ખેલ રત્ન મળવાથી ગદગદ રોહિત શર્મા, યૂએઈથી પ્રશંસકો માટે શેર કર્યો વીડિયો

ફેન્સ વચ્ચે હિટમેનના નામથી જાણીતા રોહિત શર્માને રાજીવ ગાંધી ખેલ રત્ન એવોર્ડ માટે પસંદ કરવામાં આવ્યો છે. આ માટે રોહિતે પોતાના ફેન્સનો આભાર માન્યો છે.

દુબઈઃ ભારતીય ટીમના દિગ્ગજ બેટ્સમેન રોહિત શર્મા (Rohit Sharma)ની દેશના સર્વોચ્ચ ખેલ પુરસ્કાર રાજીવ ગાંધી ખેલ રત્ન એવોર્ડ માટે પસંદગી થઈ છે. આ ખાસ તકે એકતરફ દિગ્ગજોએ રોહિત શર્માને શુભેચ્છા આપી છે તો બીજીતરફ રોહિતે એક વીડિયો શેર કરીને પોતાના પ્રશંસકોનો આભાર માન્યો છે. મહત્વનું છે કે હિટમેન હાલ આઈપીએલ-2020 રમવા માટે યૂએઈમાં છે. 

રોહિતે આ રીતે માન્યો ફેન્સનો આભાર
રોહિતે પોતાના ફેન્સનો આભાર વ્યક્ત કરતા કહ્યું- અત્યાર સુધી આ સફર શાનદાર રહી છે અને આ પ્રકારનો ખેલ પુરસ્કાર મળવો ખરેખર ગૌરવની વાત છે. હું તે માટે ખુશ છું અને આ તમારા બધાના કારણે મળ્યો છે. તમારા સમર્તન વગર આ સંભવ ન થાત. 

જુઓ રોહિતનો વીડિયો

Thank you for all your wishes and lots of love. pic.twitter.com/vbKaTbfwd7

— Rohit Sharma (@ImRo45) August 22, 2020

વિરાટ કોહલીએ આપી શુભેચ્છા
વિરાટ કોહલીએ રોહિત, ઇશાંત શર્મા અને દીપ્તિ શર્માને શુભેચ્છા આપતા ટ્વીટ કર્યું છે. તેણે લખ્યું- રોહિતને ખેલ રત્ન અને ઇશાંત-દીપ્તિને અર્જુન એવોર્ડ માટે શુભેચ્છાઓ. દરેક ખેલાડી માટે આ ગૌરવની ક્ષણ છે. 

Congratulations @ImIshant and @ImRo45 for your respective Arjuna and Khel Ratna Awards 👏 and to @Deepti_Sharma06 for her Arjuna Award as well. 💪 Big congratulations to all the other winners across different sports. Proud moment to remember for each sportsperson.

— Virat Kohli (@imVkohli) August 22, 2020