કોરોનાની ચોથી લહેર આવી કે શું? અમદાવાદમાં એક જ દિવસમાં કોરોના બ્લાસ્ટ, આ ઝોનમાં સૌથી વધુ કેસ

Ahmedabad COVID-19 cases today: ગુજરાત સહિત ભારત અને સમગ્ર વિશ્વમાં કોરોનાએ ફરી એકવાર હાહાકાર મચાવ્યો છે. ગુજરાત (Gujarat) સહિત દેશભરમાં (Nationwide) કોરોના વાયરસના (Coronavirus) કેસોમાં ફરીથી ઝડપી વધારો જોવા મળી રહ્યો છે. છેલ્લા 24 કલાકમાં અમદાવાદ શહેરમાં કોરોનાના 70 નવા કેસ (New Cases) નોંધાયા છે. અત્યાર સુધીમાં દેશભરમાં 4866 કોરોના કેસ નોંધાયા છે. છેલ્લા 24 કલાકમાં 7 લોકોએ જીવ ગુમાવ્યા છે. આ દરમિયાન કોરોનાની ચોથી લહેર આવવાની શક્યતા છે.

Covid-19 cases in Gujarat: દેશમાં કોરોનાના દર્દીઓની સંખ્યા વધી રહી છે, તેમ લોકોની ચિંતા પણ વધી રહી છે. દેશમાં આ દિવસોમાં સક્રિય કેસની સંખ્યા 4866 પર પહોંચી ગઈ છે. 19 મેના રોજ આ આંકડો ફક્ત 257 હતો, જે 26 મેના રોજ 1010 અને 31 મેના રોજ 3395 પર પહોંચ્યો. 4 જૂનના રોજ 276 નવા કેસ નોંધાયા હતા અને 7 લોકોના મોત થયા હતા. કોરોના ઘણા રાજ્યો અને કેન્દ્રશાસિત પ્રદેશોમાં ફેલાઈ ગયો છે. કેરળમાં સૌથી વધુ 1373 સક્રિય કેસ છે. મહારાષ્ટ્ર 510 કેસ સાથે બીજા સ્થાને છે.

ગુજરાતમાં દર ઊંચો, પણ હજુ પણ ઘટાડો
ગુજરાતમાં 508 સક્રિય કેસ છે. અહીં 31 મેના રોજ કેસ 19% અને 1 જૂનના રોજ 21% વધ્યા હતા, પરંતુ 4 જૂનના રોજ આ દર ઘટીને 16% થયો. જોકે આ રાષ્ટ્રીય સરેરાશ કરતા વધારે છે, છતાં પણ દરમાં ઘટાડો એ ઘટાડાનો સંકેત છે. રાજકોટમાં 7 નવા કેસ નોંધાયા છે, અમદાવાદમાં 3 મહિલાઓના મોત થયા છે. 18 દર્દી હોસ્પિટલમાં દાખલ છે જ્યારે 490 હોમ આઇસોલેશનમાં છે. રાજકોટમાં 7 નવા કેસ નોંધાયા છે.

છેલ્લા 24 કલાકમાં અમદાવાદમાં 70 નવા કેસ
છેલ્લા 24 કલાકમાં અમદાવાદમાં 70 નવા કેસ નોંધાતા ખળભળાટ મચી જવા પામ્યો છે. પશ્ચિમ ઝોનમાં કોરોના બ્લાસ્ટ થયો છે. જેના કારણે 24 કલાકમાં ગુજરાતમાં 107 કેસ નોંધાયા છે.  છેલ્લા 24 કલાકમાં કોવિડથી એક પણ મોત નોંધાયું નથી. શહેરમાં એક્ટિવ કેસની સંખ્યા 320 પર પહોંચી ગઈ છે. ઉત્તર પશ્ચિમ ઝોનમાં 94 અને દક્ષિણ પશ્ચિમ ઝોનમાં 55 કેસ નોંધાયા છે. દક્ષિણ ઝોનમાં કોરોનાના 26 કેસ નોંધાયા અને મધ્યઝોનમાં કોરોનાના 6 કેસ નોંધાયા છે.

