નીરજ ચોપડા પર ઇનામોનો વરસાદ ચાલુ! IPLની વિજેતા ટીમે આપ્યા એક કરોડ અને સ્પેશિયલ જર્સી

નવી દિલ્હી: ટોક્યો ઓલિમ્પિક્સ (Tokyo Olympics)માં ભારતને એકમાત્ર ગોલ્ડ મેડલ અપાવનાર નીરજ ચોપડાને સમ્માનિક કરવાનો પ્રવાહ હજુ ચાલું જ છે. ગત દિવસોમાં નીરજ ચોપડાને આનંદ મહિન્દ્રા તરફથી એક કાર મળી હતી, હવે ચેન્નાઈ સુપર કિંગ તરફથી 1 કરોડ રૂપિયાની ભેટ મળી ગઈ છે. ચેન્નાઈ સુપર કિંગે પોતાના ટ્વીટર એકાઉન્ટ પર આ જાણકારી આપી છે.

મહેન્દ્ર સિંહ ધોનીની ટીમ ચેન્નાઈ સુપર કિંગે હાલમાં જ IPLનો કપ જીત્યો છે. જ્યારે નીરજ ચોપડાએ ટોક્યો ઓલિમ્પિક્સમાં ત્રિરંગો લહેરાવ્યો હતો. ત્યારે CSK તરફથી જાહેરાત કરવામાં આવી હતી કે નીરજ ચોપડાને એક કરોડ રૂપિયા આપશે.

હવે નિવેદનમાં કહેવામાં આવ્યું છે કે ચેન્નાઈ સુપર કિંગ ક્રિકેટ લિમિટેડએ ગોલ્ડ મેડાલિસ્ટ નીરજ ચોપડાને એક કરોડ રૂપિયાની ભેટ આપી છે, રવિવારે નવી દિલ્હીમાં આ ભેટ નીરજ ચોપડાને આપવામાં આવી છે.

The one with the Golden boy @Neeraj_chopra1 ! Super happy to hand our 💛 to the arms that made us proud!
Read : https://t.co/qiiw18aLH6#WhistlePodu #Yellove 🦁 pic.twitter.com/rMpHwWD2F7

— Chennai Super Kings - Mask P😷du Whistle P🥳du! (@ChennaiIPL) October 31, 2021

CSK તરફથી એક સ્પેશિયલ જર્સી પણ નીરજ ચોપડાને આપવામાં આવી છે, જેના પર 8758 નંબર લખેલો છે. તમને જણાવી દઈએ કે નીરજ ચોપડાએ 87.58 મીટર દૂર ભાલો ફેંકીને પોતાનો ગોલ્ડ મેડલ પાક્કો કર્યો હતો.

નીરજ ચોપડાએ આ અવસરે જણાવ્યું છે કે છેલ્લા બે મહીનામાં તેમણે દેશવાસીઓ તરફથી ઘણું સમ્માન અને પ્રેમ મળ્યો છે. તેમણે આશા છે કે આગામી સમયમાં પણ તેઓ આ પ્રકારની મહેનત ચાલું રાખશે અને દેશ માટે સારું પરિણામ  મેળવતા રહેશે.

અત્રે નોંધનીય છે કે ગત દિવસોમાં નીરજ ચોપડાને મહિન્દ્રા ગ્રુપ તરફથી એક નવી નકોર કારની ભેટ મળી છે. નીરજ ચોપડાએ ટ્વીટ કરીને આનંદ મહિન્દ્રાનો આભાર માન્યો હત. મહિન્દ્રા ગ્રુપ તરફથી નીરજ ચોપડા સિવાય સિમિત અંતિલને પણ કાર ભેટમાં આપવામાં આવી છે.