ટ્રમ્પ સાથેના મતભેદ વચ્ચે મસ્કની વધુ એક વિકેટ પડી, Xના CEOએ કહ્યું ટાટા-બાય-બાય

Elon Musk : મોટી સંખ્યામાં લોકો સોશિયલ મીડિયા પ્લેટફોર્મ Xનો ઉપયોગ કરે છે. મસ્કની કંપની સાથે સંબંધિત એક સનસનાટીભર્યા સમાચાર બહાર આવી રહ્યા છે. તમને જણાવી દઈએ કે Xના CEO લિન્ડા યાકારિનોએ તેમના પદ પરથી રાજીનામું આપી દીધું છે.

Linda Yaccarino : મોટી સંખ્યામાં લોકો સોશિયલ મીડિયા પ્લેટફોર્મ Xનો ઉપયોગ કરે છે. જેના દ્વારા લોકો તેમના સંબંધિત લોકો સુધી પોતાનો મેસેજ પહોંચાડે છે. Xના માલિક એલોન મસ્કના જીવનમાં ઘણી ઉથલપાથલ આવી છે. યુએસ રાષ્ટ્રપતિ ડોનાલ્ડ ટ્રમ્પ અને મસ્ક વચ્ચે અણબનાવ છે. તો Xના CEO લિન્ડા યાકારિનોએ તેમના પદ પરથી રાજીનામું આપી દીધું છે.

મીડિયા રિપોર્ટ્સ અનુસાર, કંપનીના ગ્રોક ચેટબોટ દ્વારા આપવામાં આવેલા જવાબમાં યહૂદી વિરોધી વાતો કહેવામાં આવી હોવાનું જાણવા મળ્યું છે. જે પછી તેમનું રાજીનામું સામે આવ્યું છે. એવી પણ ચર્ચા છે કે મસ્કે સોશિયલ મીડિયા કંપની X ને આર્ટિફિશિયલ ઇન્ટેલિજન્સ કંપની xAI સાથે મર્જ કરી દીધી છે. જે પછી નવી કંપનીમાં તેમની ભૂમિકા પર પણ પ્રશ્નો ઉભા થયા હતા.

X દ્વારા રાજીનામું જાહેર કર્યું

રાજીનામાની જાહેરાત કરતાં તેમણે લખ્યું કે બે અદ્ભુત વર્ષ પછી, મેં Xના CEO પદ પરથી રાજીનામું આપવાનો નિર્ણય લીધો છે. જ્યારે મેં અને એલોન મસ્કએ X માટેના તેમના વિઝન વિશે પહેલી વાર વાત કરી, ત્યારે મને ખબર હતી કે આ કંપનીના અસાધારણ મિશનને પૂર્ણ કરવું મારા માટે જીવનભરની સુવર્ણ તક હશે. અભિવ્યક્તિની સ્વતંત્રતાનું રક્ષણ કરવા, કંપનીને પુનર્જીવિત કરવા અને Xને એવરીથિંગ એપમાં ફેરવવાની જવાબદારી મને સોંપવા બદલ હું તેમની ખૂબ આભારી છું.

After two incredible years, I’ve decided to step down as CEO of 𝕏.

When @elonmusk and I first spoke of his vision for X, I knew it would be the opportunity of a lifetime to carry out the extraordinary mission of this company. I’m immensely grateful to him for entrusting me…

— Linda Yaccarino (@lindayaX) July 9, 2025

મને X ટીમ પર ખૂબ ગર્વ છે, અમે સાથે મળીને જે ઐતિહાસિક વ્યવસાયિક પરિવર્તન પ્રાપ્ત કર્યું છે તે નોંધપાત્ર છે. અમે અમારા યુઝર્સ ખાસ કરીને બાળકોની સલામતીને પ્રાથમિકતા આપવા અને જાહેરાતકર્તાઓનો વિશ્વાસ પુનઃસ્થાપિત કરવા માટે જરૂરી પ્રારંભિક મહત્વપૂર્ણ કાર્યથી શરૂઆત કરી હતી. આ ટીમે કોમ્યુનિટી નોટ્સ અને ટૂંક સમયમાં X મની જેવી ગ્રાઉન્ડબ્રેકિંગ નવીનતાઓથી લઈને પ્લેટફોર્મ પર સૌથી પ્રતિષ્ઠિત અવાજો અને કન્ટેન્ટ લાવવા સુધી અથાક મહેનત કરી છે. શ્રેષ્ઠ હજુ આવવાનું બાકી છે કારણ કે X Ai સાથે એક નવા અધ્યાયમાં એન્ટ્રી કરશે.

X ખરેખર બધા અવાજો માટે એક ડિજિટલ ટાઉન સ્ક્વેર છે અને વિશ્વનો સૌથી શક્તિશાળી સાંસ્કૃતિક સંકેત છે. અમારા યુઝર્સ વ્યવસાયિક ભાગીદારો અને વિશ્વની સૌથી નવીન ટીમના સમર્થન વિના અમે આ સીમાચિહ્ન પ્રાપ્ત કરી શક્યા ન હોત. આ ઉપરાંત, તેમણે લખ્યું કે જેમ જેમ તમે વિશ્વને બદલવાનું ચાલુ રાખશો, હું તમારા બધાને પ્રોત્સાહિત કરવાનું ચાલુ રાખીશ અને હંમેશની જેમ હું તમને X પર મળીશ.