300મા વનડે મેચમાં કોહલીએ બનાવ્યો મહાન રેકોર્ડ, દુનિયાનો કોઈ સુરમા હજુ કરી શક્યો નથી

Virat Kohli 300th ODI: વિરાટ કોહલીએ ન્યૂઝીલેન્ડ સામેની ચેમ્પિયન્સ ટ્રોફીની મેચમાં મેદાનમાં ઉતરતાની સાથે જ એક મોટી ઉપલબ્ધિ હાંસલ કરી હતી. આ તેની ODI ફોર્મેટમાં 300મી મેચ છે. આ ફોર્મેટમાં 300 મેચનો આંકડો સ્પર્શનાર તે ભારતનો 7મો ક્રિકેટર બન્યો છે.

Virat Kohli 300th ODI: ચેમ્પિયન્સ ટ્રોફી 2025માં ન્યૂઝીલેન્ડ અને ભારત વચ્ચેની છેલ્લી ગ્રુપ મેચ દુબઈ ઈન્ટરનેશનલ ક્રિકેટ સ્ટેડિયમમાં યોજાઈ છે. ટીમ ઈન્ડિયાના સ્ટાર વિરાટ કોહલીની ODI ફોર્મેટમાં આ 300મી મેચ હતી. આ સાથે તે 300 ODI મેચ રમનાર 7મો ભારતીય ક્રિકેટર બન્યો છે. આ મેચમાં વિરાટ કોહલી ભલે બેટથી કમાલ ન બતાવી શક્યો હતો, પરંતુ તેમણે પોતાના નામે એક એવો મહાન રેકોર્ડ નોંધાવી લીધો છે. દુનિયાનો કોઈ બેટ્સમેન વિરાટ સિવાય આ સ્થાન સુધી પહોંચી શક્યા નથી.

સસ્તામાં આઉટ થયો વિરાટ
વિરાટ કોહલી મોટી ઇનિંગ્સ રમીને પોતાની 300મી વનડે મેચને ખાસ બનાવી શક્યો નથી. તે મેટ હેનરીના બોલ પર કેચ આઉટ થયો હતો. વિરાટે બે ચોગ્ગા સાથે 11 રન બનાવ્યા હતા. તેને આઉટ કરવા માટે વિશ્વના સર્વશ્રેષ્ઠ ફિલ્ડરોમાંના એક ગ્લેન ફિલિપ્સે કૂદકો મારી એક હાથે આશ્ચર્યજનક કેચ પકડ્યો હતો, જેને જોઈને વિરાટ પોતે પણ પોતાની આંખો પર વિશ્વાસ કરી શક્યો નહીં.

આવું કરનાર દુનિયાનો પહેલો બેટ્સમેન બન્યો
ઘણા વર્લ્ડ રેકોર્ડ પોતાના નામે કરી ચૂકેલા વિરાટ કોહલીએ ODI ફોર્મેટમાં 300 મેચ રમવાની સિદ્ધિ હાંસલ કરી છે. આ મેચ સાથે તેમણે એક મોટો રેકોર્ડ પણ પોતાના નામે કરી લીધો છે. કોહલી 300 ODIની સાથે ઓછામાં ઓછી 100 ટેસ્ટ અને 100 T20 આંતરરાષ્ટ્રીય મેચ રમનાર વિશ્વનો પ્રથમ ક્રિકેટર બન્યો છે. એકંદરે અત્યાર સુધીમાં 18 ક્રિકેટરો પોતપોતાના દેશો માટે 300 ODI મેચ રમી ચૂક્યા છે, પરંતુ તેમાંથી કોઈ પણ આંતરરાષ્ટ્રીય ક્રિકેટના અન્ય બે ફોર્મેટમાં 100-100 મેચ રમી શક્યું નથી.

300 વનડે રમનારા ખેલાડીઓનું લિસ્ટ
શાહિદ આફ્રિદી- 398
ઇન્ઝમામ-ઉલ-હક- 378
રિકી પોન્ટિંગ - 375
વસીમ અકરમ - 356
એમએસ ધોની - 350
મુથૈયા મુરલીધરન - 350
રાહુલ દ્રવિડ - 344
મોહમ્મદ અઝહરુદ્દીન - 334
તિલકરત્ને દિલશાન - 330
જેક કાલિસ - 328
સ્ટીવ વો - 325
ચામિંડા વાસ - 322
સૌરવ ગાંગુલી - 311
અરવિંદા ડી સિલ્વા - 308
યુવરાજ સિંહ - 304
શોન પોલોક - 303
ક્રિસ ગેલ - 301
વિરાટ કોહલી - 300*

ODIમાં વિરાટના નામે ઘણા રેકોર્ડ
વિરાટે ODI ક્રિકેટમાં ઘણા મોટા રેકોર્ડ બનાવ્યા છે, જેમાં તાજેતરમાં આ ફોર્મેટમાં સૌથી ઝડપી 14000 રન પૂરા કરવાનો વર્લ્ડ રેકોર્ડ પણ સામેલ છે. તેમણે સચિન તેંડુલકરને પાછળ છોડીને આ રેકોર્ડ પોતાના નામે કર્યો છે. તે ભારત માટે સૌથી ઝડપી 8000 રન (175 ઇનિંગ્સ), 9000 રન (194 ઇનિંગ્સ), 10000 રન (205 ઇનિંગ્સ), 11000 રન (222 ઇનિંગ્સ), 12000 રન (242 ઇનિંગ્સ), 13000 રન (280 ઇનિંગમાં 287 રન) પૂરા કરનાર ખેલાડી છે.