AI એ તો ગજબ કરી! WhatsAppના આ નવા ફિચરને જાણી તમે ચોંકી ઉઠશો...

ટેક્નોલોજીથી પ્રતિદિન દરેક ક્ષેત્રોમાં નવા-નવા ફેરફારો આવતાં રહે છે. તેવામાં વ્હોટ્સએપએ પણ એક નવું ફિચર જાહેર કર્યું છે જેમાં તમે કોઈપણ મેસેજની સમરી મેળવી શકો છો.

WhatsApp AI Feature: વ્હોટ્સએપએ આર્ટિફિશિયલ ઇન્ટેલિજન્સ (AI) આધારિત એક નવું ફિચર શરૂ કર્યું છે, જે તમારા વાંચેલા ન હોય તેવા મેસેજનો સારાંશ આપશે. આ સુવિધાને 'મેસેજ સમરીઝ' નામ આપવામાં આવ્યું છે. તે  મેટા AI પર આધારિત છે અને યુઝર્સને ચેટમાં વાંચેલા ન હોય તેવા મેસેજને ઝડપથી સમજવામાં મદદ કરે છે.

લાંબા મેસેજ ન વાંચવા પડે તે માટેનું આ નવું ફિચર
મેટા અનુસાર, આ સુવિધા 'પ્રાઇવેટ પ્રોસેસિંગ'ની નવી તકનીક પર કામ કરે છે. આ તકનીક દાવો કરે છે કે તે કોઈપણને, મેટા અથવા વ્હોટ્સએપને પણ, લાંબા મેસેજ વાંચતા અટકાવે છે. જો વપરાશકર્તાઓ ઇચ્છે, તો તેઓ 'એડવાન્સ્ડ ચેટ પ્રાઇવસી'નો ઉપયોગ કરી શકે છે, જે ફક્ત પસંદ કરેલા મેસેજનો સારાંશ બનાવે છે.

ડિફોલ્ટ રીતે આ સુવિધા બંધ રહેશે
વ્હોટ્સએપએ તેની બ્લોગ પોસ્ટમાં આ નવી સુવિધા વિશે વિગતવાર માહિતી આપી છે. આ ફિચર પર્સનલ અને ગ્રુપ ચેટ બંનેમાં ઉપલબ્ધ રહેશે. આ સંપૂર્ણપણે વૈકલ્પિક છે અને ડિફોલ્ટ રૂપે બંધ રહેશે.

વ્હોટ્સએપનો દાવો છે કે આ ફિચર સુરક્ષિત છે
જ્યારે યુઝર્સ ચેટમાં 'અનરીડ મેસેજીસ' આઇકોન પર ટેપ કરે છે, ત્યારે તે મેસેજનો સારાંશ Meta AI દ્વારા બુલેટ સૂચિમાં દેખાશે. આ સારાંશ ફક્ત યુઝરને જ દેખાશે અને તેના પર 'Visible only to you' લખેલું હશે. તેને 'Private Processing' દ્વારા સુરક્ષિત બનાવવામાં આવ્યું છે. મેટા દાવો કરે છે કે આ પ્રક્રિયામાં AI ચેટબોટ કે વ્હોટ્સએપ તમારા મેસેજ કે તેના સારાંશ વાંચી શકશે નહીં.

તે ક્યાં અને ક્યારે ઉપલબ્ધ થશે?
આ સુવિધા હાલ યુએસમાં અંગ્રેજી ભાષામાં લોન્ચ કરવામાં આવી છે. કંપનીના જણાવ્યા અનુસાર, તે વર્ષના અંત સુધીમાં અન્ય દેશોમાં અને ભાષાઓ સાથે રજૂ કરવામાં આવશે. મેટાએ જણાવ્યું હતું કે Private Processing એ એક ખાસ ટ્રસ્ટેડ એક્ઝિક્યુશન એન્વાયર્નમેન્ટ (TEE) પર આધારિત કમ્પ્યુટિંગ ઇન્ફ્રાસ્ટ્રક્ચર છે. તે વપરાશકર્તાઓને સુરક્ષિત ક્લાઉડમાં AI ચેટબોટ્સ સાથે ચેટ કરવાની મંજૂરી આપે છે.