જસપ્રીત બુમરાહની વાપસીને લઈને મોટું અપડેટ, જાણો ક્યારે કરશે કમબેક ?

Jasprit Bumrah come back : જસપ્રીત બુમરાહ, જે વિશ્વભરના બેટ્સમેનો માટે ડરનું બીજું નામ માનવામાં આવે છે, ઈજાના કારણે તે હાલ બીસીસીઆઈના સેન્ટર ઓફ એક્સેલન્સમાં રિહેબ કરી રહ્યો છે. ત્યારે તેની વાપસીને લઈને મોટું અપડેટ સામે આવ્યું છે.

Jasprit Bumrah come back : ટીમ ઈન્ડિયાના સ્ટાર બોલર જસપ્રીત બુમરાહ ઈજાના કારણે લાંબા સમયથી ક્રિકેટથી દૂર છે. આ કારણે તે ચેમ્પિયન્સ ટ્રોફીમાં જોવા મળ્યો ન હતો અને ના તો તે IPLમાં મુંબઈ ઈન્ડિયન્સ તરફથી રમતા જોવા મળ્યો છે. 

એપ્રિલના પહેલા અઠવાડિયા સુધીમાં તે સંપૂર્ણ સ્વસ્થ થઈ જશે તેવી અપેક્ષા હતી પરંતુ હવે તેની શક્યતાઓ ઘણી ઓછી છે. ચાહકોને તેના મનપસંદ બોલરને ફરીથી એક્શનમાં જોવા માટે વધુ રાહ જોવી પડી શકે છે. આનું કારણ એ છે કે બુમરાહની ઈજા વધુ ગંભીર છે. 

BCCIની મેડિકલ ટીમ કોઈ ઉતાવળ કરવા માંગતી નથી કારણ કે તે નથી ઈચ્છતી કે મેદાનમાં પરત ફર્યા બાદ સ્ટાર બોલરની સમસ્યાઓ ફરી વધે. સારા સમાચાર એ છે કે બુમરાહે નેટ્સમાં બોલિંગ શરૂ કરી દીધી છે પરંતુ અત્યારે તે પૂરી તાકાત અને ક્ષમતા સાથે બોલ ફેંકી રહ્યો નથી. 

હાલમાં સેન્ટર ઓફ એક્સેલન્સમાં BCCIની મેડિકલ ટીમ તેની ખૂબ જ કાળજીપૂર્વક દેખરેખ રાખી રહી છે. ટીમને ક્રિકેટના મેદાનમાં તેની વાપસીની કોઈ ઉતાવળ નથી કારણ કે તેને લાંબા ગાળે ખરાબ પરિણામ આવી શકે છે. જો ઉતાવળ કરવામાં આવે તો બુમરાહ સ્ટ્રેસ ફ્રેક્ચરનો શિકાર બની શકે છે. 

બુમરાહની વાપસી અંગે કોઈ ચોક્કસ સમયમર્યાદા નક્કી કરવામાં આવી નથી પરંતુ એવી અપેક્ષા છે કે તે એપ્રિલના મધ્ય સુધીમાં પુનરાગમન કરી શકે છે.

જસપ્રીત બુમરાહ ગયા વર્ષે ટીમ ઈન્ડિયાના ઓસ્ટ્રેલિયા પ્રવાસ બાદથી સ્પર્ધાત્મક ક્રિકેટ રમતા જોવા મળ્યો નથી. ક્રિકેટ ચાહકો તેની વાપસીની આતુરતાથી રાહ જોઈ રહ્યા છે. આઈપીએલ બાદ ભારતે ઈંગ્લેન્ડ સામે 5 ટેસ્ટ મેચ રમવાની છે.