ગળામાં સોનાની ચેન પહેરીને નીકળો તો સાચવજો! 52 ગુનાને અંજામ આપનાર શાતિર આરોપી 35 વર્ષે ઝડપાયો

ઉદય રંજન/અમદાવાદ : ચેઇન સ્નેચિંગના 52 ગુનાને અંજામ આપનાર શાતિર આરોપી ૩૫ વર્ષે ક્રાઇમ બ્રાન્ચના હાથે ઝડપાયો. આરોપી અશોક ઠાકોર ૩૫ વર્ષ સુધી પોલીસને ચકમો આપતો રહ્યો. એટલો શાતિર કે એની સાથેના બધા આરોપીઓ પકડાયા પણ અશોક ડાહ્યાભાઈ ઠાકોર 52 ગુનાઓમાંથી ૨ ગુનામાં વોન્ટેડ હતો. 

અમદાવાદ ક્રાઇમ બ્રાન્ચ દ્વારા લાંબા સમયથી ફરાર આરોપીઓને પકડવાની મુહિમ ચાલી રહી છે ત્યારે 35 વર્ષ થી ફરાર આરોપી અમદાવાદ ક્રાઇમ બ્રાંચ ના હાથે લાગ્યો છે આ આરોપી નું નામ છે અશોક ડાહ્યાભાઈ ઠાકોર, ત્યારે આ આરોપીની ક્રાઇમ કુંડળીની વાત કરી તો વર્ષ 1983 થી 2008 સુધીમાં અમદાવાદ ના અલગ અલગ પોલીસ સ્ટેશન વિસ્તારમાં 52 થી વધુ ચેઇન સ્નેચિંગ ના ગુનાઓ આચર્યા હતા. જેમાંથી 50 ગુનામાં આરોપીની અગાઉ ધરપકડ થઇ ચૂકી હતી અને 2 ગુનામાં એની ધરપકડ કરવાની બાકી હતી અને ફરાર ફરી રહ્યો હતો. જેમાં અશોક ડાહ્યાભાઈ ઠાકોરની સુરેન્દ્રનગર ના રતનપર થી ધરપકડ કરી લેવામાં આવી છે. 

ઓઢવના 1991 ના ગુનામાં અને ગાંધીનગર, કલોલ તાલુકામાં નોંધાયેલા ગુનામાં એની ધરપકડ બાકી હતી. મૂળ સુરેન્દ્રનગરનો રહેવાસી અશોક ઠાકોર ફોનનો ઉપયોગ કરતો જ નહોતો, એટલે પોલીસને એનું લોકેશન શોધવામાં પણ મુશ્કેલી પડતી હતી. પરંતુ હ્યુમન ઈન્ટેલિજન્સ નેટવર્કના આધારે આખરે અશોક ઠાકોર પર 2 મહિના વોચ રાખીને એની ધરપકડ કરવામાં આવી. સુરેન્દ્રનગર અને અમદાવાદ ના અંતરિયાળ ગામોમાં રહીને છૂટક મજૂરી કરીને રહેતો. સતત પોતાનું લોકેશન બદલતો રહેતો જેથી પોલીસની નજરથી બચી શકાય. 

અશોક ઠાકોરની અગાઉની ક્રાઇમ હિસ્ટ્રી અને ઓળખના આધારે તેની ખરાઈ અને ધરપકડ શક્ય બની, બીજી મહત્વની ઓળખ બની એના જમણી આંખ પરનું નિશાન જેના કારણે પોલીસે એને ઓળખી કાઢ્યો, કારણ કે ૩૫ વર્ષનો અંતરાલ ખૂબ લાંબો હોય છે જેમાં માણસના ચહેરામાં ઘણા પરિવર્તન આવતા હોય છે, પરંતુ ક્રાઇમ બ્રાન્ચની ટીમના પ્રયત્નથી આરોપી હવે જેલના સળિયા પાછળ ધકેલાયો છે.