લાહોરમાં તિરંગો લઈને સ્ટેડિયમ પહોંચ્યો ફેન...પાકિસ્તાની સુરક્ષાકર્મીઓએ કરી નાપાક હરકત, Video થયો વાયરલ

Tiranga controversy : ચેમ્પિયન્સ ટ્રોફી 2025નું આયોજન આ વખતે પાકિસ્તાનમાં કરાયું છે. ટૂર્નામેન્ટની મેચો રાવલપિંડી, કરાચી અને લાહોરમાં રમાઈ રહી છે. જો કે, સુરક્ષાના કારણોસર ભારતીય ટીમ પાકિસ્તાન ગઈ નથી. તેમ છતાં પાકિસ્તાનમાં પણ ભારતીય ચાહકોની કોઈ કમી નથી.

Tiranga controversy : પાકિસ્તાને 29 વર્ષ બાદ કોઈ ICC ઈવેન્ટનું આયોજન કર્યું છે. તેના ત્રણ શહેરોમાં ચેમ્પિયન્સ ટ્રોફી મેચોનું આયોજન કરાયું છે. ટૂર્નામેન્ટની મેચો રાવલપિંડી, કરાચી અને લાહોરમાં રમાઈ રહી છે. આઠ ટીમોની આ ટૂર્નામેન્ટમાં સુરક્ષાને કારણે ભાગ લેવા માટે ભારતીય ક્રિકેટ ટીમ પાકિસ્તાન ગઈ નથી. જો કે ટીમ ઈન્ડિયા પાકિસ્તાન નથી ગઈ, પરંતુ લાહોરમાં પણ ચાહકોની કોઈ કમી નથી.

લાહોરનો વીડિયો થયો વાયરલ 

લાહોરથી એક વીડિયો સામે આવ્યો છે, જેમાં ભારતીય ચાહકો સાથે ખરાબ વર્તન કરવામાં આવ્યું છે. ફેન્સને સ્ટેડિયમની બહાર કાઢી મુકવામાં આવ્યો હતો. સોશિયલ મીડિયા પર આ વીડિયો વાયરલ થતા જ પાકિસ્તાનની મજાક ઉડી રહી છે. લોકો પાકિસ્તાનના ઈરાદા પર સવાલ ઉઠાવી રહ્યા છે. લોકોએ આ ઘટનાનો વિરોધ કર્યો છે અને સોશિયલ મીડિયા પ્લેટફોર્મ 'X' પર ટેગ કરીને પાકિસ્તાન ક્રિકેટ બોર્ડની ટીકા કરી રહ્યા છે.

તિરંગા સાથે સ્ટેડિયમ પહોંચ્યો ફેન

ચેમ્પિયન્સ ટ્રોફીની મેચ ઓસ્ટ્રેલિયા અને ઈંગ્લેન્ડ વચ્ચે લાહોરમાં રમાઈ હતી. આ મેદાન પર ટૂર્નામેન્ટની આ પ્રથમ મેચ હતી. મેચમાં બંને ટીમોએ 350થી વધુ રન બનાવ્યા હતા. વર્લ્ડ ચેમ્પિયન ઓસ્ટ્રેલિયાએ મેચ જીતી લીધી હતી. આ મેચ દરમિયાન લોકોનું ધ્યાન એક પ્રશંસક પર પડ્યું. તેના હાથમાં ત્રિરંગો હતો. તે હાથમાં તિરંગો લઈને લાહોરમાં ઓસ્ટ્રેલિયા-ઈંગ્લેન્ડની મેચ જોઈ રહ્યો હતો.

A Young Guy arrested and beaten inside Lahore stadium for having Indian Flag 🇮🇳
pic.twitter.com/CciTVz3fGt

— Ghar Ke Kalesh (@gharkekalesh) February 25, 2025

અધિકારીઓની શરમજનક હરકત

લાહોરના ગદ્દાફી સ્ટેડિયમમાં એક પ્રશંસકના હાથમાં ત્રિરંગો જોઈને પાકિસ્તાનના સુરક્ષા અધિકારીઓ ગુસ્સે થયા હતા અને તરત જ તેની પાસે પહોંચી ગયા હતા. અધિકારીઓએ પહેલા પ્રશંસકને ધમકાવ્યો અને પછી તેને સ્ટેડિયમની બહાર ખેંચીને લઈ જવા લાગ્યા. આ જોઈને બધાને નવાઈ લાગી. એક અધિકારીએ ફેન્સનો શર્ટ પકડી રાખ્યો હતો અને બીજાએ હાથમાં ત્રિરંગો લીધો હતો. આ વીડિયો સોશિયલ મીડિયા પર વાયરલ થતા જ હોબાળો મચી ગયો હતો અને લોકો પાકિસ્તાનની ટીકા કરી રહ્યા હતા.

ત્રિરંગાને લઈને વિવાદ થયો હતો

પાકિસ્તાન આ ટૂર્નામેન્ટમાં ત્રિરંગાથી એટલો ડરી ગયો છે કે તે પહેલા પણ ખરાબ હરકત કરી ચૂક્યું છે. તેણે ટૂર્નામેન્ટની શરૂઆત પહેલા પોતાના મેદાન પર તિરંગો લગાવ્યો ન હતો. હકીકતમાં પાકિસ્તાન ICC ઈવેન્ટનું યજમાન છે અને નિયમો અનુસાર તેણે ભાગ લેનારા તમામ દેશોના રાષ્ટ્રધ્વજને જગ્યા આપવી જોઈતી હતી. જો કે, બાદમાં પાકિસ્તાનને તિરંગો લગાવવો પડ્યો હતો.