓનું ફોટોશૂટ ચાલી રહ્યું છે. બીસીસીઆઈએ નવા ટેસ્ટ કેપ્ટન શુભમન ગિલના ફોટોશૂટના કેટલાક ફોટા પણ શેર કર્યા છે, જેમાં તે તેના નવા એમઆરએફ બેટ સાથે જોવા મળ્યો હતો. આ ફોટામાં ફેન્સે કંઈક એવું જોયું જેના કારણે તે ટ્રોલ થઈ રહ્યો છે.

Shubman Gill New MRF Bat : ઇંગ્લેન્ડ સામેની ટેસ્ટ શ્રેણીની પહેલી મેચ 20 જૂનથી હેડિંગ્લી ખાતે રમાશે, જેના માટે ભારતીય ખેલાડીઓ નેટમાં સખત પરસેવો પાડી રહ્યા છે. શ્રેણી શરૂ થાય તે પહેલાં ટીમ એક ઇન્ટ્રા-સ્ક્વોડ મેચ પણ રમશે. ભારતનો આ ઇંગ્લેન્ડ પ્રવાસ ફક્ત ટીમ ઇન્ડિયા માટે એક નવા યુગની શરૂઆત જ નહીં, પણ ગિલની ક્રિકેટ કારકિર્દીના એક નવા અધ્યાયની શરૂઆત પણ છે. 

રોહિતની ટેસ્ટમાંથી નિવૃત્તિ પછી, ગિલને નવો કેપ્ટન બનાવવામાં આવ્યો છે. આશા છે કે તે આ જવાબદારી સારી રીતે નિભાવશે. હકીકતમાં શ્રેણી શરૂ થાય તે પહેલાં, ગિલના MRF બેટનું સ્ટીકર ચર્ચાનો વિષય બન્યું, જેના કારણે સોશિયલ મીડિયા પર હંગામો મચી ગયો. તાજેતરના ફોટોશૂટમાં, એવું જોવા મળ્યું કે MRF જીનિયસની સાથે, તેના બેટ પર 'પ્રિન્સ' પણ લખેલું છે. ફેન્સે આ માટે તેને ટ્રોલ કર્યો છે.

સોશિયલ મીડિયા પર ટ્રોલ થયો

જેમ ફેન્સે દિગ્ગજ ભારતીય બેટ્સમેન વિરાટ કોહલીને 'કિંગ'નો ટેગ આપ્યો હતો, તેવી જ રીતે ફેન્સ ગિલને 'પ્રિન્સ' પણ કહે છે. જોકે, ફેન્સના એક વર્ગને ગિલના બેટ પર 'પ્રિન્સ' લખેલું જોવાનું ગમ્યું નહીં, જેના પછી તે સોશિયલ મીડિયા પર ટ્રોલ થયો. એક યુઝરે તો લખ્યું, 'શુભમન ગિલ, તમને કોણે પ્રિન્સ કહ્યો ? કહેવાતા 'ઈન્ડિયન ક્રિકેટ ટીમના પ્રિન્સ' જેનો SENA રેકોર્ડ પણ ખરાબ છે. ટેસ્ટ એવરેજ 35થી ઓછી છે અને તેની આંતરરાષ્ટ્રીય કારકિર્દીના 5 વર્ષ પછી પણ, બધા ફોર્મેટમાં વિદેશી સદી નથી.'

𝗙𝗼𝗹𝗸𝘀 - 𝘆𝗼𝘂𝗿 𝗧𝗲𝘀𝘁 𝗰𝗮𝗽𝘁𝗮𝗶𝗻, 𝗦𝗵𝘂𝗯𝗺𝗮𝗻 𝗚𝗶𝗹𝗹 #TeamIndia | #ENGvIND | @ShubmanGill pic.twitter.com/dhmc9m6apU

— BCCI (@BCCI) June 11, 2025

સચિન-વિરાટનું ઉદાહરણ

ફેન્સે સચિન તેંડુલકર અને વિરાટ કોહલીનું ઉદાહરણ આપતા કહ્યું કે સચિન તેંડુલકરે ક્યારેય પોતાના બેટના સ્ટીકર પર 'ભગવાન' લખ્યું નથી. જ્યારે વિરાટ કોહલીએ ક્યારેય પોતાના બેટના સ્ટીકર પર 'કિંગ' લખ્યું નથી. તમને જણાવી દઈએ કે ફેન્સ સચિન તેંડુલકરને 'ક્રિકેટનો ભગવાન' કહે છે, જ્યારે વિરાટ કોહલીને 'કિંગ' કહેવામાં આવે છે. જોકે, Zee 24 Kalak પુષ્ટિ કરતું નથી કે બેટના સ્ટીકરમાં જીનિયસ સાથે પ્રિન્સનો ઉપયોગ કરવાનો નિર્ણય ગિલનો હતો કે MRFનો.