Glacier Collapse : કેમેરામાં કેદ થયો પ્રલયનો નજારો, ગ્લેશિયરના બરફમાં તણાયું આખું ગામ, રૂંવાડા ઊભા કરી દેતો વીડિયો

Glacier Collapse : સ્વિટ્ઝરલેન્ડના સ્વિસ આલ્પ્સમાં 28 મેના રોજ એક દુર્ઘટના સર્જાઈ હતી. ગ્લેશિયર ફાટવાથી આવેલા બરફના તોફાનમાં એક આખું ગામ તણાયું હોવાની ઘટના સામે આવી છે. ગામમાં મોટાપાયે નુકશાન થયું છે અને લોકો બેઘર થઈ ગયા છે.

Glacier Collapse : કુદરતની શક્તિ સામે માણસ કંઈ નથી. આ કહેવત ત્યારે સાચી સાબિત થઈ જ્યારે વિશ્વના સૌથી સુંદર દેશોમાંના એક સ્વિટ્ઝરલેન્ડમાં ગ્લેશિયર ફાટવાથી આવેલા બરફના તોફાનમાં આખું ગામ તણાઈ ગયું. સ્વિસ આલ્પ્સમાં આ દુર્ઘટનામાં બ્લેટન નામનું ગામ સંપૂર્ણપણે નષ્ટ થયું હતું. પર્વતો પરથી ગ્લેશિયર તૂટવાનો ભયાનક વીડિયો ડ્રોન કેમેરામાં રેકોર્ડ કરવામાં આવ્યો છે, જે હવે સોશિયલ મીડિયા પર વાયરલ થઈ રહ્યો છે.

સ્વિસ નેશનલ બ્રોડકાસ્ટર્સ SRFએ આ ઘટનાના ડ્રોન ફૂટેજ પણ શેર કર્યા છે. આ દુર્ઘટના બુધવાર, 28 મેના રોજ બની હતી. ગ્લેશિયરનો મોટો ભાગ બપોરે તૂટી પડ્યો હતો. જો કે, આ સમયે ગામમાં ઓછા લોકો હતા, તેથી ફક્ત એક જ વ્યક્તિના મોતના સમાચાર છે. જો આ દુર્ઘટના રાત્રે આવી હોત તો વિનાશ ખૂબ જ ભયાનક હોત.

So sad for all the people who lost their homes today in Blatten, Switzerland 🇨🇭😢 pic.twitter.com/GsSGKi4BMv

— Tobi Mülhauser 🍕 (@TobiMuelhauser) May 28, 2025

ગામમાં આપત્તિ પહેલા અને પછીના ફોટા સોશિયલ મીડિયા પર ફરતા થયા છે. આ ફોટામાં અકસ્માતની ભયાનકતા જોઈ શકાય છે. જ્યાં એક ખુશખુશાલ ગામ વસેલું હતું, ત્યાં હવે ફક્ત ગંદકી અને કાદવ છે. આખા ગામમાં કાટમાળ ફેલાયેલો છે. ભયંકર બરફના તોફાને કેટલાક ઘરોને સંપૂર્ણપણે જમીનદોસ્ત કરી દીધા અને કેટલાક તણાઈ ગયા છે. 

before and after today’s glacier collapse that buried 90% of blatten, switzerland pic.twitter.com/fp17L3GYc9

— ian bremmer (@ianbremmer) May 28, 2025

માહિતી અનુસાર, બ્લેટન ગામમાં 300 લોકો રહે છે. સારી વાત એ છે કે આ સંભવિત આફતની આગાહી પહેલાથી જ કરવામાં આવી હતી, તેથી 19 મેના રોજ ગામ ખાલી કરાવવામાં આવ્યું હતું. જો કે, આ સમયમાં ફક્ત લોકોનું જ સ્થળાંતર કરાયું હતું. ઘરમાં રાખેલો સામાન અને મહેનતથી બનાવેલા ઘરો સંપૂર્ણપણે નાશ પામ્યા હતા.