સંયુક્ત રાષ્ટ્રમાં પાકિસ્તાનને મોટો ફટકો, કાશ્મીર પર ખુલ્લી ચર્ચાની માગણી ફગાવી

કલમ-370 દૂર કરાયા પછી જમ્મુ-કાશ્મીરના મુદ્દે આંતરરાષ્ટ્રીય મંચ પર ઉઠાવાના પાકિસ્તાનના પ્રયાસોને મોટો ફટકો લાગ્યો છે

નવી દિલ્હીઃ જમ્મુ-કાશ્મીરમાંથી કલમ-370 દૂર કરાયા પછી આ મુદ્દાને આંતરરાષ્ટ્રીય મંચ પર ઉઠાવાના પાકિસ્તાનના તમામ પ્રયાસો નિષ્ફળ નિવડ્યા છે. હવે, સંયુક્ત રાષ્ટ્રમાં પણ તેને નિરાશા સાંપડી છે. સંયુક્ત રાષ્ટ્રએ આ મુદ્દા પર ખુલ્લી ચર્ચા કરવાની પાકિસ્તાનની માગણીને ફગાવી દીધી છે. શુક્રવારે સાંજે 7.30 કલાકે આ મુદ્દે સંયુક્ત રાષ્ટ્ર સુરક્ષા પરિષદ (UNSC) ચીનના આગ્રહ પર અનૌપચારિક બેઠક માટે સહમત થઈ હતી. જોકે તેની શરત બંધબારણે ચર્ચા કરવાની હતી. 

તેના હદલે પાકિસ્તાને કહ્યું કે, આ મુદ્દે સંયુક્ત રાષ્ટ્રના ખુલ્લા મંચ પર ચર્ચા થાય, જેથી તેને પોતાના પ્રોપેગેંડાને પ્રચારિત-પ્રસારિત કરવાની તક મળે. જોકે, સંયુક્ત રાષ્ટ્રએ પાકિસ્તાનની આ માગ ફગાવી દીધી છે. 

પાકિસ્તાને શા માટે ખુલ્લી ચર્ચાની કરી છે માગ?
સુરક્ષા પરિષદ આ મુદ્દે અનૌપચારિક બેઠક યોજશે, જેમાં સુરક્ષા પરિષદના 15 સઊભ્યો સિવાયના અન્ય સભ્યોને સામેલ કરાતા નથી. આ બેઠક પરિષદની ચેમ્બરમાં નહીં યોજાતી, પરંતુ દૂર એક બંધ રૂમમાં યોજાય છે. સંયુક્ત રાષ્ટ્રના એજન્ડામાં ચીને 'ઈન્ડિયા પાકિસ્તાન ક્વેશ્ચન' અંતર્ગત ચીને આ બેઠકનો પ્રસ્તાવ મુક્યો છે. જેમાં 'કાશ્મીર'નો ઉલ્લેખ નથી. 

બંધ બારણે યોજાયેલી આ પ્રકારની બેઠકનો કોઈ રેકોર્ડ રાખવામાં આવતો નથી કે તેનું કોઈ પ્રેસનોટ આપવામાં આવતી નથી. પત્રકારોને પણ તેનું કવરેજ કરવાની મંજુરી હોતી નથી. 

જુઓ LIVE TV...