ભારતમાં કોરોનાના દર્દીઓ ચાર હજારને વટાવી ગયા
મીડિયા રિપોર્ટ્સમાં પ્રકાશિત થયેલા અહેવાલો અનુસાર, કેન્દ્રીય આરોગ્ય મંત્રાલયના સૂત્રોએ બુધવારે આ માહિતી આપી હતી અને જણાવ્યું હતું કે ભારતમાં હાલમાં કોવિડ-19 ના 4,300 થી વધુ દર્દીઓ છે, પરંતુ તેમાંથી મોટાભાગનામાં હળવા લક્ષણો છે અને તેમની ઘરે સારવાર કરવામાં આવી રહી છે. આ નિવેદન બે દિવસીય સમીક્ષા બેઠક પછી આવ્યું છે, જેમાં દેશની તૈયારીઓની સમીક્ષા કરવામાં આવી હતી. સૂત્રોએ જણાવ્યું હતું કે, 1 જાન્યુઆરી, 2025 થી, કોવિડ-19 થી 44 થી વધુ લોકો મૃત્યુ પામ્યા છે, પરંતુ આમાંથી મોટાભાગના લોકો એવા હતા જેમને પહેલાથી જ અન્ય ગંભીર બીમારીઓ હતી.

આવો, છેલ્લા એક અઠવાડિયાના ડેટા પરથી સમજીએ કે શું ભારતમાં કોરોનાની સ્થિતિ ખરેખર એટલી ગંભીર છે, શું ખરેખર ચોથી લહેરનો ખતરો છે.

કોરોનાના કેસોમાં વધારાની ગતિમાં ઘટાડો
30 મેના રોજ દેશમાં 2710 સક્રિય કેસ હતા, જે ૩૧ મેના રોજ 25% વધીને 3395 થયા. પરંતુ 1 જૂનના રોજ આ વધારો ઘટીને 11% થયો અને 4 જૂનના રોજ તે માત્ર 7% રહ્યો. એટલે કે, નવા કેસોની ગતિ ધીમી પડી રહી છે, જે રાહતની વાત છે. આરોગ્ય નિષ્ણાતો કહે છે કે ગભરાવાની જરૂર નથી, પરંતુ સાવચેત રહેવું જરૂરી છે.

કેરળમાં કોરોનાના સૌથી વધુ સક્રિય કેસ 
2 જૂને અહીં 1435 કેસ હતા, જે 4 જૂને ઘટીને 1373 થઈ ગયા. 31 મેના રોજ, કેરળમાં કેસોમાં 16% થી વધુનો વધારો થયો હતો, પરંતુ 1 જૂને, આ દર ઘટીને 5% થી ઓછો થઈ ગયો અને 4 જૂને નકારાત્મક વૃદ્ધિ જોવા મળી. એટલે કે, નવા કેસ ઘટી રહ્યા છે. પરંતુ 24 કલાકમાં, કેસ વધ્યા અને સંખ્યા 1487 પર પહોંચી ગઈ.

મહારાષ્ટ્રમાં પણ પરિસ્થિતિ નિયંત્રણમાં..
મહારાષ્ટ્રમાં 526 સક્રિય કેસ છે. 31 મેના રોજ અહીં કેસ 10% વધ્યા હતા, પરંતુ 1 જૂનના રોજ આ દર 4% થી ઓછો હતો અને 4 જૂનના રોજ 3% હતો. આ દર્શાવે છે કે મહારાષ્ટ્રમાં પણ પરિસ્થિતિ ધીમે ધીમે નિયંત્રણમાં આવી રહી છે.

શું છે ચોથી લહેરની હકીકત?
જોકે કેસ વધી રહ્યા છે, નિષ્ણાતો કહે છે કે ચોથી લહેરની શક્યતા ઓછી છે. નવા પ્રકાર JN.1 ના કેસ વધી રહ્યા છે, પરંતુ મોટાભાગના દર્દીઓમાં હળવા લક્ષણો છે અને તેઓ ઘરે સ્વસ્થ થઈ રહ્યા છે. હોસ્પિટલમાં દાખલ થવાનો દર પણ ઓછો છે. વિશ્વ આરોગ્ય સંગઠન (WHO) એ પણ સલાહ આપી છે કે મુસાફરી અથવા વ્યવસાય પર પ્રતિબંધ મૂકવાની જરૂર નથી.