શાંતિ...અથવા તો તબાહી! માત્ર આ 2 ચીજ બચશે, હુમલા બાદ ટ્રમ્પનું રાષ્ટ્રને સંબોધન, ઈરાનને અલ્ટીમેટમ

US Iran strike: ડોનાલ્ડ ટ્રમ્પે વ્હાઇટ હાઉસ ખાતે રાષ્ટ્રને સંબોધન કર્યું. તેમની સાથે જેડી વેન્સ, માર્કો રુબિયો અને સંરક્ષણ પ્રધાન વોલ્ટ્ઝ પણ હાજર હતા. પોતાના ભાષણમાં ટ્રમ્પે હુમલા વિશે વિગતવાર સમજાવ્યું હતું.

Trump Iran warning: ઈરાન અને ઈઝરાયલ વચ્ચે ચાલી રહેલા યુદ્ધમાં અમેરિકાએ ખુલ્લેઆમ ઈઝરાયલને ટેકો આપ્યો છે અને મોટી લશ્કરી કાર્યવાહી કરી છે. શનિવારે રાત્રે અમેરિકાએ ઈરાનના ત્રણ મુખ્ય પરમાણુ સ્થળો, ફોર્ડો, નતાન્ઝ અને ઈસ્ફહાન પર સચોટ હવાઈ હુમલા કર્યા. ત્યારબાદ રાષ્ટ્રપતિ ડોનાલ્ડ ટ્રમ્પે રાષ્ટ્રને સંબોધન કર્યું અને ઈરાનને સ્પષ્ટ સંદેશ આપ્યો કે કાં તો તેમણે હવે શાંતિનો માર્ગ પસંદ કરવો જોઈએ અથવા વિનાશ માટે તૈયાર રહેવું જોઈએ.

'40 વર્ષોથી 'અમેરિકા મુર્દાબાદ' બોલતા રહ્યા છે...
વાસ્તવમાં ડોનાલ્ડ ટ્રમ્પે વ્હાઇટ હાઉસ ખાતે રાષ્ટ્રને સંબોધન કર્યું. તેમની સાથે જેડી વેન્સ, માર્કો રુબિયો અને સંરક્ષણ પ્રધાન વોલ્ટ્ઝ પણ હાજર હતા. ટ્રમ્પે પોતાના ભાષણમાં હુમલાનું વિગતવાર વર્ણન કર્યું. આ પછી તેમણે ઈરાનને ચેતવણી આપી કે હવે તેઓ શાંતિનો માર્ગ પસંદ કરે. ઈરાની જનરલ કાસિમ સુલેમાનીના ઉલ્લેખ કરતા ટ્રમ્પે કહ્યું કે ઈરાને આપણા નિર્દોષ લોકોને મારી નાખ્યા છે. 40 વર્ષથી તેઓ 'અમેરિકા મુર્દાબાદ' કહી રહ્યા છે, હવે આ બધું કામ કરશે નહીં. તેમણે ચેતવણી આપી હતી કે અમેરિકા પાસે વધુ ઠેકાણાઓ વિશે માહિતી છે અને જો ઈરાન નહીં સુધરે તો આગામી હુમલો આનાથી પણ મોટો હશે.

President Donald J. Trump Delivers Address to the Nation, June 21, 2025 https://t.co/yutRDvtWv0

— The White House (@WhiteHouse) June 22, 2025

હવે સમય આવી ગયો છે...
ટ્રમ્પે આ કાર્યવાહીને એક સ્પેક્ટેકુલર મિલિટ્રી સફળતા ગણાવી અને ઇઝરાયલી સેના અને વડાપ્રધાન બેન્જામિન નેતન્યાહૂની ખુલ્લેઆમ પ્રશંસા કરી. તેમણે કહ્યું કે હવે સમય આવી ગયો છે કે ઈરાન શાંતિ માટે આગળ આવે નહીંતર પરિણામો વધુ ખતરનાક હશે.

વધુમાં ટ્રમ્પે કહ્યું કે અમેરિકાનો ઉદ્દેશ્ય ઈરાનની પરમાણુ સંવર્ધન ક્ષમતાનો નાશ કરવાનો અને તેના પરમાણુ ખતરાને દૂર કરવાનો હતો. ઈરાન અમેરિકા વિરુદ્ધ કામ કરી રહ્યું છે અને ઘણા અમેરિકનો આ નફરતનો ભોગ બન્યા છે. એટલા માટે મેં નક્કી કર્યું છે કે આ બધું હવે નકામું છે. જો ઈરાન હવે શાંતિના માર્ગ પર પાછું નહીં ફરે તો તેના પરિણામો વધુ ખરાબ થશે.