અમેરિકાએ વિઝા નિયમો બદલ્યા, નવા નિયમોનું પાલન ન કર્યું તો નહીં મળે યુએસ વિઝા !

US Visa Rule Change: ભારતમાં યુએસ એમ્બેસીએ વિઝા નિયમોમાં મહત્વપૂર્ણ ફેરફારો કર્યા છે. હવેથી, F, M અને J શ્રેણીના ઇમિગ્રન્ટ વિઝા માટે અરજી કરનારા વ્યક્તિઓ માટે નવા નિયમો લાગુ કરવામાં આવ્યા છે અને જો આ નિયમોનું પાલન નહીં કરવામાં આવે તો અમેરિકાના વિઝા આપવામાં આવશે નહીં.

US Visa Rule Change: ભારતમાં યુએસ દૂતાવાસે X પર લખ્યું કે તાત્કાલિક અસરકારક રીતે, F, M અથવા J નોન-ઇમિગ્રન્ટ વિઝા માટે અરજી કરનારા તમામ વ્યક્તિઓને તેમના તમામ સોશિયલ મીડિયા એકાઉન્ટ્સની પ્રાઈવેટ એકાઉન્ટ પબ્લિક કરવું પડશે, જેથી યુએસ કાયદા હેઠળ તેમની ઓળખ અને સ્વીકાર્યતા સ્થાપિત કરવા માટે જરૂરી તપાસ હાથ ધરવામાં આવી શકે,

સોશિયલ મીડિયાની તપાસ કરવામાં આવશે

દૂતાવાસે વધુમાં જણાવ્યું હતું કે, 2019 થી, યુએસએ વિઝા અરજદારોને ઇમિગ્રન્ટ અને નોન-ઇમિગ્રન્ટ વિઝા અરજી ફોર્મ પર સોશિયલ મીડિયા ઓળખકર્તા પ્રદાન કરવાની ફરજ પાડી છે. અમે અમારા વિઝા સ્ક્રીનીંગ અને તપાસમાં ઉપલબ્ધ બધી માહિતીનો ઉપયોગ એવા વિઝા અરજદારોને ઓળખવા માટે કરીએ છીએ જેઓ યુએસમાં પ્રવેશવા માટે અયોગ્ય છે. આમાં એવા લોકોનો પણ સમાવેશ થાય છે જેઓ યુએસ રાષ્ટ્રીય સુરક્ષા માટે ખતરો ઉભો કરે છે."

Effective immediately, all individuals applying for an F, M, or J nonimmigrant visa are requested to adjust the privacy settings on all of their social media accounts to public to facilitate vetting necessary to establish their identity and admissibility to the United States… pic.twitter.com/xotcfc3Qdo

— U.S. Embassy India (@USAndIndia) June 23, 2025

F, M અને J વિઝા શું છે?

• યુએસમાં F, M અને J નોન-ઇમિગ્રન્ટ વિઝા વિદેશી નાગરિકોને અભ્યાસ, તાલીમ અને શૈક્ષણિક-સાંસ્કૃતિક વિનિમય માટે ટૂંકા ગાળા માટે આપવામાં આવે છે.
• F-1 વિઝા એવા વિદ્યાર્થીઓ માટે છે જેઓ યુએસમાં માન્યતા પ્રાપ્ત કોલેજ, યુનિવર્સિટી અથવા અન્ય શૈક્ષણિક સંસ્થાઓમાં પૂર્ણ-સમયનો અભ્યાસ કરવા માંગે છે.
• M-1 વિઝા બિન-શૈક્ષણિક અથવા વ્યાવસાયિક તાલીમ માટે છે, જેમાં ટેકનિકલ કૌશલ્યનો સમાવેશ થાય છે.
• J-1 વિઝા વિદેશી વિદ્વાનો, સંશોધકો, શિક્ષકો, કેમ્પ કાઉન્સેલર્સ, ટૂંકા ગાળાના વિદ્યાર્થીઓને આપવામાં આવે છે.

નવા નિયમોનો હેતુ

• આ ફેરફારનો મુખ્ય હેતુ વિઝા પ્રક્રિયાને વધુ પારદર્શક બનાવવાનો અને સુરક્ષા ધોરણોને મજબૂત બનાવવાનો છે. દૂતાવાસ માને છે કે સોશિયલ મીડિયા પર ઉપલબ્ધ માહિતી અરજદારોની પૃષ્ઠભૂમિનું વધુ સારી રીતે મૂલ્યાંકન કરવામાં મદદ કરશે.
• આ નવા નિયમના અમલીકરણ સાથે, અરજદારોએ તેમની ઓનલાઈન ઓળખ વિશે સાવચેત રહેવું પડશે. આ પગલું ખાસ કરીને એવા લોકો માટે મહત્વપૂર્ણ છે જેઓ યુએસમાં અભ્યાસ કરવા અથવા કામ કરવાની યોજના બનાવી રહ્યા છે.
• યુએસ એમ્બેસીએ તમામ સંબંધિત વ્યક્તિઓને આ નવા નિયમનું પાલન કરવાની અપીલ કરી છે જેથી વિઝા પ્રક્રિયામાં કોઈ અવરોધ ન આવે.