રશિયાએ ભારતને ઓફર કર્યું મહાશક્તિશાળી હથિયાર, ચીન-પાકિસ્તાન થરથર કાંપશે!

Russia India Relations : શક્તિશાળી બોમ્બર ખરીદશે ભારત? રશિયાએ ઓફર કર્યુ શક્તિશાળી બોમ્બર... ચીન-પાકિસ્તાનના શહેરો આવશે રેન્જમાં... ઓપરેશનલ ખર્ચ રાફેલ કરતાં છે વધારો... 12,000 કિમીની ભરી શકે છે ઉડાન.. સુપરસોનિક સ્પીડ બનાવે છે શક્તિશાળી... ભારતને TU-160થી થશે મોટો ફાયદો

Tu 160 Black Jack Bomber : ભારત લાંબા સમયથી પોતાની ડિફેન્સ પાવરને વધારવાના ઉપાય શોધી રહ્યું છે. જેમાં રાફેલ, અપાચે, રોમિયો, S-400 મિસાઈલથી ભારતની સરહદો મજબૂત બની છે. તેની વચ્ચે રશિયાએ ભારતને પોતાનું શક્તિશાળી બોમ્બર TU-160 ઓફર કર્યુ છે. તે જો ભારતને મળી જાય તો ચીન અને પાકિસ્તાનના દરેક ખૂણા તેના નિશાના પર આવી જશે. ત્યારે આ વિમાનની શું વિશેષતા છે? તેનો ઓપરેશનલ ખર્ચ શું થાય છે? જોઈશું આ રિપોર્ટમાં... 

• ચીન નહીં કરી શકે કોઈ અવળચંડાઈ
• પાકિસ્તાન નહીં કરી શકે નાપાક હરકત
• દુશ્મન દેશ ભારતથી થર-થર કાંપવા લાગશે

 રશિયાએ ભારતને એવા વિમાનની ઓફર કરી છે. જો તે ભારતને મળી જશે તો ચીન અને પાકિસ્તાનના દરેક શહેર તેની રેન્જમાં આવી જશે. રશિયાનું આ વિમાન પરમાણુ હથિયાર નાંખવાની ક્ષમતા ધરાવે છે. એટલે તેના આવવાથી ભારત ડિફેન્સમાં વધુ મજબૂત બની જશે. 

રશિયાની એસ-400 મિસાઈલ ડિફેન્સ સિસ્ટમ ભારતને સરહદ પર મજબૂત બનાવી રહ્યું છે. તેની વચ્ચે રશિયાએ ભારતને પોતાના સૌથી શક્તિશાળી બોમ્બર TU-160 આપવાનો પ્રસ્તાવ આપ્યો છે. તે લાંબા અંતરનુ બોમ્બર છે એટલે તે દુશ્મનના ઘરમાં ઘૂસીને બોમ્બ વરસાવીને પાછું આવી શકે છે. 

ટુપોલેવ ટીયુ-160 બ્લેક જેક બોમ્બરની વિશેષતા શું છે જેના કારણે તેને વ્હાઈટ સ્વાન કહેવામાં આવે છે. 

• તેની પાંખની લંબાઈ 182.9 ફૂટ છે... 
• તેની ઉંચાઈ 43 ફૂટ છે... 
• ખાલી વિમાનનું વજન 1.10 લાખ કિલોગ્રામ છે...
• તે 2220 કિલોમીટર પ્રતિ કલાકની સ્પીડે ઉડી શકે છે...
• સામાન્ય રીતે તે 960 કિલોમીટર પ્રતિ કલાકની સ્પીડે ઉડાન ભરે છે...
• એક વખતમાં તે 12,300 કિલોમીટર સુધીની ઉડાન ભરી શકે છે...
• તે 45,000 કિલોગ્રામ વજનના બોમ્બ લઈને ઉડી શકે છે...
• તેની અંદર લોન્ચર મિસાઈલ પણ સ્ટોર કરી શકાય છે...

આ વિમાનમાં વેરિએબલ સ્વીપ વિંગ્સ લાગેલી હોય છે જે પોતાનો એંગલ બદલી શકે છે. તે વિમાનને અલગ-અલગ ગતિ અને મિશનના પ્રકારને અનુકૂળ થવામાં મદદ કરે છે. જેનાથી તે સૌથી ઝડપી બોમ્બર બની જાય છે. જોકે આ વિમાનનો ઓપરેશન ખર્ચ બહુ મોંઘો છે. 

ટીયુ-160 સામાન્ય ઓપરેશન દરમિયાન 1 કલાકમાં 12,000થી 15,000 લીટર ઈંધણનો ઉપયોગ કરે છે. ઈંધણ, મેન્ટેનન્સ અને ક્રૂને જોડી લઈએ તો તેના ઓપરેશનના 1 કલાકનો ખર્ચ 19,000થી 30,000 ડોલર થશે. તેની સરખામણીમાં રાફેલનો 1 કલાકનો ખર્ચ 16,000 ડોલર થાય છે.

ચીન સતત પોતાની સૈન્ય શક્તિ અને શસ્ત્રોને વધુ આધુનિક કરી રહ્યું છે. તો પાકિસ્તાન અવારનવાર ભારતની સરહદમાં ઘૂસણખોરીના પ્રયાસો કરતું રહે છે. આ સ્થિતિમાં જો ભારત પાસે રશિયાનું TU-160 વિમાન હોય તો.. 

• 6-6 વિમાન નાગપુર અને તંજાવુરમાં તહેનાત કરવામાં આવે છે...
• એક વખતમાં ચીન કે પાકિસ્તાન સુધી ઉડાન ભરી શકે છે...
• હિમાચલ, બિહાર, અસમ, નાાગાલેન્ડમાં તહેનાત હોય તો ચીનની અંદર કોઈપણ શહેરમાં બોમ્બમારો કરી શકે છે...
• તેમાં જે રેન્જની મિસાઈલ લોડ કરવામાં આવશે તેના આધારે તે ઉડાન ભરશે...
• દક્ષિણ ભારતમાં તહેનાત કરાશે તો હિંદ મહાસાગરમાં ચીનની હરકત પર લગામ લાગશે...

એટલે આ વિમાન ખરેખર ભારતને વધુ શક્તિશાળી બનાવશે અને દુશ્મન દેશ ભારત સામે નજર ઉંચી કરતાં પણ થર-થર કાંપવા લાગશે. જોકે તેનો ઓપરેશનલ ખર્ચ મોંઘો છે પરંતુ તેની વિધ્વંસક ક્ષમતાને જોતાં આવા વિમાન ભારત પાસે હોવા જરૂરી છે.