)
IND vs ENG : ભારત અને ઇંગ્લેન્ડ વચ્ચેની 5મી ટેસ્ટ ઓવલમાં રમાઈ રહી છે. ટીમ ઈન્ડિયાની બીજી ઈનિંગમાં ઓપનિંગ બેટ્સમેન યશસ્વી જયસ્વાલે શાનદાર સદી ફટકારી હતી અને ટીમ ઇન્ડિયાને મુશ્કેલીમાંથી બહાર કાઢી હતી. સદી ફટકાર્યા બાદ તેણે ફ્લાઇંગ કિસ સેલિબ્રેશન કર્યું હતું, જેના પર આ દિગ્ગજે નિવેદન આપ્યું છે, જે ઝડપથી વાયરલ થઈ રહ્યું છે.
યશસ્વીએ ઘણા રેકોર્ડ બનાવ્યા
ત્રીજા દિવસે ટીમ ઇન્ડિયાએ પહેલા કલાકમાં કોઈ વિકેટ ગુમાવી નહોતી, કારણ કે જયસ્વાલની સાથે આકાશ દીપે પણ શાનદાર અડધી સદી ફટકારી હતી. પરંતુ 66 રન પર આકાશ દીપની વિકેટ પડ્યા બાદ ભારતીય ટીમ મુશ્કેલીમાં મુકાઈ ગઈ હતી. ત્યારબાદ જયસ્વાલે 5મા ગિયરમાં બેટિંગ કરી અને શાનદાર સદી ફટકારી. તેણે 164 બોલમાં 118 રનની ઇનિંગ રમી જેમાં 14 ચોગ્ગા અને 2 છગ્ગાનો સમાવેશ થાય છે. જયસ્વાલ 23 વર્ષની ઉંમરે ઇંગ્લેન્ડમાં ટેસ્ટ ક્રિકેટમાં સૌથી વધુ સદી ફટકારનાર બીજો ભારતીય બેટ્સમેન બન્યો છે.
In a class of his own ⭐#SonySportsNetwork #ENGvIND #NayaIndia #DhaakadIndia #TeamIndia #ExtraaaInnings | @ybj_19 pic.twitter.com/dLCc4Iq4iN
— Sony Sports Network (@SonySportsNetwk) August 2, 2025
ફ્લાઇંગ કિસ સાથે સેલિબ્રેશન
યશસ્વી જયસ્વાલે સદીની ઇનિંગ પછી પોતાનું હેલ્મેટ ઉતાર્યું અને ફ્લાઇંગ કિસનો વરસાદ કર્યો. તેણે બંને હાથથી હાર્ટ ઇમોજી પણ બનાવ્યું. જે પછી ઇંગ્લેન્ડના દિગ્ગજ ખેલાડી સ્ટુઅર્ટ બ્રોડે કહ્યું, 'ઇંગ્લેન્ડ સાથે તેનું લવ અફેર્સ ચાલુ છે.' કોચ ગૌતમ ગંભીરે પણ ઉભા થઈને તેની સદીની ઇનિંગ પર તાળીઓ પાડી.
374 રનનો ટાર્ગેટ
યશસ્વી ઉપરાંત સ્ટાર ઓલરાઉન્ડર રવિન્દ્ર જાડેજાએ પણ શાનદાર ફિફ્ટી ફટકારી. તેણે 53 રન બનાવ્યા. આ પછી આવેલા વોશિંગ્ટન સુંદરે માત્ર 39 બોલમાં ફિફ્ટી ફટકારીને હંગામો મચાવ્યો. તેણે ભારતીય ટીમનો સ્કોર 396 રન સુધી પહોંચાડ્યો અને ઇંગ્લેન્ડ ટીમ સામે 374 રનનો ટાર્ગેટ મૂક્યો. હવે એ જોવું રસપ્રદ રહેશે કે ટીમ ઇન્ડિયા આ સ્કોર પહેલા ઇંગ્લેન્ડને રોકી શકે છે કે નહીં.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
Newsletter
