ગુજરાત-હૈદરાબાદ મેચમાં બબાલ...અમ્પાયર પર ગુસ્સે થયો શુભમન ગિલ, જાણો શું છે કારણ

Shubman Gill Run Out Controversy : સનરાઇઝર્સ હૈદરાબાદ સામેની મેચમાં ગુજરાત ટાઇટન્સના કેપ્ટન શુભમન ગિલે શાનદાર બેટિંગ કરી હતી. જો કે, તેના રન આઉટને લઈને વિવાદ થયો હતો. આ નિર્ણયથી નાખુશ ગિલ પોતે પેવેલિયન પરત ફરતી વખતે અમ્પાયર સાથે બબાલ કરી હતી.

Shubman Gill Run Out Controversy : IPL 2025ની 51મી મેચ અમદાવાદના નરેન્દ્ર મોદી સ્ટેડિયમ ખાતે રમાઈ હતી. સનરાઇઝર્સ હૈદરાબાદ અને ગુજરાત ટાઇટન્સ વચ્ચે રમાયેલી આ મેચમાં શુભમન ગિલે 76 રનની જોરદાર ઇનિંગ રમી હતી. તેણે આ રન 38 બોલમાં 200ના સ્ટ્રાઇક રેટથી બનાવ્યા. ગિલને ઇનિંગની 13મી ઓવરમાં રન આઉટ આપવામાં આવ્યો. જોકે, અમ્પાયરનો આ નિર્ણય વિવાદાસ્પદ બન્યો. ગિલ ડગઆઉટ પર પહોંચ્યો અને અમ્પાયર સાથે ઝઘડો કર્યો અને દલીલ કરવા લાગ્યો.

રન આઉટ પર હોબાળો

સનરાઇઝર્સ હૈદરાબાદ સામે રન આઉટ આપ્યા બાદ ગુસ્સે ભરાયેલા શુભમન ગિલે અમ્પાયર સાથે દલીલ કરી. ગિલને ઇનિંગની 13મી ઓવરના છેલ્લા બોલ પર રન આઉટ આપવામાં આવ્યો. જોસ બટલર ઝીશાન અંસારીના બોલને શોર્ટ ફાઇન લેગ તરફ રમ્યો અને સિંગલ માટે બંને દોડ્યા, હર્ષલ પટેલે ઝડપથી બોલ સ્ટ્રાઈકર તરફ ફ્લેટ થ્રો માર્યો. ગિલ ક્રીઝ સુધી પહોંચી શક્યો નહીં. ગિલ ક્રીઝની બહાર હતો તેમાં કોઈ શંકા નહોતી, પરંતુ વિકેટકીપર હેનરિક ક્લાસેનના ગ્લવ બોલ પહેલા સ્ટમ્પને અડ્યા હતા કે કેમ તે મુદ્દે બબાલ થઈ હતી. 

What's your take? 👇✍🏻#ShubmanGill seen having a word with the umpire after being given out by the third umpire on a tight call! 👀

Watch the LIVE action ➡ https://t.co/RucOdyBVUf#IPLonJioStar 👉 #GTvSRH | LIVE NOW on SS-1, SS- 1 Hindi & JioHotstar! pic.twitter.com/TPiALXJu8O

— Star Sports (@StarSportsIndia) May 2, 2025

ગિલે અમ્પાયર સાથે ઝઘડો કર્યો

વિકેટકીપર હેનરિક ક્લાસેને ગિલને જે રીતે રન આઉટ કર્યો તે ખૂબ જ નજીકનો મામલો હતો કારણ કે વિકેટકીપરના ગ્લોવ્સ અને બોલ એક જ સમયે સ્ટમ્પની નજીક હતા. થર્ડ અમ્પાયરે તપાસ કરી કે બેઇલ્સ ક્લાસેનના ગ્લવ્સથી પડી હતી કે બોલથી. ઘણા રિપ્લે અને એંગલ જોયા પછી અમ્પાયરે બોલ સ્ટમ્પને વાગ્યો હોવાનું તારણ કાઢ્યું. અમ્પાયરે ફિલ્ડિંગ ટીમની તરફેણમાં પોતાનો નિર્ણય આપ્યો. પરંતુ ગિલ આ નિર્ણયથી ગુસ્સે દેખાયો હતો. જોકે, તેની પાસે પેવેલિયન પાછા ફરવા સિવાય કોઈ વિકલ્પ નહોતો. તેણે ઓન-ફિલ્ડ અમ્પાયરને કંઈ કહ્યું નહીં, પરંતુ ડગઆઉટ પર પહોંચ્યા પછી, ગિલ ટીવી અમ્પાયર માઈકલ ગફ સાથે દલીલ કરતો જોવા મળ્યો.

Shubman Gill was not out but third umpire gave him out🙂💔

- Gill Is Sooo Unlucky...!! pic.twitter.com/HzpHFPXYwg

— Gillfied⁷ (@Gill_Iss) May 2, 2025

ગિલે શાનદાર ઇનિંગ્સ રમી

શુભમને મેચમાં શાનદાર બેટિંગ કરી. તેણે 38 બોલમાં 76 રનની ઇનિંગ દરમિયાન કેટલાક બેસ્ટ શોટ રમ્યા. શુભમને તેની ઇનિંગમાં 10 ચોગ્ગા અને 2 છગ્ગા ફટકાર્યા હતા. ગિલે માત્ર 25 બોલમાં પોતાની અડધી સદી પૂરી કરી. તેણે સાઈ સુદર્શન સાથે પ્રથમ વિકેટ માટે 87 રન ઉમેર્યા, સુદર્શને 23 બોલમાં 48 રનની આક્રમક ઇનિંગ રમી હતી. આ પછી ગિલે જોસ બટલર સાથે મળીને 52 રન ઉમેર્યા અને ગુજરાતને 200થી વધુ રન બનાવવામાં મોટી ભૂમિકા ભજવી. આ ઇનિંગ સાથે ગિલે સિઝનમાં 10 મેચમાં 465 રન બનાવ્યા છે. તે ઓરેન્જ કેપની યાદીમાં સાઈ સુદર્શન અને સૂર્યકુમાર યાદવ પછી ત્રીજા સ્થાને છે.